விஜயின் 'பீஸ்ட்' படத்திற்கு தமிழகத்திலும் தடை?

Updated : ஏப் 06, 2022 | Added : ஏப் 06, 2022 | கருத்துகள் (54) | |
Advertisement
சென்னை : நடிகர் விஜய் நடித்துள்ள 'பீஸ்ட்' படத்திற்கு குவைத் அரசு தடை விதித்துள்ளநிலையில், தமிழகத்திலும் தடை விதிக்க வேண்டும் என, தமிழ்நாடு முஸ்லிம் லீக் கோரிக்கை விடுத்துள்ளது.விஜய் நடிப்பில் உருவாகி உள்ள, 'பீஸ்ட்' திரைப்படத்தை, சன் பிக்சர்ஸ் நிறுவனம் தயாரித்துள்ளது. இப்படம் வரும் 13ம் தேதி வெளியாக உள்ளது. முஸ்லிம்களை பயங்கரவாதி களாக சித்தரித்துள்ளதாகக் கூறி,
Vijay, Beast, ban

வாசிக்க நேரம் இல்லையா? செய்தியைக் கேளுங்கள் headphone

சென்னை : நடிகர் விஜய் நடித்துள்ள 'பீஸ்ட்' படத்திற்கு குவைத் அரசு தடை விதித்துள்ளநிலையில், தமிழகத்திலும் தடை விதிக்க வேண்டும் என, தமிழ்நாடு முஸ்லிம் லீக் கோரிக்கை விடுத்துள்ளது.

விஜய் நடிப்பில் உருவாகி உள்ள, 'பீஸ்ட்' திரைப்படத்தை, சன் பிக்சர்ஸ் நிறுவனம் தயாரித்துள்ளது. இப்படம் வரும் 13ம் தேதி வெளியாக உள்ளது. முஸ்லிம்களை பயங்கரவாதி களாக சித்தரித்துள்ளதாகக் கூறி, இப்படத்திற்கு குவைத் நாட்டின் அரசு தடை விதித்துள்ளது. தமிழகத்திலும் பீஸ்ட் படத்திற்கு தடை விதிக்க வேண்டும் என, தமிழ்நாடு முஸ்லிம் லீக் தலைவர் முஸ்தபா, தமிழக உள்துறை செயலர் பிரபாகருக்கு கடிதம் எழுதி உள்ளார்.

கடிதத்தில், அவர் கூறியிருப்பதாவது: தங்கள் ஜாதி அடையாளம் மற்றும் ஜாதி தலைவர்களின் பெயர்கள் திரைப்படத்தில் இடம் பெற்றால், அதற்கு சமுதாய அமைப்புகள் எதிர்ப்பு தெரிவிக்கின்றன. முஸ்லிம்கள் மட்டும் வெடிகுண்டு, துப்பாக்கி கலாசாரத்தில் ஈடுபட்டு, நாட்டின் அமைதிக்கு எதிராக செயல்படுவது போல, தொடர்ந்து திரைப்படங்களில் காட்சிகள் இடம் பெறுவது, மிகவும் வேதனை அளிக்கக்கூடிய விஷயம்.


latest tamil news


கடந்த, 2015 வெள்ளத்தின்போதும், கொரோனா பேரிடரின்போதும், முஸ்லிம் அமைப்புகள் செய்த பணிகளை, யாரும் மறந்து விட முடியாது. தற்போது முஸ்லிம்கள், ரம்ஜான் நோன்பு கடைபிடித்து வருகின்றனர். இந்த சூழலில், முஸ்லிம்களை பயங்கரவாதிகளாக சித்தரித்துள்ள, 'பீஸ்ட்' திரைப்படம் வெளிவந்தால், முஸ்லிம்கள் இடையே அசாதாரண சூழல் ஏற்படும். எனவே, இப்படத்திற்கு தடை விதிக்க வேண்டும். இவ்வாறு முஸ்தபா தெரிவித்துள்ளார்.



சமூக ஆர்வலர் புகார்


சென்னை, செம்பியத்தைச் சேர்ந்தவர் தேவராஜன்; சமூக ஆர்வலர். இவர், போலீஸ் கமிஷனர் அலுவலகத்தில் நேற்று அளித்த புகார்: நடிகர் விஜய் நடித்துள்ள, பீஸ்ட் படம், வரும் 13ம் தேதி வெளியாக உள்ளது. தியேட்டர் உரிமையாளர்கள் இப்படத்திற்கு கூடுதல் கட்டணம் வசூலிக்க முடிவு செய்துள்ளனர். அத்துடன், சட்ட விரோதமாக ஆறு காட்சிகள் திரையிடவும் ஏற்பாடுகள் நடக்கின்றன. அதேபோல, 'பார்க்கிங்' கட்டணத்தையும் பல மடங்கு உயர்த்தி வசூலிக்க உள்ளனர். இதை சட்ட ரீதியாக தடுக்க வேண்டும். கூடுதல் கட்டணம் வசூலிப்போர் மீது நடவடிக்கை எடுக்க வேண்டும். இவ்வாறு அதில் கூறப்பட்டுள்ளது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (54)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
SENTHILKUMAR S - CHENNAI,இந்தியா
12-ஏப்-202211:31:00 IST Report Abuse
SENTHILKUMAR S என்னங்க நீங்க. இது குடும்ப கம்பெனியோட படம்ங்க. இதை தடை செய்ய சொல்வது, சமூக நீதி, தமிழுணர்வு, திராவிட எழுச்சி இவற்றிற்கு எதிரான சதிவேலை.
Rate this:
Cancel
Srivilliputtur S Ramesh - Srivilliputtur,இந்தியா
11-ஏப்-202217:47:40 IST Report Abuse
Srivilliputtur S Ramesh இத்தகைய மிரட்டல்கள், புகார்கள் எல்லாமே, பணம் தந்தால் தீர்ந்து விடும். நிறைய திரைப்படங்களுக்கு தடை விதிக்கக்கோரி இப்படி கோரிக்கைகளும், மிரட்டல்களும் வரும். திரை மறைவில், பணம் விநியோகம் ஆனதும், பிரச்சனை தீர்ந்து விடும்...இது பற்றி, திரைப்படத்தயாரிப்பாளர்களுக்கு நன்கு தெரியும்....
Rate this:
Cancel
katharika viyabari - coimbatore,இந்தியா
06-ஏப்-202216:54:09 IST Report Abuse
katharika viyabari ஒரு வருடம் கழிச்சு பொய் படம் பாருங்க. உடனே பார்க்கலைனா ஒன்னும் குடி முழிகி போகாது
Rate this:
Dharma - Madurai,இந்தியா
12-ஏப்-202211:51:49 IST Report Abuse
Dharmaதமிழ் படங்களை பார்க்கவே இல்லையென்றாலும் குடி முழிகி போகாது....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X