'டுபாக்கூர்' தொண்டு நிறுவனங்கள்: சி.பி.ஐ., அதிகாரிகள் விசாரணை

Added : மே 14, 2022 | |
Advertisement
சென்னை:தமிழகத்தில், மூன்று பேர் கைது செய்யப்பட்டுள்ள நிலையில், வெளிநாடுகளில் இருந்து பணம் சுருட்டும் நோக்கத்துடன் செயல்பட்டு வரும் போலி தொண்டு நிறுவனங்கள் குறித்து, சி.பி.ஐ., அதிகாரிகள் விசாரித்து வருகின்றனர். மத்திய உள்துறை அமைச்சக அலுவலகத்தில், தொண்டு நிறுவனங்கள் பதிவு மற்றும் புதுப்பிக்கும் பிரிவு அதிகாரியாக பணியாற்றியவர், பிரமோத்குமார் பாசின். இவருடன், உதவி

சென்னை:தமிழகத்தில், மூன்று பேர் கைது செய்யப்பட்டுள்ள நிலையில், வெளிநாடுகளில் இருந்து பணம் சுருட்டும் நோக்கத்துடன் செயல்பட்டு வரும் போலி தொண்டு நிறுவனங்கள் குறித்து, சி.பி.ஐ., அதிகாரிகள் விசாரித்து வருகின்றனர்.
மத்திய உள்துறை அமைச்சக அலுவலகத்தில், தொண்டு நிறுவனங்கள் பதிவு மற்றும் புதுப்பிக்கும் பிரிவு அதிகாரியாக பணியாற்றியவர், பிரமோத்குமார் பாசின். இவருடன், உதவி இயக்குனர் ஷாஹீத் கான் உட்பட, ஆறு பேர் அதிகாரிகளாக பணியாற்றினர்.14 பேர் கைது இவர்கள் ஒப்புதல் அளித்தால் மட்டுமே, வெளிநாடுகளில் இருந்து, தொண்டு நிறுவனங்கள் பணம் பெற முடியும்.
இவர்கள், ஹவாலா கும்பல்களின் கைப்பாவையாக மாறினர். இந்த கும்பல்கள் வாயிலாக, தொண்டு நிறுவன நிர்வாகிகளிடம், கோடிக்கணக்கில் லஞ்சம் வாங்கி உள்ளனர்.ரகசியமாக கண்காணித்தசி.பி.ஐ., அதிகாரிகள், பிரமோத்குமார் பாசின் உள்ளிட்ட ஆறு அதிகாரிகளை கைது செய்தனர். இவர்களுடன், தமிழகத்தைச் சேர்ந்த மூவர் என, மொத்தம் 14 பேர் கைது செய்யப்பட்டனர்.


மோசடி

இவர்களின் வீடு, அலுவலகங்களில், சி.பி.ஐ., அதிகாரிகள் சோதனை நடத்தி, 3 கோடி ரூபாய் கைப்பற்றினர்.ஹவாலா கும்பலுடன் கூட்டு சேர்ந்து, வெளிநாடுகளில் இருந்து கோடிக் கணக்கில் பணம் பெற்றது தொடர்பாக, வேலுாரைச் சேர்ந்த ரபின் தேவதாஸ் உட்பட எட்டு பேர், சி.பி.ஐ., அதிகாரிகளின் விசாரணை வளையத்திற்குள் சிக்கி உள்ளனர்.
தொடர் விசாரணையில்,தொண்டு நிறுவனங்கள் என்ற பெயரில், கோடிக்கணக்கில் பண மோசடி நடப்பது தெரிய வந்துள்ளது.பெரும்பாலான தொண்டு நிறுவனங்கள் பெயர் அளவில் செயல்படுகின்றன. இதன் பின்னணியில் அரசியல்வாதிகள் உள்ளனர். தங்களின் பினாமிகள்பெயரில் தொண்டு நிறுவனம் பதிவு செய்து, வெளிநாடுகளில் இருந்து பணம் கறக்கும் பணியில் ஈடுபட்டு வருவது, சி.பி.ஐ., அதிகாரிகளுக்கு தெரிய வந்துள்ளது.
பட்டியல் தயாரிக்கும் பணிஇந்நிலையில், தற்போது விசாரணை வளையத்தில் சிக்கியுள்ள எட்டு பேரின் தொண்டு நிறுவன ஆவணங்கள் மற்றும் வரவு செலவு விபரங்கள், வெளிநாடுகளில் இருந்து வந்த தொகை உள்ளிட்ட விபரங்களை சி.பி.ஐ., அதிகாரிகள் கைப்பற்றி உள்ளனர்.இதன் வாயிலாக, தமிழகத்தில் 100க்கும் மேற்பட்ட தொண்டு நிறுவனங்கள், போலியாக நடத்தப்படுவது தெரிய வந்துள்ளது. இதுகுறித்து பட்டியல் தயாரிக்கும் பணியில், போலீசார் ஈடுபட்டு வருகின்றனர்.சி.பி.ஐ., அதிகாரிகள் கூறுகையில், 'போலி தொண்டு நிறுவனங்கள் நடத்தி, அரசை ஏமாற்றி வரும் நபர்கள் மீது, விரைவில் சட்ட நடவடிக்கை பாயும்' என்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X