உச்ச நீதிமன்றத்தில் தேர்தல் கமிஷன் 40 நாட்கள் அவகாசம் கேட்பது ஏன்?

Updated : ஜன 29, 2022 | Added : ஜன 29, 2022 | கருத்துகள் (3) | |
Advertisement
சென்னை :நகர்ப்புற உள்ளாட்சி தேர்தலை நடத்தி முடிக்க 40 நாட்கள் அவகாசம் கேட்டு, உச்ச நீதிமன்றத்தை மாநில தேர்தல் கமிஷன் நாடியுள்ளது.தமிழகத்தில், ஊரகம், நகர்ப்புறம் என இரண்டு வகையான உள்ளாட்சி அமைப்புகள் உள்ளன. இதில், 27 மாவட்ட ஊரக உள்ளாட்சிகளுக்கு, 2019 டிசம்பரில் தேர்தல் நடத்தப்பட்டது. விடுபட்ட ஒன்பது மாவட்டங்களுக்கு, 2021 அக்டோபரில் தேர்தல் நடந்தது. இதையடுத்து, ஊரக உள்ளாட்சி
 உச்ச நீதிமன்றம், தேர்தல் கமிஷன் 40 நாட்கள் அவகாசம் கேட்பது ஏன்?

சென்னை :நகர்ப்புற உள்ளாட்சி தேர்தலை நடத்தி முடிக்க 40 நாட்கள் அவகாசம் கேட்டு, உச்ச நீதிமன்றத்தை மாநில தேர்தல் கமிஷன் நாடியுள்ளது.தமிழகத்தில், ஊரகம், நகர்ப்புறம் என இரண்டு வகையான உள்ளாட்சி அமைப்புகள் உள்ளன.

இதில், 27 மாவட்ட ஊரக உள்ளாட்சிகளுக்கு, 2019 டிசம்பரில் தேர்தல் நடத்தப்பட்டது. விடுபட்ட ஒன்பது மாவட்டங்களுக்கு, 2021 அக்டோபரில் தேர்தல் நடந்தது. இதையடுத்து, ஊரக உள்ளாட்சி அமைப்புகளுக்கான அனைத்து பதவிகளும் நிரப்பப்பட்டு உள்ளன. மாநகராட்சிகள், நகராட்சிகள், பேரூராட்சிகள்அடங்கிய நகர்ப்புற உள்ளாட்சி தேர்தலை நடத்தி முடிக்க, மாநில தேர்தல் கமிஷனுக்கு, உச்ச நீதிமன்றம், ஜன., 26 வரை அவகாசம் வழங்கியது. தேர்தல் நடத்துவதற்கான ஏற்பாடுகள் நடந்து வந்தன.

இந்நிலையில், நகர்ப்புற உள்ளாட்சிகளுக்கு, பிப்., 19ல் ஒரே கட்டமாக தேர்தல் நடத்தப்படும் என, கடந்த 26ல் மாநில தேர்தல் கமிஷனர் பழனிகுமார் முறைப்படி வெளியிட்டார். அதேநாளில், தமிழகத்தில் தேர்தல் நடத்தி முடிக்க, உச்சநீதிமன்றம் விதித்த கெடு முடிவுக்கு வந்தது.


latest tamil news



இந்நிலையில், தேர்தலை நடத்தி முடிக்க 40 நாட்கள் அவகாசம் வழங்க வேண்டும் என உச்ச நீதிமன்றத்தில், மாநில தேர்தல் கமிஷன் மனு செய்துள்ளது. இது அரசியல் கட்சியினர் மற்றும் சுயேச்சையாக போட்டியிட உள்ளவர்கள் மத்தியில் குழப்பத்தை ஏற்படுத்தியுள்ளது.இது குறித்து மாநில தேர்தல் கமிஷன் அதிகாரி ஒருவர் கூறியதாவது:தேர்தலை நடத்த கூடுதல் கால அவகாசம் கேட்கவில்லை. ஏற்கனவே, தேர்தல் அட்டவணை வெளியிடப்பட்டு உள்ளது.அதன்படி, தேர்தலை நடத்தி முடிக்க 40 நாட்கள் ஆகும். உச்ச நீதிமன்றம் ஏற்கனவே விதித்த கெடு முடிந்ததால், 40 நாட்கள் அவகாசம் கேட்டுஉள்ளோம்.இந்த வழக்கு விசாரணைக்கு வர இரண்டு வாரங்கள் ஆகும். அதற்குள், தமிழகத்தில் தேர்தல் நடவடிக்கைகள் இறுதி கட்டத்தை எட்டிவிடும்.
இவ்வாறு அவர் கூறினார்.

Advertisement




வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
R. Vidya Sagar - Chennai,இந்தியா
29-ஜன-202210:36:21 IST Report Abuse
R. Vidya Sagar நீதிமன்றங்கள் எதனை கேஸ்களை நாற்பது நாட்களுக்குள் விசாரித்து தீர்ப்பு அளித்துள்ளன?
Rate this:
Cancel
duruvasar - indraprastham,இந்தியா
29-ஜன-202209:39:30 IST Report Abuse
duruvasar மடை மாற்றுவது என்பது அவ்வளவு எளிதாக முடிக்க முடியாது. 40 நாட்கள் என்பதே அரசுக்கு அளவுக்கு மீறிய அழுத்தத்தை கொடுக்கும். திருமாவை விட்டு மனுநீதி அக்கிரமங்களை பேசவைப்பது. ஏசுநாதர் தான் காஞ்சியில் ஏகம்பரநாதராக இருக்கிறார் என்ற ஆராய்ச்சி அதிர்ச்சி தகவல் என பேசவைக்கலாம். அலங்கார ஊர்த்தி அவசர கதியில் முடிந்துவிட்டது. எஃபெக்ட் இரண்டு நாட்களுக்கு மேல் தாக்குபிடிக்க முடியவில்லை. எனவே 40 நாட்கள் என்பது மிகவும் குறைவு. பாராளுமன்ற தேர்தல் என்றால்தான் 3 நாட்களில் முடிவு சொல்லவேண்டும் என்ற விவாதம் நடக்கும். நகராட்சி என்பதால் 40 நாட்கள். தமிழுக்கு அழகே எதுகை மோனையில் பேசுவதுதான்.
Rate this:
Cancel
NicoleThomson - chikkanayakanahalli , tumkur dt and Bangalore, ,இந்தியா
29-ஜன-202207:31:39 IST Report Abuse
NicoleThomson அது என்னங்க ஒவ்வொரு aலையிலும் ஒவ்வொரு தேர்தல்?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X