கன்னட நடிகர் கருத்துக்கு அரசியல் தலைவர்கள் ஆதரவு

Updated : ஏப் 29, 2022 | Added : ஏப் 29, 2022 | கருத்துகள் (48) | |
Advertisement
பெங்களூரு :'ஹிந்தியை தேசிய மொழியாக ஏற்க முடியாது' எனக்கூறிய கன்னட நடிகர் கிச்சா சுதீப்பிற்கு ஆதரவாக கர்நாடக மாநில தலைவர்கள் குரல் கொடுத்துள்ளனர்.கர்நாடகாவில், முதல்வர் பசவராஜ் பொம்மை தலைமையில் பா.ஜ., ஆட்சி நடக்கிறது. இங்கு, நான் ஈ திரைப்படத்தின் வாயிலாக பிரபலமான கன்னட நடிகர் கிச்சா சுதீப், சமீபத்தில் அளித்த பேட்டியில், 'ஹிந்தியை தேசிய மொழியாக ஏற்க முடியாது'
கன்னட நடிகர் கருத்து , அரசியல், தலைவர்கள்

பெங்களூரு :'ஹிந்தியை தேசிய மொழியாக ஏற்க முடியாது' எனக்கூறிய கன்னட நடிகர் கிச்சா சுதீப்பிற்கு ஆதரவாக கர்நாடக மாநில தலைவர்கள் குரல் கொடுத்துள்ளனர்.
கர்நாடகாவில், முதல்வர் பசவராஜ் பொம்மை தலைமையில் பா.ஜ., ஆட்சி நடக்கிறது. இங்கு, நான் ஈ திரைப்படத்தின் வாயிலாக பிரபலமான கன்னட நடிகர் கிச்சா சுதீப், சமீபத்தில் அளித்த பேட்டியில், 'ஹிந்தியை தேசிய மொழியாக ஏற்க முடியாது' என்றார்.
இதற்கு பதிலளித்த பாலிவுட் நடிகர் அஜய் தேவ்கன், 'ஹிந்தி தேசிய மொழி இல்லையென்றால், எதற்காக உங்கள் மொழி படங்களை ஹிந்தியில், 'டப்பிங்' செய்து வெளியிடுகிறீர்கள்.


latest tamil news




'ஹிந்தி என்றுமே நம் தாய் மொழியாகவும், தேசிய மொழியாகவும் இருக்கும்' என்றார். இதை, சமூக வலைதளங்களில் பலரும் விமர்சித்து வருகின்றனர்.இதுகுறித்து மதசார்பற்ற ஜனதா தள கட்சியைச் சேர்ந்த கர்நாடக முன்னாள் முதல்வர் குமாரசாமி நேற்று கூறுகையில், “நடிகர் கிச்சா சுதீப் கூறியது சரிதான். ஹிந்தி, நம் தேசிய மொழி அல்ல. பெரும்பாலான மக்கள் பேசுவதால், ஹிந்தியை தேசிய மொழியாக ஏற்கமுடியாது,” என சாடினார்.

கர்நாடகவின் மற்றொரு முன்னாள் முதல்வரும், காங்., கட்சியைச் சேர்ந்தவருமான சித்தராமையா கூறுகையில், “ஹிந்தி நம் தேசிய மொழி இல்லை. ஒவ்வொரு மொழிக்கும், அதன் மக்கள் பெருமைப்பட பல வரலாறுகள் இருக்கும்,” என்றார்.மாநில காங்., தலைவர் சிவகுமார் கூறுகையில், “நம் நாட்டில், 20 ஆயிரம் மொழிகள் உள்ளன. இவற்றில் எதுவும், மற்றொன்றின் மீது ஆதிக்கம் செலுத்தக்
கூடாது,” என்றார்.

Advertisement




வாசகர் கருத்து (48)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Balaji - Chennai,இந்தியா
29-ஏப்-202221:34:52 IST Report Abuse
Balaji வெளியிட்ட படத்திற்கு விளம்பரம் தேட இப்படியெல்லாம் மக்களை ஏத்தி விட்டு வேடிக்கைபார்க்கும் ஒரு கூட்டம்... ஹிந்தி வேண்டாமென்றால் எதற்கு டப்பிங் செய்து படத்தை வெளியிடுகிறீர்கள்.. வெளியிட்டுவிட்டு சும்மா இருக்காமல் எதற்கு உசுப்பேத்தும் கருத்துக்களை சொல்கிறீர்கள் பொதுவெளியில்.. கீழ்தரமானவர்கள்..
Rate this:
Cancel
anandh -  ( Posted via: Dinamalar Android App )
29-ஏப்-202216:28:46 IST Report Abuse
anandh தமிழில் எல்லோரும் பேசுகிறோம்.அடுத்த மாநிலத்துக்கு போனால் என்ன பேசுவோம்.ஆங்கிலம் !! நம்மை கொள்ளை அடித்த ஆங்கிலம் வேண்டாம். இந்திய மொழியான ஹிந்தி பேசுவோம். சும்மா சுத்தி விட வேண்டாம்.
Rate this:
Cancel
தமிழன் - madurai,இந்தியா
29-ஏப்-202216:10:59 IST Report Abuse
தமிழன் இது எல்லாம் வெட்டி வேலை. மூணாவது பயிற்று மொழின்னு ஒன்ன ஓரமா வச்சுட்டா, பல பேர் ஹிந்திய படிச்சுட்டு போறான். அத தேசிய மொழின்னு கூவுனா, அதனால எந்த பிரயோஜனம் இல்ல. வீணா அத வச்சு அரசியல் செய்ய தான் பாப்பானுவ.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X