சீனாவில் அதிகரிக்கும் கொரோனா; சர்வதேச வணிகத்திற்கு பாதிப்பு

Added : மார் 16, 2022 | கருத்துகள் (4)
Advertisement
பீஜிங் : சீனாவில் கொரோனா அதிகரிப்பால், சில பகுதிகளில் ஊரடங்கு அமலாகி உள்ளது. 'சீன தொழில் நகரங்கள் முடக்கப்பட்டால், அது சர்வதேச அளவில் வணிக ரீதியான பாதிப்புகளை ஏற்படுத்தும்' என, பொருளாதார நிபுணர்கள் எச்சரித்து உள்ளனர்.நம் அண்டை நாடான சீனா மற்றும் அதன் கட்டுப்பாட்டில் உள்ள ஹாங்காங்கில் கொரோனா பாதிப்பு அதிகரித்து வருகிறது. இதுகுறித்து பொருளாதார நிபுணர்கள்
China, Covid 19, Corona Virus

பீஜிங் : சீனாவில் கொரோனா அதிகரிப்பால், சில பகுதிகளில் ஊரடங்கு அமலாகி உள்ளது. 'சீன தொழில் நகரங்கள் முடக்கப்பட்டால், அது சர்வதேச அளவில் வணிக ரீதியான பாதிப்புகளை ஏற்படுத்தும்' என, பொருளாதார நிபுணர்கள் எச்சரித்து உள்ளனர்.



நம் அண்டை நாடான சீனா மற்றும் அதன் கட்டுப்பாட்டில் உள்ள ஹாங்காங்கில் கொரோனா பாதிப்பு அதிகரித்து வருகிறது. இதுகுறித்து பொருளாதார நிபுணர்கள் கூறியதாவது: சீனாவின் தொழில்நுட்ப மற்றும் நிதி மையமான ஷென்சென் மற்றும் வாகன உற்பத்தி மையமான சாங்சுன் ஆகியவற்றில் முழு ஊரடங்கு அமலில் உள்ளது; இது சீனா மற்றும் ஹாங்காங் பங்கு சந்தையில் பெரும் சரிவை ஏற்படுத்தி உள்ளது.

அணு ஆயுதப்போரால் உலக பொருளாதாரம் எந்த அளவு முடங்குமோ, அதே நிலை வணிக நடவடிக்கைகளை சீனா முடக்கினாலும் உருவாகும். ஏனெனில், கணக்கில் அடங்கா உற்பத்தி மற்றும் வினியோக சங்கிலிகள் சீனா வழியாக செல்கின்றன.தற்போது முடக்கப்பட்ட பகுதிகளை தவிர, பிற நகரங்களில் உள்ள தொழிற்சாலைகள், வினியோகஸ்தர்களை தொழில்துறையினர் பயன்படுத்தலாம்.


latest tamil news



ஆனால் ஷென்சென், ஷாங்காய் அதன் அருகில் உள்ள நிங்போ துறைமுகங்களில் வணிகம் தடைபட்டால் பெரும் அச்சுறுத்தல் உருவாகும். ஏனெனில் அவை உலகின் பெரும்பாலான ஸ்மார்ட் போன், கணினி, மருத்துவ சாதனங்கள் உட்பட பல்வேறு இயந்திர உதிரி பாகங்கள் தயாரிக்கும் சீன தொழிற்சாலைகளை வெளிநாட்டு வாடிக்கையாளர்களுடன் இணைக்கின்றன.

யான்டியன் துறைமுகத்தில் பணிகள் முடங்கினாலும் மின்னணு பொருட்களின் ஏற்றுமதி, இறக்குமதி முழுமையாக பாதிக்கப்படும். கடந்த ஆண்டு இத்துறைமுகம் முடங்கியதால் ஆயிரக்கணக்கான கப்பல்கள் தேங்கின. சர்வதேச அளவில் அது பாதிப்பை ஏற்படுத்தியது. இவ்வாறு அவர்கள் கூறினர்.

Advertisement




வாசகர் கருத்து (4)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
16-மார்-202217:05:29 IST Report Abuse
அப்புசாமி இந்தியாதான் சேஃபாம். சீன வெளியுறவுத்துறை அமைச்சரே இங்கே வரப் போறாராம்.
Rate this:
Cancel
16-மார்-202207:26:20 IST Report Abuse
ராமகிருஷ்ணன் உற்பத்தியான இடம், உற்பத்தி செய்தவர்கள் என்ற பாசமாய் இருக்கக்கூடும், நன்கு பெருகி வளரட்டும்.
Rate this:
Cancel
Kasimani Baskaran - Singapore,சிங்கப்பூர்
16-மார்-202206:44:50 IST Report Abuse
Kasimani Baskaran இப்பொழுதும் கூட சீனா உண்மையை சொல்கிறது என்று நினைத்துவிட வேண்டாம். பொருளாதார வீழ்ச்சியை மறைக்கும் பொருட்டு பொதுமக்களை திசைதிருப்பக்கூட இருக்கலாம்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X