ரேஷன் கடை ஊழியர்களுக்கு அகவிலைப்படி உயர்வு நிறுத்தம்

Updated : ஜன 29, 2022 | Added : ஜன 29, 2022 | கருத்துகள் (4)
Advertisement
சென்னை : ரேஷன் கடை ஊழியர்களுக்கு ஜன., 1 முதல் அகவிலைப்படி உயர்வு வழங்கப்படுவதை நிறுத்தி வைக்குமாறு, மண்டல இணை பதிவாளர்களை, கூட்டுறவு துறை அறிவுறுத்தியுள்ளது. கூட்டுறவு துறை நடத்தும் ரேஷன் கடைகளில் பணிபுரியும் ஊழியர்களுக்கு, 2021 பிப்., ஊதிய உயர்வு அளிக்கப்பட்டது. அதில் அடிப்படை ஊதியத்தில், 14 சதவீதம் அகவிலைப்படி அளிக்கப்பட்டது.அரசு ஊழியர்களுக்கு சமீபத்தில்

வாசிக்க நேரம் இல்லையா? செய்தியைக் கேளுங்கள் headphone


சென்னை : ரேஷன் கடை ஊழியர்களுக்கு ஜன., 1 முதல் அகவிலைப்படி உயர்வு வழங்கப்படுவதை நிறுத்தி வைக்குமாறு, மண்டல இணை பதிவாளர்களை, கூட்டுறவு துறை அறிவுறுத்தியுள்ளது.



latest tamil news



கூட்டுறவு துறை நடத்தும் ரேஷன் கடைகளில் பணிபுரியும் ஊழியர்களுக்கு, 2021 பிப்., ஊதிய உயர்வு அளிக்கப்பட்டது. அதில் அடிப்படை ஊதியத்தில், 14 சதவீதம் அகவிலைப்படி அளிக்கப்பட்டது.அரசு ஊழியர்களுக்கு சமீபத்தில் அகவிலைப்படி உயர்த்தப்பட்டது. ஆனால், ரேஷன் ஊழியர்களுக்கான அகவிலைப்படி உயர்வை நிறுத்தி வைக்குமாறு, மண்டல இணை பதிவாளர்களை, கூட்டுறவு துறை அறிவுறுத்தியுள்ளது.


latest tamil news



இது குறித்து, கூட்டுறவு சங்கங்களின் நுகர்வோர் பணிகளுக்கான கூடுதல் பதிவாளர் அருணா, அனைத்து மண்டல இணை பதிவாளர்களுக்கு அனுப்பி உள்ள சுற்றறிக்கை: தமிழக அரசு ஊழியர்கள், அலுவலர்களுக்கு, 2022 ஜன., 1 முதல் அகவிலைப்படியை உயர்த்தி வழங்க, ஆணை பிறப்பிக்கப்பட்டுள்ளது. கூட்டுறவு ரேஷன் கடை விற்பனையாளர்கள், எடையாளர்களுக்கு ஊதிய உயர்வு அளித்து வெளியிடப்பட்ட அரசாணையில், 'புதிய அடிப்படை ஊதியத்தில் 14 சதவீதம் அகவிலைப்படி வழங்கப்படும்' என்று, மட்டும் குறிப்பிடப்பட்டுள்ளது.

அதற்கு பின், தொடர்ந்து ஒவ்வொரு ஆண்டும் வழங்கப்பட வேண்டிய அகவிலைப்படி உயர்வு குறித்து, எவ்வித தகவலும் அரசாணையில் குறிப்பிடப்படவில்லை. எனவே, அகவிலைப்படி உயர்வு குறித்த ஆணை, அரசிடம் இருந்து பெறப்படும் வரை, ரேஷன் கடை ஊழியர்களுக்கு, ஜன., முதல் அகவிலைப்படி உயர்வு வழங்கப்படுவதை நிறுத்தி வைக்க, தங்கள் மண்டலத்தில் உள்ள அனைத்து சங்கங்களுக்கும் அறிவுறுத்த வேண்டும்.இவ்வாறு அதில் கூறப்பட்டுள்ளது.

இதுகுறித்து, அரசு நியாய விலை கடை பணியாளர் சங்க தலைவர் ராஜேந்திரன் கூறியதாவது: ரேஷன் ஊழியர் ஊதிய உயர்வுக்கான புதிய அரசாணையில், முந்தைய அரசாணைகளில் இருந்ததுபோல், 'அரசு ஊழியர்களுக்கு அகவிலைப்படி உயர்த்தும்போது, ரேஷன் ஊழியர்களுக்கும் பொருந்தும்' என்ற வாசகம் இடம்பெறவில்லை.

இதனால் தற்போது, அரசு ஊழியர்களுக்கு உயர்த்திய அகவிலைப்படி உயர்வை, ரேஷன் ஊழியர்களுக்கு வழங்குவதில் குழப்பம் இருப்பதாக கூறி, அகவிலைப்படி உயர்வு நிறுத்தப்பட்டுள்ளது.அரசின் திட்டங்களை மக்களிடம் கொண்டு சேர்க்கும் பணியில், ரேஷன் ஊழியர்கள் ஈடுபட்டுள்ளனர். அவர்களுக்கு குறைந்த ஊதியமே வழங்கப்படுகிறது. எனவே, அரசு ஊழியர்களுக்கு இணையாக விரைந்து அகவிலைப்படி உயர்த்தி வழங்க வேண்டும்.இவ்வாறு அவர் கூறினார்.

Advertisement




வாசகர் கருத்து (4)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
நக்கீரன் - திருநெல்வேலி சீமை,இந்தியா
29-ஜன-202209:28:56 IST Report Abuse
நக்கீரன் ஏழை மக்களின் வயிற்றில் அடித்து ரேஷன் பொருட்களை கொள்ளையடித்து அதை கள்ள மார்க்கெட்டில் விற்று சம்பாதிக்கும் ஊழியர்களுக்கு அகவிலைப்படி அவசியந்தான்.
Rate this:
Cancel
duruvasar - indraprastham,இந்தியா
29-ஜன-202209:20:49 IST Report Abuse
duruvasar ரேஷன் பொருள்களின் விலைக்கு நிகரான பணத்தை அவரவர் வங்கி கணக்கில் செலுத்தினால் எல்லா மட்டங்களிலும் நடக்கும் ஊழல்களுக்கு முற்றுப்புள்ளி வைக்கலாம். மக்களும் வெளிக் கடைகளில் தரமான பொருள்களை வாங்கிக்கொள்ளலாம். இந்த ஏற்பாடு சிலபேருக்கு பேரிடியாக இருக்கும். எல்லாவற்றிலும் முதன்மை மாநிலம் என்ற பெருமை ஸ்டிக்கர் ஒட்டிக்கொள்ள மற்றுமோர் நல்ல வாய்ப்பு.
Rate this:
Cancel
29-ஜன-202206:36:10 IST Report Abuse
Taas Vyas சரியான நடவடிக்கை-ரேஷன் கடைக்காரன்.சம்பளத்தில பாதியை புடிச்சு வைச்சுக்கிட்டு ஓய்வூதியத்தோட தர்ரேன்னு சொன்னா அமைதியா இருப்பானுக-போக்குவரத்துத் துறைக்காரன் பல்லை எப்படி ஜெ புடுங்கினா-ஓய்வூதியத்தை நிறுத்தி வைச்சவுடனே பேசாம இருந்தானா-பாம்புக்கு பர்லுல விஷமிருந்தா அதை புடுங்க வேணாம்-அந்த விஷசுரப்பியோட நரம்பை அத்துவிட்டுப் புட்டா விஷம் வேலை பாக்காது.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X