ஜனாதிபதி தேர்தலில் காங்கிரசை கழற்றி விட திரிணாமுல் காங்., உள்ளிட்ட கட்சிகள் முடிவு

Updated : மே 09, 2022 | Added : மே 09, 2022 | கருத்துகள் (15) | |
Advertisement
ஜனாதிபதி தேர்தலில் காங்கிரசை சேராத ஒருவரை வேட்பாளராக நிறுத்த, திரிணமுல் காங்கிரஸ், தேசியவாத காங்கிரஸ் உள்ளிட்ட எதிர்க்கட்சிகள் முடிவு செய்துள்ளன. ஜனாதிபதி தேர்தல் ஜூலையில் நடக்க உள்ளது. கடந்த ௨௦௧௭ல் நடந்த ஜனாதிபதி தேர்தலில், காங்கிரஸ் சார்பில் போட்டியிட்ட லோக்சபா முன்னாள் சபாநாயகர் மீரா குமாரை பெரும்பாலான எதிர்க்கட்சிகள் ஆதரித்தன.இம்முறை மூத்த தலைவர்

வாசிக்க நேரம் இல்லையா? செய்தியைக் கேளுங்கள் headphone

ஜனாதிபதி தேர்தலில் காங்கிரசை சேராத ஒருவரை வேட்பாளராக நிறுத்த, திரிணமுல் காங்கிரஸ், தேசியவாத காங்கிரஸ் உள்ளிட்ட எதிர்க்கட்சிகள் முடிவு செய்துள்ளன.



latest tamil news


ஜனாதிபதி தேர்தல் ஜூலையில் நடக்க உள்ளது. கடந்த ௨௦௧௭ல் நடந்த ஜனாதிபதி தேர்தலில், காங்கிரஸ் சார்பில் போட்டியிட்ட லோக்சபா முன்னாள் சபாநாயகர் மீரா குமாரை பெரும்பாலான எதிர்க்கட்சிகள் ஆதரித்தன.இம்முறை மூத்த தலைவர் மல்லிகார்ஜுன கார்கேவை வேட்பாளராக நிறுத்த காங்கிரஸ் ஆலோசித்து வருகிறது.

ஆனால் இந்த முறை காங்கிரஸ் அல்லாதவரை எதிர்க்கட்சிகளின் பொது வேட்பாளராக நிறுத்த வேண்டும் என திரிணமுல் காங்கிரஸ் தலைவரும், மேற்கு வங்க முதல்வருமான மம்தா பானர்ஜி, தெலுங்கானா ராஷ்ட்ரீய சமிதியின் தலைவரும், தெலுங்கானா முதல்வருமான சந்திரசேகர ராவ் ஆகியோர் விரும்புகின்றனர்.திரிணமுல் காங்கிரஸ் மூத்த தலைவர் ஒருவரை ஜனாதிபதி தேர்தல் வேட்பாளராக நிறுத்த மம்தா திட்டமிட்டுள்ளார்.

இதற்கு தேசியவாத காங்கிரஸ் தலைவர் சரத் பவார், ஆம் ஆத்மி கட்சி தலைவரும், டில்லி முதல்வருமான அரவிந்த் கெஜ்ரிவால் ஆகியோர் ஆதரவு அளித்துவிட்டதாக கூறப்படுகிறது.இது பற்றி காங்கிரஸ் தலைமைக்கு தெரிவிக்கப்பட்டுவிட்டதாகவும் தகவல்கள் வெளியாகியுள்ளன. இதனால் காங்கிரஸ் அதிர்ச்சியடைந்துள்ளது.தி.மு.க., இடதுசாரிகள் உள்ளிட்ட கட்சிகளின் ஆதரவுடன் ஜனாதிபதி தேர்தலில் வேட்பாளரை நிறுத்தவும் காங்கிரஸ் ஆலோசித்து வருகிறது.


latest tamil news


ஜனாதிபதி தேர்தலில் தி.மு.க.,வின் நிலையை தெரிவிக்க அக்கட்சியின் மூத்த தலைவர் டி.ஆர்.பாலு டில்லி வந்துள்ளார். இப்படிப்பட்ட சூழ்நிலையில் ஜனாதிபதி தேர்தலில் மும்முனை போட்டி ஏற்படவும் வாய்ப்புகள் அதிகரித்துள்ளன.ஜனாதிபதி தேர்தலில் மும்முனை போட்டி ஏற்பட்டால், அது, ௨௦௨௪ லோக்சபா தேர்தலிலும் தொடரலாம் என, அரசியல் வல்லுனர்கள் கூறுகின்றனர்.

- புதுடில்லி நிருபர் -

புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (15)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
karuppasamy - chennai,இந்தியா
09-மே-202214:24:29 IST Report Abuse
karuppasamy mamtha planning to prime minister post
Rate this:
Cancel
pradeesh parthasarathy - Mylapore,இந்தியா
09-மே-202211:06:08 IST Report Abuse
pradeesh parthasarathy அதுக்கு தானே மம்தாவை மிரட்ட அவரது உறவினரின் வீடுகளில் இப்போ வருமானவரித்துறை சோதனை நடந்து கொண்டிருக்கிறது .. அப்புறம் மம்தா வேறு என்ன முடிவு எடுப்பார்... இப்படி தான் மத்திய பிஜேபி அரசின் ஆலோசனையின் பேரில் கோவாவில் மம்தாவை போட்டியிட நிர்ப்பந்தித்தது ...
Rate this:
Cancel
R. Vidya Sagar - Chennai,இந்தியா
09-மே-202210:35:42 IST Report Abuse
R. Vidya Sagar இங்கே ஒருத்தர் 35 தலைவர்களுக்கு கடிதம் எழுதுவார். பதில்தான் வராது
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X