உக்ரைனின் சுமி நகரிலிருந்து இந்தியர்களை மீட்டது எப்படி?

Updated : மார் 09, 2022 | Added : மார் 09, 2022 | கருத்துகள் (22) | |
Advertisement
புதுடில்லி: ரஷ்யா மற்றும் உக்ரைன் அதிபர்களுடன் பிரதமர் மோடி தொலைபேசியில் பேசியதை தொடர்ந்து, சுமி நகரில் இருந்து 650 மாணவர்கள் பத்திரமாக மீட்கப்பட்ட தகவல் வெளியாகி உள்ளது.உக்ரைனில் ரஷ்ய படைகளின் தாக்குதல் 14வது நாளை எட்டி உள்ளது. அங்கு சிக்கி உள்ள மாணவர்கள் உட்பட இந்தியர்களை மீட்பதில் மத்திய அரசு ஆர்வம் காட்டி வந்தது. 83 விமானங்கள் வாயிலாக 17,100 இந்தியர்கள் தாயகம் அழைத்து
sumy, indians, ukraine, modi, narendramodi

புதுடில்லி: ரஷ்யா மற்றும் உக்ரைன் அதிபர்களுடன் பிரதமர் மோடி தொலைபேசியில் பேசியதை தொடர்ந்து, சுமி நகரில் இருந்து 650 மாணவர்கள் பத்திரமாக மீட்கப்பட்ட தகவல் வெளியாகி உள்ளது.

உக்ரைனில் ரஷ்ய படைகளின் தாக்குதல் 14வது நாளை எட்டி உள்ளது. அங்கு சிக்கி உள்ள மாணவர்கள் உட்பட இந்தியர்களை மீட்பதில் மத்திய அரசு ஆர்வம் காட்டி வந்தது. 83 விமானங்கள் வாயிலாக 17,100 இந்தியர்கள் தாயகம் அழைத்து வரப்பட்டு உள்ளனர்.

உக்ரைனின் சுமி நகரில் ரஷ்ய படைகள் தாக்குதல் நடத்தின. இதனால், அந்த நகரத்தில் இருந்த, 650க்கும் மேற்பட்ட இந்திய மாணவர்கள் சிக்கலுக்கு உள்ளாகினர். தங்களிடம் இருக்கும் உணவு, குடிநீர் காலியாக போவதாகவும், சொந்தமாக வெளியேற வேண்டிய சூழ்நிலைக்கு தள்ளப்பட்டதாகவும் அவசர செய்திகளை தூதரகத்திற்கு அனுப்பினர். ரஷ்யாவின் கடுமையான தாக்குதல் காரணமாக, அவர்களை பத்திரமாக மீட்பதில் இந்திய அதிகாரிகளுக்கு சிக்கல் ஏற்பட்டது. இந்த சூழ்நிலை மிகவும் சிக்கலானதாகவும், ஆபத்தானதாகவும் மாறியதாக பெயர் வெளியிட விரும்பாத அதிகாரி ஒருவர் தெரிவித்தார்.


latest tamil news


இந்திய மாணவர்களை மீட்க கடந்த திங்களன்று எடுக்கப்பட்ட நடவடிக்கை தோல்வியில் முடிந்ததால், பிரச்னை பெரிதானது. இது தொடர்பாக தகவல் தெரிவிக்கப்பட்ட உடன் பிரதமர் நரேந்திர மோடி, ரஷ்ய அதிபர் புடின் மற்றும் உக்ரைன் அதிபர் ஜெலன்ஸ்கியை தொலைபேசியில் தொடர்பு கொண்டு பேசினார். அப்போது, மாணவர்கள் பத்திரமாக வெளியேற அனுமதிக்க வேண்டும் என வலியுறுத்தினார். அதற்கு இரு நாட்டு தலைவர்களும், பச்சை கொடி காட்டியதுடன், அவர்கள் பத்திரமாக வெளியேறுவதில் தங்களுக்கு எந்த பிரச்னையும் இல்லை என தெரிவித்தனர்.

மத்திய வெளியுறவுத்துறை அமைச்சர் ஜெய்சங்கரும், இரு நாட்டு வெளியுறவு அமைச்சர்கள் மற்றும் உக்ரைன் அண்டை நாடுகளின் வெளியுறவு அமைச்சர்களுடன் தொடர்பில் இருந்தார். ஜெனிவா மற்றும் உக்ரைனில் உள்ள செஞ்சிலுவை சங்கத்தினருடனும், மாணவர்களை பத்திரமாக மீட்பது குறித்து இந்திய அதிகாரிகள் ஆலோசனை நடத்தினர்.

இதனை தொடர்ந்து, மனிதாபிமான அடிப்படையில் மாணவர்கள் மற்றும் மக்கள் வெளியேறுவதற்கு வழி ஏற்படுத்தி தரும்படி மாஸ்கோ மற்றும் கீவ் நகரில் இருந்து உத்தரவுகள் பிறப்பிக்கப்பட்டன. இதன் பின்னர், சுமி நகரில் இருந்து பஸ் மூலம் உக்ரைனின் மத்திய பகுதியில் உள்ள போல்டோவா பகுதிக்கு இந்திய மாணவர்கள் பத்திரமாக அழைத்து செல்லப்பட்டனர். இதனை மத்திய வெளியறவுத்துறை அமைச்சகம் உறுதி செய்துள்ளது. அங்கிருந்து இந்திய மாணவர்கள் பத்திரமாக தாயகம் அழைத்து வரப்பட உள்ளனர்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (22)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
sankaseshan - mumbai,இந்தியா
09-மார்-202220:04:48 IST Report Abuse
sankaseshan Our media will not repot truth. But will try to find fault in rescue operation . Hats off to central government
Rate this:
Cancel
09-மார்-202220:03:25 IST Report Abuse
முருகன் இந்தியா அரசின் கடமை இது
Rate this:
vadivelu - thenkaasi,இந்தியா
10-மார்-202203:04:22 IST Report Abuse
vadiveluஇது எப்போதுமா இல்லை இப்போதைய அரசுக்கு மட்டுமா? கடமையை செய்ததற்காக பாராட்டவும் செய்யலாமே. செய்யமுடியாததை தாங்கள்தான் செய்ததாக ஸ்டிக்கர் ஓட்டுபவரை தவறு என்றும் சொல்லலாமே.கண்ணை மூடி கொள்ளலாம், ஆனால் விழித்து கொண்டு இருப்பவர்களும் உண்டு என்பதை நினைவில் வைக்க வேண்டும்....
Rate this:
Cancel
Pats, Kongunadu, Bharat, Hindustan - Coimbatore,இந்தியா
09-மார்-202219:57:20 IST Report Abuse
Pats, Kongunadu, Bharat, Hindustan ஒத்திக்கொள்ளும் இரண்டு ராணுவங்கள் ஒதுங்கி இந்தியாவின் வேண்டுகோளை ஏற்று, சண்டையிடுவதை தற்காலிகமாக நிறுத்தி, நமது தேசியக் கொடியை மதித்து, நம் குடிமக்களுக்கு வழிவிடுவது என்பது மிகப்பெரிய சாதனை. நாம் இந்தியர்கள் அனைவரும் பெருமைப்பட்டுக்கொள்ள வேண்டிய தருணம். இந்நேரத்தில் பிரதமர், வெளியுறவுத்துறை அமைச்சர், அமைச்சக ஊழியர்கள், இந்திய தூதரக ஊழியர்கள், கடும் நெருக்கடியில் கார், பஸ் இயக்கியவர்கள், உணவு தண்ணீர், இருப்பிடம் வழங்கியவர்கள், விமானப்படை மற்றும் சிவில் விமான ஊழியர்கள், தவிர நமக்கு உதவிய போலந்து, ஹங்கேரி, உக்ரைன், ரஷ்ய நாடுகளை சேர்ந்தவர்கள் என அனைவருக்கும் மனமார்ந்த நன்றிகள். ஸ்டிக்கர் கூட்டத்தை தாண்டி, உண்மையை உணர்வோம்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X