சமஸ்கிருதத்தில் இருந்து தோன்றியது தான் தமிழ்: ஹிந்தி நடிகை போட்டார் குண்டு

Updated : மே 01, 2022 | Added : ஏப் 30, 2022 | கருத்துகள் (160) | |
Advertisement
ஹிந்தி மொழி பற்றிய சர்ச்சை ஓடிக் கொண்டிருக்கும் நிலையில் சமஸ்கிருத மொழியில் இருந்து தான் தமிழ் உள்ளிட்ட பிற மொழிகள் தோன்றின. ஆகவே சமஸ்கிருதத்தை ஏன் தேசிய மொழியாக ஆக்க கூடாது என தெரிவித்துள்ளார் ஹிந்தி நடிகை கங்கனா ரணாவத்.பாலிவுட்டின் பிரபல நடிகை கங்கனா ரணாவத். அவ்வப்போது சர்ச்சையான விஷயங்களை பேசி சமயங்களில் வம்பில் மாட்டிக் கொள்வார். மும்பையில் தனது பட விழாவில்
Kanganaranuat, sanskritkangana, Hindi, Tamil, Sanskrit, Dhaakad,

வாசிக்க நேரம் இல்லையா? செய்தியைக் கேளுங்கள் headphone

ஹிந்தி மொழி பற்றிய சர்ச்சை ஓடிக் கொண்டிருக்கும் நிலையில் சமஸ்கிருத மொழியில் இருந்து தான் தமிழ் உள்ளிட்ட பிற மொழிகள் தோன்றின. ஆகவே சமஸ்கிருதத்தை ஏன் தேசிய மொழியாக ஆக்க கூடாது என தெரிவித்துள்ளார் ஹிந்தி நடிகை கங்கனா ரணாவத்.

பாலிவுட்டின் பிரபல நடிகை கங்கனா ரணாவத். அவ்வப்போது சர்ச்சையான விஷயங்களை பேசி சமயங்களில் வம்பில் மாட்டிக் கொள்வார். மும்பையில் தனது பட விழாவில் பங்கேற்ற இவரிடம் சில தினங்களுக்கு முன்னர் ஹிந்தி நடிகர் அஜய் தேவ்கன் மற்றும் கன்னட நடிகர் கிச்சா சுதீப்பின் ஹிந்தி மொழி வார்த்தை சண்டை குறித்து கேள்வி எழுப்பப்பட்டது.

இதற்கு கங்கனா அளித்த பதில் : ‛‛ஹிந்தி தேசிய மொழி என்பதை அரசியல் சட்டம் உறுதி செய்துள்ளது. அதனால் அஜய் தேவ்கன் கூறியதில் தவறில்லை. அதேசமயம் சுதீப்பின் உணர்வையும் புரிந்து கொள்கிறேன். ஹிந்தியை ஏற்காவிட்டால் மத்திய அரசையும் ஏற்றுக் கொள்ளவில்லை என்று தான் அர்த்தம். எப்போதும் வட இந்திய படங்கள், தென்னிந்திய படங்கள் என விவாதம் போய்க் கொண்டிருக்கிறது. இது வருத்தமளிக்கிறது, இது தேவையற்ற விவாதம்.

சமஸ்கிருதத்தில் இருந்து தோன்றியது தமிழ் சொல்கிறார் கங்கனா ........


latest tamil news




இங்கு நாம் மொழிவாரியாக வேறுபட்டு கிடக்கிறோம். இதை ஒன்றிணைக்க ஒரு பொதுவான மொழி அவசியம். ஹிந்தியை விட தமிழ் பழமையான மொழி. ஆனால் தமிழை விட பழமையான மொழி சமஸ்கிருதம். அதனால் சமஸ்கிருத மொழியை ஏன் தேசிய மொழியாக்க கூடாது. ஏனென்றால் தமிழ், குஜராத்தி, கன்னடம் போன்ற மொழிகள் சமஸ்கிருதத்தில் இருந்து தோன்றியவை.

பிரான்ஸ், ஸ்பெயின், ஜெர்மனி போன்ற நாடுகளில் அந்நாட்டு மக்கள் அவர்களின் தாய் மொழியில்தான் பேசுகின்றனர். ஆனால் காலனி ஆதிக்க வலராற்றால் துரதிர்ஷ்டவசமாக ஆங்கிலம் நமது இணைப்பு மொழியாக இப்போது மாறிவிட்டது. இணைப்பு மொழியாக ஆங்கிலமா, ஹிந்தியா, சமஸ்கிருதமா அல்லது தமிழா எது இருக்க வேண்டும் என்பதை நாம் தான் முடிவு செய்ய வேண்டும். இவை அனைத்தையும் மனதில் வைத்து ஒரு தீர்க்கமான முடிவை எடுக்க வேண்டும். என்னை பொருத்தமட்டில் சமஸ்கிருதம் பழமையான மொழி. ஆனால் இந்த மொழி பள்ளிகளில் கூட கட்டாயமாக்கப்படாதது ஏன் என்று தெரியவில்லை.

இவ்வாறு கங்கனா கூறினார்.

Advertisement




வாசகர் கருத்து (160)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
ramtest - Bangalore,இந்தியா
30-ஏப்-202219:18:26 IST Report Abuse
ramtest சம்ஸ்கிருதம் மக்களின் மொழியாக இருந்திருந்தால் 130 கோடி பேர் கொண்ட நாட்டில் ஒரு கோடி பேர்கூட பேச,எழுத , புரிந்துகொள்ள முடியாத படிக்க மொழியாக உள்ளது ஏன் ???...
Rate this:
Cancel
Adiyamon V Shankar - Chennai,இந்தியா
30-ஏப்-202218:22:50 IST Report Abuse
Adiyamon  V Shankar ஆதரவாக எதிராக கருத்து தெரிவிப்பவர்கள் ஒன்றை பொய் சொல்லாமல் ஒப்பு கொள்வீர்களா உங்களில் எத்தனை பேர் கல்யாணம், கிரஹப்பிரவேசம், நிச்சய தார்தம், புண்ணியதானம், குழந்தைக்கு பெரியார் சூட்டுதல், இன்னும் பல சடங்குகளுக்கு அய்யர் வைக்காமல் நடத்துபவர்கள் யார் என்று உண்மையில் அவர்களை தவிர மற்றவர்கள் சமஸ்கிருதத்திற்கு எதிராக கருத்து போடுங்கள் மற்றவர்கள் மனசாட்சிப்படி வாயை மூடி கொண்டு அமைதியாக இருங்கள். இதற்கெல்லாம் சமஸ்கிருதம் வேண்டும் மற்றத்திற்கு வேண்டாமா.வேண்டாம் என்றால் எதற்கும் வேண்டாம் என்று ஒதுக்கி வையுங்கள் தேவைக்கேற்ப கொள்கையை மாற்றி கொள்ளாதீர்கள்.
Rate this:
Cancel
dhiravidan - paris,பிரான்ஸ்
30-ஏப்-202218:10:33 IST Report Abuse
dhiravidan புரியுது . கவர்னர் போஸ்ட் வேணும்னு கேக்குறீங்க ..?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X