அரசு விழாவில் சிறுமியின் பேச்சை கேட்டு உணர்ச்சிவசப்பட்ட பிரதமர்| Dinamalar

அரசு விழாவில் சிறுமியின் பேச்சை கேட்டு உணர்ச்சிவசப்பட்ட பிரதமர்

Updated : மே 13, 2022 | Added : மே 12, 2022 | கருத்துகள் (5) | |
புதுடில்லி: அரசு நலத்திட்ட உதவிகள் வழங்கும் விழாவில், பார்வையற்ற மாற்றுத்திறனாளியின் மகளின் பேச்சை கேட்ட பிரதமர் மோடி, உணர்ச்சிவசப்பட்டார்.குஜராத்தில் பயனாளிகளுக்கு அரசின் நிதியுதவி வழங்கும், மாநில அரசின் திட்டங்கள் 100 சதவீதம் நிறைவடைந்ததை கொண்டாடும் விதமாக பரூச் நகரில் விழா நடந்தது. இந்த விழாவில் வீடியோ கான்பரன்சிங் முறையில் கலந்து கொண்ட பிரதமர் மோடி,
பிரதமர் மோடி, நரேந்திரமோடி, குஜராத்

வாசிக்க நேரம் இல்லையா? செய்தியைக் கேளுங்கள் headphone

புதுடில்லி: அரசு நலத்திட்ட உதவிகள் வழங்கும் விழாவில், பார்வையற்ற மாற்றுத்திறனாளியின் மகளின் பேச்சை கேட்ட பிரதமர் மோடி, உணர்ச்சிவசப்பட்டார்.

குஜராத்தில் பயனாளிகளுக்கு அரசின் நிதியுதவி வழங்கும், மாநில அரசின் திட்டங்கள் 100 சதவீதம் நிறைவடைந்ததை கொண்டாடும் விதமாக பரூச் நகரில் விழா நடந்தது. இந்த விழாவில் வீடியோ கான்பரன்சிங் முறையில் கலந்து கொண்ட பிரதமர் மோடி, பயனாளிகளுடன் உரையாடினார்.

அப்போது, பார்வையற்ற மாற்றுத்திறனாளி ஒருவருடன் பேசிய மோடி, 'உங்கள் மகள்களை படிக்க வைக்கிறீர்களா? என்ன படிக்கிறார்கள்? என்று கேட்டார்.

இதற்கு பதிலளித்த அவர், தனது மூன்று மகள்களில் ஒருவர் மருத்துவர் ஆக விரும்புகிறார் என பதிலளித்தார்.

இதனையடுத்து அவரது மகளிடம் பேசிய மோடி, மருத்துவ தொழிலை தேர்ந்து எடுத்ததற்கு காரணம் என்ன? என்ற கேள்வி எழுப்பினார்.

இதற்கு பதிலளித்த அந்த சிறுமி, எனது தந்தைக்கு ஏற்பட்ட பாதிப்பை பார்த்து டாக்டராக ஆசைப்பட்டேன் எனக்கூறி கண்ணீர் விட்டார்.


latest tamil news


இதைக் கேட்டு உணர்ச்சி வசப்பட்ட பிரதமர் மோடி, சிறிது நேரம் அமைதியாக இருந்தார். பின்னர், அந்த சிறுமியின் மன உறுதியை பாராட்டிய மோடி இந்த கருத்து தான் உங்களின் வலிமை என்றார். பின்னர், அவரது தந்தையிடம், உங்கள் மகளின் கனவை நனவாக்க உதவி தேவைப்பட்டால் அதனை செய்கிறேன் என உறுதியளித்தார்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X