குமாரபாளையத்தில் விஷ்வ ஹிந்து பரிஷத் மாநில பண்பு பயிற்சி முகாம் நடந்து வருகிறது.
குமாரபாளையத்தில் விஷ்வ ஹிந்து பரிஷத் மாநில பண்பு பயிற்சி முகாம், மாநில செயலர் இளங்கோ தலைமையில் நடக்கிறது. இதுகுறித்து கோட்ட பொறுப்பாளர் அழகிரி கூறியதாவது:
பஜ்ரங்தள் முகாம், விஷ்வ ஹிந்து பரிஷத் முகாம் தனியார் பாலிடெக்னிக் கல்லுாரியில் வரும், 17ம் தேதி வரை நடக்கிறது. இந்த முகாம்களில் இளைஞர்களுக்கு சிலம்பம், கராத்தே பயிற்சிகள் வழங்கப்படும். சிறப்பு பேச்சாளர்கள் பங்கேற்கும் கருத்தரங்கங்கள் நடைபெறுகின்றன. பாரத நாட்டின் பெருமைகள், நம் நாட்டு கலைகளின் பெருமைகள், முன்னோர்கள் குறித்த தகவல்கள் உள்ளிட்ட பல தலைப்புகளில் பேசுகின்றனர்.
நேற்றைய நிகழ்வில், ஆண்டாள் பக்தர்கள் பேரவை அமைப்பின் நிறுவனத்தலைவர் ஆண்டாள் சொக்கலிங்கம் குத்துவிளக்கேற்றினார். தென் பாரத அமைப்பு செயலர் நாகராஜன், திருக்கோவில் மற்றும் திருமண அமைப்பின் தமிழக கேரளா அமைப்பாளர் சரவண கார்த்திக், மாநில அமைப்பு செயலர் ராமன், மாநில இணை செயலாளர் கிரண், பஜ்ரங்தள் மாநில நிர்வாகிகள் உள்பட பலரும் பங்கேற்றனர்.
இவ்வாறு அவர் கூறினார்.

குமாரபாளையத்தில் விஷ்வ ஹிந்து பரிஷத் மாநில பண்பு பயிற்சி முகாம் நடந்து வருகிறது.குமாரபாளையத்தில் விஷ்வ ஹிந்து பரிஷத் மாநில பண்பு பயிற்சி முகாம், மாநில செயலர் இளங்கோ தலைமையில்