ஒழுக்கம் தவறினால் குற்ற நடவடிக்கை: 'குரூப் - 2' தேர்வர்களுக்கு எச்சரிக்கை

Updated : மே 16, 2022 | Added : மே 16, 2022 | கருத்துகள் (6) | |
Advertisement
சென்னை : 'தேர்வறையில் ஒழுக்கம் தவறி நடந்தால், குற்றவியல் நடவடிக்கை எடுக்கப்படும்' என, டி.என்.பி.எஸ்.சி., எச்சரித்துள்ளது.தமிழக அரசு துறைகளில், 'குரூப் 2, 2 ஏ' ஆகிய பதவிகளில், 5,529 காலியிடங்களை நிரப்ப, தமிழ்நாடு அரசு பணியாளர் தேர்வாணையமான டி.என்.பி.எஸ்.சி., வழியே, வரும், 21ம் தேதி முதல் நிலை தகுதி தேர்வு நடத்தப்படுகிறது. இந்த தேர்வில் பங்கேற்க, 11.78 லட்சம் பேர் விண்ணப்ப பதிவு
TNPSC, Group 2 exam

வாசிக்க நேரம் இல்லையா? செய்தியைக் கேளுங்கள் headphone

சென்னை : 'தேர்வறையில் ஒழுக்கம் தவறி நடந்தால், குற்றவியல் நடவடிக்கை எடுக்கப்படும்' என, டி.என்.பி.எஸ்.சி., எச்சரித்துள்ளது.

தமிழக அரசு துறைகளில், 'குரூப் 2, 2 ஏ' ஆகிய பதவிகளில், 5,529 காலியிடங்களை நிரப்ப, தமிழ்நாடு அரசு பணியாளர் தேர்வாணையமான டி.என்.பி.எஸ்.சி., வழியே, வரும், 21ம் தேதி முதல் நிலை தகுதி தேர்வு நடத்தப்படுகிறது. இந்த தேர்வில் பங்கேற்க, 11.78 லட்சம் பேர் விண்ணப்ப பதிவு செய்துள்ளனர்.

விண்ணப்ப பரிசீலினை முடிந்து, விண்ணப்பதாரர்களுக்கு ஹால் டிக்கெட்கள் வழங்கப் பட்டுள்ளன. ஹால் டிக்கெட்டில், தேர்வு மையங்களின் முகவரிகள் குறிப்பிடப் பட்டுள்ளன.இந்த தேர்வு, 38 மாவட்டங்களில், 4,012 மையங்களில் நடக்கிறது. தேர்வர்கள் எப்படி நடந்து கொள்ள வேண்டும் என, பல்வேறு வழிகாட்டல்களை, டி.என்.பி.எஸ்.சி., வெளியிட்டுள்ளது. தேர்வறையில் விதிகளை மீறி நடந்தால், அவர்கள் மீது, குற்றவியல் நடவடிக்கை எடுக்கப்பட உள்ளது.


latest tamil news




இதுகுறித்து, டி.என்.பி.எஸ்.சி., வெளியிட்ட வழிகாட்டல்:


● ஹால் டிக்கெட்டில் குறிப்பிட்டுள்ள தேர்வு மையத்தில் மட்டுமே தேர்வர்கள் அனுமதிக்கப்படுவர். சுயவிருப்பத்தின்படி தேர்வு மையம் மாற்றப்படாது. தேர்வர்களுக்கான நிபந்தனைகளை சரியாக படித்து கொள்ள வேண்டும்.

● தேர்வறையில், மற்ற தேர்வர்களிடம் கேட்டு விடை எழுதுவது தடை செய்யப்பட்டுள்ளது. மற்றவர்களை பார்த்து விடைகளை காப்பி அடித்தல், மற்றவர்கள் எழுத விடைகளை காட்டுதல், 'பிட்' அடித்தல், அறை கண்காணிப்பாளர், ஊழியர்கள் உள்ளிட்டோரின் உதவியை பெற்று விடையை தேர்வு செய்தல் போன்றவை தடை செய்யப்பட்டுள்ளது.

● மொபைல்போன், ஸ்மார்ட் வாட்ச் உள்ளிட்ட தடை செய்யப்பட்ட மின்னணு பொருட்களை தேர்வறைக்குள் எடுத்து வருவது கூடாது.

● விடைத்தாளை அறை கண்காணிப்பாளரிடம் ஒப்படைக்காமல், தேர்வறைக்கு வெளியே எடுத்து செல்வதும், பார்கோடு பகுதியை கிழிப்பதும் முறைகேடு புகார்களாக கருதப்பட்டு, தேர்வு எழுத தடை விதிக்கப்படும். தேர்வறையில் அறை கண்காணிப்பாளர்களிடம் ஒழுக்கம் தவறி நடந்து கொள்ளக்கூடாது

● இதுபோன்று முறைகேடாக நடந்து கொள்வது, காப்பியடிப்பது போன்றவற்றில் ஈடுபடுவோர், மீண்டும் டி.என்.பி.எஸ்.சி.,யின் தேர்வை எழுத தடை விதிப்பதுடன், அவர்கள் மீது குற்றவியல் நடவடிக்கையும் எடுக்கப்படும். இவ்வாறு, அதில் கூறப்பட்டுள்ளது.

Advertisement




வாசகர் கருத்து (6)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
D.Ambujavalli - Bengaluru,இந்தியா
16-மே-202215:23:42 IST Report Abuse
D.Ambujavalli ஆயிரம்தான் ஒழுங்காகத் தேர்வு எழுதி, உயர் மதிப்பெண் பெற்றாலும், அரசியல்வாதிகளின் லிஸ்ட் வேறுமாதிரியாகத்தானே இருக்கப்போகிறது எத்தனை லட்சம் டார்கெட் வைக்கப்போகிறார்களோ?
Rate this:
Cancel
Kasimani Baskaran - Singapore,சிங்கப்பூர்
16-மே-202209:11:14 IST Report Abuse
Kasimani Baskaran எம் ஜி ஆரையே தூக்கி எறிந்தவர்கள் தேர்வை தூக்கி வீச மாட்டார்களா? அடுத்த தேர்தலில் வெற்றி பெற்றால் அனைத்து விதமான தேர்வுகளும் தடை செய்யப்படும். ஒரு குறிப்பிட்ட தொகையை அன்பளிப்பாகக் கொடுத்தால் உடனே தேர்வின் வென்றதற்கு இணையான வேலை வீட்டுக்கே வரும். இதுதான் திராவிட மாடலின் சிற(ரி)ப்பு
Rate this:
Cancel
Kasimani Baskaran - Singapore,சிங்கப்பூர்
16-மே-202207:14:32 IST Report Abuse
Kasimani Baskaran தேர்வில் ஏமாற்றினால் அது குற்றம்தானே... அதை ஏன் சொல்ல வேண்டும்?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X