பாதுகாப்பில்லாத பொதுக்கிணறு; கிராம மக்கள் அச்சம்

Added : மே 13, 2022
Advertisement
வலை இல்லாத கிணறுஉடுமலை அருகே கோட்டமங்கலம் வரதராஜபுரத்தில் குடியிருப்பில், பொதுக்கிணறு உள்ளது. இக்கிணற்றில் நீண்ட காலமாக வலை அமைக்கப்படவில்லை. அப்பகுதியிலுள்ள குழந்தைகள் அங்கு தான் விளையாடுகின்றனர். இதனால் பாதுகாப்பில்லாத சூழல் ஏற்படுகிறது. அதில் வலை அமைக்க வேண்டும்.- செந்தில்குமார், வரதராஜபுரம்.விபத்துக்கு வாய்ப்புஉடுமலை பஸ் ஸ்டாண்ட் எதிரில், விளம்பர பேனர்கள்

வலை இல்லாத கிணறு
உடுமலை அருகே கோட்டமங்கலம் வரதராஜபுரத்தில் குடியிருப்பில், பொதுக்கிணறு உள்ளது. இக்கிணற்றில் நீண்ட காலமாக வலை அமைக்கப்படவில்லை. அப்பகுதியிலுள்ள குழந்தைகள் அங்கு தான் விளையாடுகின்றனர். இதனால் பாதுகாப்பில்லாத சூழல் ஏற்படுகிறது. அதில் வலை அமைக்க வேண்டும்.- செந்தில்குமார், வரதராஜபுரம்.

விபத்துக்கு வாய்ப்பு
உடுமலை பஸ் ஸ்டாண்ட் எதிரில், விளம்பர பேனர்கள் வைக்கப்பட்டுள்ளன. இது வாகன ஓட்டுனர்களின் கவனத்தை ஈர்க்கிறது. விபத்துகள் ஏற்படவும் வாய்ப்புள்ளது. இதை அகற்ற நகராட்சி அதிகாரிகள் நடவடிக்கை எடுக்க வேண்டும்.- மோகனசுந்தரம், உடுமலை.

படகு இல்லத்தில் பிளாஸ்டிக்திருமூர்த்தி அணையில் படகு இல்லம் உள்ளது. இங்கு படகு சவாரி நீண்ட காலமாக செயல்படுவதில்லை. இதனால் இங்கு வரும் சுற்றுலா பயணிகள் பிளாஸ்டிக் பாட்டில்களை வீசிச்சென்று விடுகின்றனர். இதற்கு பேரூராட்சி நிர்வாகத்தினர் நடவடிக்கை எடுக்க வேண்டும்.- கணேசன், உடுமலை.

வீணாகும் வாகனம்
உடுமலை ஊராட்சி ஒன்றிய அலுவலக வளாகத்தில், நீண்ட நாட்களாக வாகனம் துருப்பிடித்து வீணாகி வருகிறது. அங்கு புதர்மண்டியும் காணப்படுகிறது. இதற்கு ஒன்றிய அதிகாரிகள் நடவடிக்கை எடுக்க வேண்டும்.- கந்தசாமி, உடுமலை.

பார்க்கிங் வசதி தேவை
திருமூர்த்தி மலையில் கோவிலுக்கு வரும், சுற்றுலா பயணிகளின் வாகனங்களை நிறுத்த பார்க்கிங் வசதி செய்யப்படவில்லை. இதனால், அவர்கள் கடும் சிரமத்துக்குள்ளாகின்றனர். அங்கு பார்க்கிங் வசதி ஏற்படுத்த, கோவில் நிர்வாகத்தினர் ஏற்பாடு செய்ய வேண்டும்.- ராஜேந்திரன், உடுமலை.

பராமரிப்பில்லாத மயானம்
பெரியகோட்டை ஊராட்சி மயானத்தில் பராமரிப்பு இல்லாததால், புதர்மண்டிக்கிடக்கிறது. இதனால், அங்கு வருவோர் கடும் பாதிப்புக்குள்ளாகின்றனர். இதை சீரமைக்க ஊராட்சி நிர்வாகத்தினர் நடவடிக்கை எடுக்க வேண்டும்.- ராமசாமி, உடுமலை.

செயல்படுவதில்லை
உடுமலை நகராட்சி பழைய கட்டடத்தில் சங்கு உள்ளது. இது நீண்ட நாட்களாக செயல்படுவதில்லை. இதனால் வீணாகி வருகிறது. இதை செயல்படுத்த, நகராட்சி அதிகாரிகள் நடவடிக்கை எடுக்க வேண்டும்.- கார்த்திக்குமார், உடுமலை.

எச்சரிக்கை பலகை அமைக்கணும்
தேசிய நெடுஞ்சாலையில் எஸ்.வி., மில் வாய்க்கால் பாலத்தில் ரோடு சந்திப்பில் எச்சரிக்கை பலகை இல்லை. இதனால், வேகமாக வரும் வாகனங்கள் விபத்துக்குள்ளாகும் வாய்ப்புள்ளது. இங்கு எச்சரிக்கை பலகையை நெடுஞ்சாலைத்துறையினர் வைக்க வேண்டும்.- செந்தமிழ் செல்வன், உடுமலை.

நோய் அபாயம்
உடுமலை - பழநி ரோடு அண்ணாகுடியிருப்பு முதல் தனியார் திருமண மண்டபம் வரை, கழிவுகளை மூட்டையாக வீசி சென்று விடுகின்றனர். இதனால், துர்நாற்றம் வீசுவதோடு, நோய் பரவும் அபாயம் ஏற்பட்டுள்ளது.- சுரேஷ், உடுமலை.

சுரங்கப்பாலத்தை சீரமைக்கணும்
உடுமலை, கொழுமம் ரோடு ரயில்வே கேட் பகுதியில், சுரங்கப்பாலம் பயன்படுத்தப்படாமல் புதர் மண்டிக் காணப்படுகிறது. இதனால் ரயில் வரும் நேரங்களில், போக்குவரத்து நெரிசல் ஏற்படுகிறது. சுரங்கப்பாலத்தை சீரமைக்க நடவடிக்கை எடுக்க வேண்டும்.- சுந்தர், உடுமலை.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X