முதல்வர் நியாயமாக நடக்கவில்லை: அண்ணாமலை குற்றச்சாட்டு| Dinamalar

முதல்வர் நியாயமாக நடக்கவில்லை: அண்ணாமலை குற்றச்சாட்டு

Updated : மே 15, 2022 | Added : மே 14, 2022 | கருத்துகள் (21) | |
சென்னை: சென்னை ஆர்ஏ புரம் குடியிருப்பு விவகாரத்தில் முதல்வர் நியாயமாக நடந்து கொள்ளவில்லை என தமிழக பா.ஜ., தலைவர் அண்ணாமலை கூறியுள்ளார்.சென்னை ஆர்.ஏ.புரம் கோவிந்த சாமி நகர் இளங்கோ தெரு பகுதியில் பக்கிம்காம் கால்வாய் நீர்நிலையை ஆக்கிரமித்து, கட்டப்பட்டுள்ள வீடுகளை பொதுப்பணித்துறை அதிகாரிகள், வருவாய்த்துறை அதிகாரிகள் மற்றும் போலீசார் இணைந்து அகற்றினர். இதற்கு
அண்ணாமலை, பாஜ, ஆர்ஏபுரம்,

வாசிக்க நேரம் இல்லையா? செய்தியைக் கேளுங்கள் headphone

சென்னை: சென்னை ஆர்ஏ புரம் குடியிருப்பு விவகாரத்தில் முதல்வர் நியாயமாக நடந்து கொள்ளவில்லை என தமிழக பா.ஜ., தலைவர் அண்ணாமலை கூறியுள்ளார்.

சென்னை ஆர்.ஏ.புரம் கோவிந்த சாமி நகர் இளங்கோ தெரு பகுதியில் பக்கிம்காம் கால்வாய் நீர்நிலையை ஆக்கிரமித்து, கட்டப்பட்டுள்ள வீடுகளை பொதுப்பணித்துறை அதிகாரிகள், வருவாய்த்துறை அதிகாரிகள் மற்றும் போலீசார் இணைந்து அகற்றினர். இதற்கு எதிர்ப்பு தெரிவித்து தீக்குளித்த கண்ணையன் என்ற முதியவர் உயிரிழந்தார். அவரது குடும்பத்தினரை சந்தித்து தமிழக பா.ஜ., தலைவர் அண்ணாமலை நேரில் சந்தித்து ஆறுதல் கூறினார்.


latest tamil news


பின்னர் அண்ணாமலை கூறியதாவது: ஒவ்வொரு மக்களுக்கும் பா.ஜ., துணை நிற்கும். பாதிக்கப்பட்ட மக்களை கவர்னரிடம் அழைத்து சென்று, தீர்வு காண முயற்சி செய்வோம். முதல்வர் நியாயமாக நடக்கவில்லை என மக்கள் குற்றஞ்சாட்டுகின்றனர். சென்னை ஆர்ஏ புரத்தில் வீடுகளை அவசர அவசரமாக வீடுகளை அகற்றியுள்ளனர். தமிழகத்தில் தமிழ் மக்கள் அகதிகளாக உள்ளனர். திராவிட மாடல், தாழ்த்தப்பட்ட மக்கள் வீட்டிற்கு சென்று சாப்பிடுவேன் என முதல்வர் கூறுகிறார். இங்கு அவர் தான் வசிக்கின்றனர். அவர்கள் வீட்டிற்கும் சென்றிருக்க வேண்டும். அவர்களுடன் பேசியிருக்க வேண்டும். நீர்நிலைகளில் கட்டப்பட்டிருக்கும் அடுக்குமாடி குடியிருப்புகளை ஏன் கேள்வி கேட்பது இல்லை. கார்பரேட், ரியல் எஸ்டேட் அதிபர்கள் நலனுக்காக அரசு செயல்படுகிறது. சாமானிய மக்களுக்கான ஆட்சி போல் தெரியவில்லை.ஆர்ஏ புரம் கட்டட விவகாரத்தில் முதல்வர் மாபெரும் தவறு செய்துள்ளார். இங்கிருக்கும் மக்களுக்கு தூரமான இடத்தில் டோக்கன் கொடுத்துள்ளனர். ஐகோர்ட் நீதிபதி தலைமையில் விசாரணை நடத்தி தீர்வு காணவேண்டும். குடியிருப்பு விவகாரத்தில் முதல்வர் நியாயமாக நடந்து கொள்ளவில்லை. ஆர்ஏ புரத்தில் கட்டடம் இடிக்கப்பட்டது, உயிரிழந்தது, தீக்குளித்தது துரதிர்ஷ்டவசமானது. இவ்வாறு அண்ணாமலை கூறினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X