கல்லுாரி மாணவர்களுக்கான செமஸ்டர் தேர்வுகள், 'ஆன்லைனில்' நடத்தப்படுகின்றன. இந்த தேர்வுகள், பிப்., 1 முதல் துவங்குகின்றன. கலை, அறிவியல்கல்லுாரிகளுக்கு பிப்., 20 வரையிலும், அண்ணா பல்கலையின் இணைப்பில் உள்ள இன்ஜினியரிங் கல்லுாரி மாணவர்களுக்கு மார்ச் 5 வரையிலும் தேர்வுகள் நடத்தப்படுகின்றன.
இந்நிலையில், தேர்வுக்கு விண்ணப்பிக்காமல் விடுபட்ட மாணவர்களும், பதிவு செய்யலாம் என, அண்ணா பல்கலை அறிவித்துள்ளது. அண்ணா பல்கலையின், coe1.annauniv.edu என்ற இணையதளத்தில், இன்று மாலை, 7:00 மணிக்குள் பதிவு செய்யலாம் என, பல்கலையின் தேர்வு கட்டுப்பாடு அலுவலகம் அறிவித்துள்ளது. சந்தேகங்களுக்கு, 044 - 2235 7272 என்ற தொலைபேசி எண்ணில் தொடர்பு கொள்ளலாம்.