மதுரை -'ஆளுங்கட்சி, எதிர்கட்சி பாகுபாடின்றி நேர்மையான முறையில் உள்ளாட்சித்தேர்தலை நடத்த வேண்டும்,' என, மதுரையில் நடந்த அனைத்து கட்சி கூட்டத்தில் வலியுறுத்தப்பட்டது.கலெக்டர் அனீஷ்சேகர் தலைமையில் நடந்த கூட்டத்தில் கட்சியினர் பேசியதாவது...சசிராமன், பா.ஜ.,: வேட்பாளர்களுக்கு தடையில்லா சான்று வழங்குவதில் பராபட்சம் காட்ட கூடாது. விரைந்து வழங்க உத்தரவிட வேண்டும்.ராஜரத்தினம், பா.ஜ.,: பிரசாரத்திற்கு மைக் கட்டுவது, பேனர் வைப்பது உள்ளிட்ட விஷயங்களில் ஆளுங்கட்சி, எதிர்கட்சி என்ற பாகுபாடு காட்ட கூடாது. நேர்மையான முறையில் உள்ளாட்சி தேர்தல் நடத்துவதை உறுதி செய்ய வேண்டும்.சேதுராமன், அ.தி.மு.க.,: வேட்பாளர்கள் கடந்த உள்ளாட்சி தேர்தல்களில் எந்த நிலுவையும் வைக்கவில்லை என்ற தடையில்லா சான்று பெற வேண்டும் என கூறப்பட்டுள்ளது. மனு தாக்கலுக்கு குறுகிய நாட்களே உள்ளதால் விரைந்து வழங்க உத்தரவிட வேண்டும்.சங்கரன், அ.தி.மு.க.,: கூடுதல் ஜாவிதா அரசியல் கட்சியினருக்கு விரைந்து வழங்க நடவடிக்கை எடுக்க வேண்டும்.மார்க்சிஸ்ட் பிரதிநிதி: தேர்தல் அனுமதி வழங்குவதில் ஒற்றை சாரள முறையை அமல்படுத்த வேண்டும். இதன் மூலம் நேரம் வீணாவதை தவிர்க்கலாம்.மணிகண்டன்(காங்.,), காளிதாஸ்(இ. கம்யூ.,) உள்ளிட்ட பல்வேறு கட்சியினரும் பங்கேற்றனர். கட்சியினர் தெரிவித்த கோரிக்கைகள் மீது நடவடிக்கை எடுக்கப்படும் என கலெக்டர் தெரிவித்தார்.

மதுரை -'ஆளுங்கட்சி, எதிர்கட்சி பாகுபாடின்றி நேர்மையான முறையில் உள்ளாட்சித்தேர்தலை நடத்த வேண்டும்,' என, மதுரையில் நடந்த அனைத்து கட்சி கூட்டத்தில் வலியுறுத்தப்பட்டது.கலெக்டர்