86வது நாளாக பெட்ரோல், டீசல் விலையில் மாற்றம் இல்லை

Updated : ஜன 29, 2022 | Added : ஜன 29, 2022 | கருத்துகள் (1)
Advertisement
சென்னை: மத்திய அரசின் கலால் வரி குறைப்பால், தீபாவளிக்கு பெட்ரோல் விலை லிட்டருக்கு 5 ரூபாயும்; டீசல் 10 ரூபாயும் குறைந்த நிலையில், கடந்த 86 நாட்களாக அவற்றின் விலை மாற்றப்படாமல் உள்ளது. பொதுத்துறை எண்ணெய் நிறுவனங்கள், சர்வதேச சந்தையில் கச்சா எண்ணெய் விலை நிலவரத்திற்கு ஏற்ப, உள்நாட்டில் தினமும் பெட்ரோல், டீசல் விலையை நிர்ணயம் செய்கின்றன. கச்சா எண்ணெய் விலை


சென்னை: மத்திய அரசின் கலால் வரி குறைப்பால், தீபாவளிக்கு பெட்ரோல் விலை லிட்டருக்கு 5 ரூபாயும்; டீசல் 10 ரூபாயும் குறைந்த நிலையில், கடந்த 86 நாட்களாக அவற்றின் விலை மாற்றப்படாமல் உள்ளது.



latest tamil news



பொதுத்துறை எண்ணெய் நிறுவனங்கள், சர்வதேச சந்தையில் கச்சா எண்ணெய் விலை நிலவரத்திற்கு ஏற்ப, உள்நாட்டில் தினமும் பெட்ரோல், டீசல் விலையை நிர்ணயம் செய்கின்றன. கச்சா எண்ணெய் விலை அதிகரிப்பால், எப்போதும் இல்லாத வகையில், பெட்ரோல், டீசல் விலை உயர்ந்து, இரண்டும் லிட்டருக்கு தலா, 100 ரூபாயை தாண்டி விற்பனையானது. இதனால், வாகன ஓட்டிகள் கடும் அதிருப்தி அடைந்தனர்.

குறிப்பாக, டீசல் விலை உயர்வால், அத்தியாவசிய பொருட்களின் விலை உயர்ந்ததால், பொதுமக்கள் கடும் பாதிப்புக்கு உள்ளாயினர். தமிழகத்தில் கடந்த ஆண்டு நவ., மாதம் 3ம் தேதி லிட்டர் பெட்ரோல் 106.66 ரூபாய்க்கும்; டீசல் 102.59 ரூபாய்க்கும் விற்பனையானது.


latest tamil news



அடுத்த நாள் தீபாவளி பண்டிகை கொண்டாடப்படுவதை முன்னிட்டு, மத்திய அரசு, 3ம் தேதி இரவு பெட்ரோல், டீசல் மீதான கலால் வரியை குறைத்து உத்தரவிட்டது. இதனால், 4ம் தேதி பெட்ரோல் லிட்டருக்கு 5 ரூபாயும்; டீசல் லிட்டருக்கு 10 ரூபாயும் குறைந்தது.

அன்றைய தினம் ஒரு லிட்டர் பெட்ரோல் 101.40 ரூபாய்க்கும்; டீசல் 91.43 ரூபாய்க்கும் விற்பனையாயின. இன்று (ஜன.,29) வரை 86 நாட்களாகியும், பெட்ரோல், டீசல் விலையில் மாற்றம் இல்லை. இது, வாகன ஓட்டிகளிடம் மகிழ்ச்சியை ஏற்படுத்தியுள்ளது.


Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
nizamudin - trichy,இந்தியா
29-ஜன-202210:20:41 IST Report Abuse
nizamudin பெட்ரோல் விலை குறைக்க வேண்டாம் /பங்குகளில் பெட்ரோல் சரியாக போடுகிறார்ங்களானும் ஒவொரு இடத்திலும் சோதனை செய்யவேண்டும் /100 ரூபாய் பெட்ரோல் 60 ரூபாய்க்குத்தான் போடுகிறார்கள் /கண்ணில் விளக்கெண்ணெய் போடு பார்த்தாலும் ஏமாற்றிவிடுகிறார்கள் /காரில் 500 கு பெட்ரோல் போட சொன்னால் 350 கு தான் போடுகிறார்கள் /இதற்கு ஒரே வழி ஒரு பிளாஸ்டிக் கேன் களில் தேவையான பெட்ரோலை ஊற்றி அதை லிட்டர் கணக்கில் மக்களிடம் காண்பித்து பிறகு வாகனங்களில் பெட்ரோல் போடா சொல்லவேண்டும் /அரசு அதிகாரிகள் சோதனைக்கு வந்தால் அந்த நேரத்தில் சரியாகவும் அவர்கள் திருப்பும்போதே மறுபடியும் ஏமாற்ற ஆரம்பித்து விகிறார்கள் /மத்திய அரசு பெட்ரோல் விலை குறைக்குக் பொது அது மக்களுகு போய் சேராமல் பங்கு காரர்களுக்கு அதன் லாபம் போய் சேர்ந்து விடுகிறது
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X