'மாஜி' மத்திய அமைச்சர் கே.வி.தாமஸ் காங்கிரஸ் கட்சியில் இருந்து நீக்கம்

Updated : மே 14, 2022 | Added : மே 14, 2022 | கருத்துகள் (2)
Advertisement
திருவனந்தபுரம்-கேரளாவில், இடது ஜனநாயக முன்னணி வேட்பாளரை ஆதரித்து பிரசாரம் செய்த, முன்னாள் மத்திய அமைச்சரும், காங்., மூத்த தலைவருமான கே.வி.தாமஸ் கட்சியில் இருந்து நீக்கப்பட்டுள்ளார். கேரளாவில், மார்க்சிஸ்ட் கம்யூ., கட்சியைச் சேர்ந்த முதல்வர் பினராயி விஜயன் தலைமையில், இடது ஜனநாயக முன்னணி ஆட்சி நடக்கிறது. இங்கு, திரிக்காகரா தொகுதிக்கு, 31ம் தேதி இடைத்தேர்தல் நடக்க

வாசிக்க நேரம் இல்லையா? செய்தியைக் கேளுங்கள் headphone

திருவனந்தபுரம்-கேரளாவில், இடது ஜனநாயக முன்னணி வேட்பாளரை ஆதரித்து பிரசாரம் செய்த, முன்னாள் மத்திய அமைச்சரும், காங்., மூத்த தலைவருமான கே.வி.தாமஸ் கட்சியில் இருந்து நீக்கப்பட்டுள்ளார்.



latest tamil news



கேரளாவில், மார்க்சிஸ்ட் கம்யூ., கட்சியைச் சேர்ந்த முதல்வர் பினராயி விஜயன் தலைமையில், இடது ஜனநாயக முன்னணி ஆட்சி நடக்கிறது. இங்கு, திரிக்காகரா தொகுதிக்கு, 31ம் தேதி இடைத்தேர்தல் நடக்க உள்ளது. இதில், உமா என்ற வேட்பாளரை, காங்., களமிறக்கி உள்ளது. ஆளும் இடது ஜனநாயக முன்னணி சார்பில், ஜோ ஜோசப் என்பவர் வேட்பாளராக அறிவிக்கப்பட்டுள்ளார்.

இந்நிலையில், ஜோசபை ஆதரித்து பிரசாரம் மேற்கொள்ள உள்ளதாக, சமீபத்தில் கே.வி.தாமஸ் அறிவித்தது பரபரப்பை ஏற்படுத்தியது. எனினும், 'காங்.,கில் இருந்து விலகமாட்டேன்' என்றும் அவர் தெரிவித்தார். இதற்கு, கட்சி தலைமை அவரை எச்சரித்தது.இதையும் மீறி, கே.வி.தாமஸ் நேற்று முன்தினம் ஜோசபை ஆதரித்து பிரசாரம் செய்தார். பொதுக்கூட்ட மேடையில், முதல்வர் பினராயி விஜயனுடன் அவர் அமர்ந்திருந்தார்.


latest tamil news



பின் உரையாற்றிய அவர், இடது ஜனநாயக முன்னணி அரசை புகழ்ந்து பேசினார்.இதையடுத்து, கட்சியில் இருந்து கே.வி.தாமசை நீக்கி, காங்., அதிரடி நடவடிக்கை எடுத்துள்ளது. கேரள மாநில காங்., தலைவர் சுதாகரன், இதற்கான அறிவிப்பை வெளியிட்டார். இது குறித்து தாமஸ் கூறியதாவது:கட்சியில் இருந்து ஒருவரை நீக்க வேண்டும் என்றால், அதற்கென சில விதிமுறைகள் உள்ளன.

அனைத்து இந்திய காங்., கமிட்டியால் தான், இந்த நட வடிக்கையை எடுக்க முடியும். எனவே, என்னை கட்சியில் இருந்து நீக்குவதாக வெளியாகி உள்ள அறிவிப்பு வெறும் நகைச்சுவை தான்.இவ்வாறு அவர் கூறினார்.

Advertisement




வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Rafi - Riyadh,சவுதி அரேபியா
14-மே-202212:03:27 IST Report Abuse
Rafi ட்சியின் அதிகாரபூர்வ வேட்பாளரை எதிர்த்து, அறிக்கைவிட்டு பிரசாரம் செய்கின்றார் என்றால், எந்த கட்சியாக இருந்தாலும் நீக்குவதே முறை. நேர்மையானவராக இருந்தால் தானாகவே வெளியாகி இருக்க வேண்டும்.
Rate this:
Cancel
a natanasabapathy - vadalur,இந்தியா
14-மே-202210:52:51 IST Report Abuse
a natanasabapathy இருப்பதே ஒன்று இரண்டு பேர் தான் அவர்களையும் நீக்கி விட்டால் சோனியா ராகுல் பிரியங்கா மட்டும் தான் ஜாட்சியில் இருப்பர் .அது சரி tmc ஊழல் mp கேசில் வாதாடிய சிதம்பரம் மீது ஏன் நடவடிக்கை எடுக்கவில்லை பயமா
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X