பெரிய காஞ்சிபுரம் பஞ்சுபேட்டை பெரிய தெரு, திரவுபதியம்மன் கோவிலில், மகாபாரத அக்னி வசந்த திருவிழா கடந்த, 4ல் கொடியேற்றத்துடன் துவங்கியது. விழாவையொட்டி, தினமும், மதியம் 2:00 மணி முதல் 6:00 மணி வரை முத்துகணேசன் மஹாபாரத சொற்பொழிவாற்றுகிறார்.
விழாவின் மற்றொரு நிகழ்ச்சியாக, நாளை முதல், மே 26 வரை என, தொடர்ந்து, 12 நாட்கள் தினமும் இரவு, 9:00 மணிக்கு, குண்டையார் தண்டலம், மாரியம்மன் தெருக்கூத்து நாடக சபாவின், மஹாபாரத தெருக்கூத்து நாடகம் நடைபெறுகிறது. துவக்க நாளான, நாளை இரவு, 9:00 மணிக்கு 'வில் வளைப்பு - திரவுபதி திருமணம்' என்ற தலைப்பில் நாடகம் நடைபெறுகிறது.ஏற்பாடுகளை பாண்டவ சமேத திரவுபதி அம்மன் இறைபணி அறக்கட்டளையினர் செய்து வருகின்றனர்.