சென்னையில் சொத்துவரி குறைவு தான்! மற்ற நகரங்களை ஒப்பிட்டு அரசு விளக்கம்

Updated : ஏப் 04, 2022 | Added : ஏப் 04, 2022 | கருத்துகள் (22) | |
Advertisement
சென்னை : நகர்ப்புறங்களில் பெருகி வரும் மக்கள் தொகை அடிப்படையில், அவர்களுக்கு தேவையான வசதிகளை செய்து தர, உள்ளாட்சி அமைப்புகளுக்கு வருவாய் தேவை. இதன் காரணமாகவே, சொத்து வரி உயர்த்தப்பட்டு உள்ளதாக அரசு தெரிவித்துள்ளது. மேலும், சென்னையையும், நாட்டின் பிற முக்கிய நகரங்களையும் ஒப்பிட்டு, இங்கு சொத்து வரி விதிப்பு குறைவு என்றும் தெரிவித்துள்ளது.அதன்
Chennai,property tax,சென்னை

வாசிக்க நேரம் இல்லையா? செய்தியைக் கேளுங்கள் headphone

சென்னை : நகர்ப்புறங்களில் பெருகி வரும் மக்கள் தொகை அடிப்படையில், அவர்களுக்கு தேவையான வசதிகளை செய்து தர, உள்ளாட்சி அமைப்புகளுக்கு வருவாய் தேவை. இதன் காரணமாகவே, சொத்து வரி உயர்த்தப்பட்டு உள்ளதாக அரசு தெரிவித்துள்ளது. மேலும், சென்னையையும், நாட்டின் பிற முக்கிய நகரங்களையும் ஒப்பிட்டு, இங்கு சொத்து வரி விதிப்பு குறைவு என்றும் தெரிவித்துள்ளது.



அதன் விபரம்:


சென்னையில், 24 ஆண்டுகளுக்கு பிறகும்; மற்ற பகுதிகளில், 14 ஆண்டுகளுக்கு பிறகும் சொத்து வரி உயர்த்தப்பட்டு உள்ளது.சென்னை மாநகராட்சியில், 600 சதுர அடி குடியிருப்புக்கான அதிகபட்ச சொத்து வரியாக, 3,240 ரூபாய் வசூலிக்கப்பட்டு வந்தது. இது தற்போது, 4,860 ரூபாயாக உயர்த்தப்பட்டு உள்ளது.மும்பையில், இதே அளவு குடியிருப்புக்கு, 84 ஆயிரத்து 583 ரூபாய்; புனேயில், 17 ஆயிரத்து 112 ரூபாய்; கோல்கட்டாவில், 15 ஆயிரத்து 984 ரூபாய்; பெங்களூரில், 8,660 ரூபாய் சொத்து வரி வசூலிக்கப் படுகிறது.


latest tamil news



சென்னை மாநகராட்சியில், 600 சதுர அடி குடியிருப்புகளுக்கான குறைந்தபட்ச சொத்து வரியாக முன்னர், 810 ரூபாய் வசூலிக்கப் பட்டது. இது, தற்போது 1,215 ரூபாயாக நிர்ணயம் செய்யப்பட்டுள்ளது. இதுவே, புனேயில், 3,924; கோல்கட்டாவில் 3,510; பெங்களூரில், 3,464; மும்பையில் 2,157 ரூபாயாக வசூலிக்கப் படுகிறது.

சென்னை மாநகராட்சியில், 1,000 சதுர அடி குடியிருப்புக்கான அதிகபட்ச சொத்து வரியாக ஏற்கனவே, 9,045 ரூபாய் வசூலிக்கப்பட்டு வந்தது. இது தற்போது, 13 ஆயிரத்து 568 ரூபாயாக உயர்த்தப்பட்டு உள்ளது.இதே அளவு குடியிருப்புக்கு, மும்பையில் ஒரு லட்சத்து 40 ஆயிரத்து 973; புனேயில், 28 ஆயிரத்து 521; கோல்கட்டாவில், 26 ஆயிரத்து 640; பெங்களூரில் 14 ஆயிரத்து 433 ரூபாய் என வசூலிக்கப்படுகிறது.எனவே, நாட்டிலேயே சென்னை மாநகராட்சியில் தான் சொத்து வரி மிகவும் குறைவு என, அரசு தரப்பில் கூறப்பட்டுள்ளது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (22)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
S.Bala - tamilnadu,இந்தியா
04-ஏப்-202214:09:07 IST Report Abuse
S.Bala அங்கெல்லாம் குறைந்த பட்ச தனிநபர் வருவாய் என்ன , தமிழகத்தில் என்ன
Rate this:
Cancel
Mayuram Swaminathan - Chennai,இந்தியா
04-ஏப்-202212:05:03 IST Report Abuse
Mayuram Swaminathan தலை நகர் தில்லியில் சொத்து வரி இங்கே விட குறைவுதான். அதை ஏன் ஒப்பீட்டுக்கு எடுத்துக் கொள்ளவில்லை?
Rate this:
Cancel
Balaji S - Chennai,இந்தியா
04-ஏப்-202211:50:00 IST Report Abuse
Balaji S எதற்கு எடுத்தாலும் ஒப்பீடு அடுத்தவர்களுடன். அவர்கள் ரியல் எஸ்டேட் குறைவு, சிமெண்ட் விலை குறைவு. சுகாதாரத்தில் அதிக கவனம். கல்வி செலவு குறைவு. நவோதயா பள்ளிகள் உண்டு. வேண்டுகிற மொழிகளை கற்கலாம். பத்திர பதிவு டிஜிட்டல் முறை. இவ்வளவு லஞ்ச லாவண்யங்கள் அங்கே இல்லை. போலீஸ் களுக்கு மிகுந்த மரியாதை உண்டு. நல்ல தண்ணீர். இன்னும் நெறய சொல்லி கொண்டே போகலாம். தேசம் மற்றும் தன் மாநில நலன் என்று வந்து விட்டால் எல்லாரும் ஒரு கோட்டில் நிற்பார்கள். இப்படி சொல்லி கொண்டே போகலாம். இங்கே எல்லாவற்றையும் சூறை ஆடி விட்டு இலவசங்களை அளவுக்கு அதிகமாக சொல்லி விட்டு அதுவும் தேவை படுவோருக்கு கிடைப்பதில்லை. ஓட்டுக்கு காசு கொடுத்து அந்த பணத்தை எப்படி மீட்டுவது என்று யோசித்து கடைசியில் நம் தலை மீதே கை வைப்பதெல்லாம் எந்த மாதிரி அரசு நிர்வாகம் என தெரிய வில்லை. மக்கள் தான் விழிக்க வேண்டும். இன்னமும் ஓட்டுக்கு காசு வாங்கி அவர்களின் இலவசங்களை நம்பினால், இன்னும் 4 வருடத்தில் எல்லாம் தெரிந்து விடும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X