கோவிலுக்குள் செருப்பு அணிந்து சென்றதை கண்டித்து ஆர்ப்பாட்டம்

Updated : மே 17, 2022 | Added : மே 17, 2022 | கருத்துகள் (13) | |
Advertisement
வேலுார் : வேலுாரில், அமைச்சர்கள்பங்கேற்ற நிகழ்ச்சியில், கோவிலுக்குள் செருப்பு அணிந்து சென்ற தி.மு.க.,வினரை கண்டித்து, ஹிந்து முன்னணி சார்பில் ஆர்ப்பாட்டம் நடத்தப்பட்டது.வேலுார் மாவட்ட ஹிந்து சமய அறங்காவலர் குழு நிர்வாகிகள் பதவியேற்பு விழா, வேலுார் செல்லியம்மன் கோவிலில் நேற்று முன்தினம் இரவு நடந்தது.ஹிந்து சமய அறநிலையத் துறை அமைச்சர்சேகர்பாபு தலைமை

வேலுார் : வேலுாரில், அமைச்சர்கள்பங்கேற்ற நிகழ்ச்சியில், கோவிலுக்குள் செருப்பு அணிந்து சென்ற தி.மு.க.,வினரை கண்டித்து, ஹிந்து முன்னணி சார்பில் ஆர்ப்பாட்டம் நடத்தப்பட்டது.வேலுார் மாவட்ட ஹிந்து சமய அறங்காவலர் குழு நிர்வாகிகள் பதவியேற்பு விழா, வேலுார் செல்லியம்மன் கோவிலில் நேற்று முன்தினம் இரவு நடந்தது.ஹிந்து சமய அறநிலையத் துறை அமைச்சர்சேகர்பாபு தலைமை வகித்தார்.



latest tamil news




நீர்வளத் துறை அமைச்சர் துரைமுருகன், கலெக்டர் குமாரவேல் பாண்டியன் மற்றும்அதிகாரிகள் பங்கேற்றனர்.இந்த விழாவில் பங்கேற்ற 30க்கும் மேற்பட்ட தி.மு.க.,வினர், கோவிலுக்குள் செருப்பு அணிந்து சென்றனர்.இதை 'வீடியோ' எடுத்து, சிலர் சமூக வலைதளங்களில் பதிவிட்டனர்.

இந்த வீடியோ வேகமாக பரவியதைத் தொடர்ந்து, கோவிலுக்குள் செருப்பு அணிந்து சென்றவர்களை கண்டித்தும், அவர்களை கண்டிக்காத அமைச்சர்களை கண்டித்தும் ஹிந்து முன்னணியினர் நேற்று காலை கோவில் முன் கண்டன ஆர்ப்பாட்டம் நடத்தினர்.பின், கோவிலில் உள்ள ஹிந்து சமய அறநிலையத்துறை அலுவலகத்தை முற்றுகையிட்டனர். கோவிலில் இருந்து அறநிலையத் துறை வெளியேற வேண்டும் எனவும், ஹிந்து முன்னணியினர் கோஷங்களைஎழுப்பினர்.


latest tamil news



தமிழ்த்தாய் வாழ்த்து பாட வேண்டும்: துரைமுருகன்

நிகழ்ச்சியில் அமைச்சர் துரைமுருகன் பேசியதாவது:இங்கு பொறுப்பேற்றவர்கள் மாவட்டம் முழுதும் உள்ள கோவில்களுக்கு சரியான நபர்களை அறங்காவலர்களாக நியமிக்க வேண்டும். குடிகாரன், கோவில் நிலத்தை அபகரிப்பவனை பொறுப்புகளில் அமர்த்தக் கூடாது. அப்படி நியமித்தால் உங்களை பதவியிலிருந்து எடுத்து விடுவோம்.அறநிலையத் துறை சார்பில் நடத்தப்படும் அரசு விழாக்களில், தேவாரம், திருவாசகம் பாடட்டும்; கவலையில்லை. அறநிலையத் துறையும் அரசு துறை தான். அது சார்ந்த விழாவும், அரசு நிகழ்ச்சி தான். அதனால், அறநிலையத் துறை நிகழ்ச்சிகளிலும் தமிழ்த்தாய் வாழ்த்து பாட வேண்டும்.இங்கு விழாவில், ஆரம்பத்தில் தமிழ்த்தாய் வாழ்த்து பாடாதது எனக்கு வருத்தம். இனி நடக்கும் விழாக்களில் தமிழ்த்தாய் வாழ்த்து பாட வேண்டும். வரும் நாட்களில் இதை கட்டாயம் கடைப்பிடிக்க வேண்டுமென அறநிலையத் துறை அமைச்சரை கேட்டுக் கொள்கிறேன்.இவ்வாறு அவர் பேசினார்.



Advertisement


வாசகர் கருத்து (13)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
jayvee - chennai,இந்தியா
17-மே-202211:08:10 IST Report Abuse
jayvee நியாபகரிப்பை பற்றி யாரெல்லாம் பேசுகிறார்கள் .. கலிகாலம்
Rate this:
Cancel
Dhandapani - Madurai,இந்தியா
17-மே-202207:13:35 IST Report Abuse
Dhandapani இப்படிப்பட்ட கிழநரிகளை அரசியலில் வைத்திருப்பதே தப்பு, தி.மு.க.வை புதைக்காமல் விடமாட்டார், கோவிலுக்கு வரும் மக்களுக்கு ஏதாவது நல்லது செய்யவேண்டுமென்றால் இவர்களை வாயை மூடிக்கிட்டுயிருந்த போதும், தமிழ்த்தாய் வாழ்த்து எங்கு படவேண்டும் என்பதுகூட தெரியவில்லை, ஏன் திரையரங்கில் தேசிய கீதத்துக்கு பதில் தமிழ்த்தாய் வாழ்த்து போடச் சொல்லுங்கோ சார்
Rate this:
Cancel
Duruvesan - Dharmapuri,இந்தியா
17-மே-202206:58:24 IST Report Abuse
Duruvesan ராம பிரானுக்கு செருப்பு மாலை போட்ட கும்பல், விரும்பி தானே ஹிந்து அடிமைகள் ஓட்டு போட்டுச்சு, ஒரு 100 பேர் ஆர்பாட்டம் ஒன்னும் நடக்காது, நாளைக்கு கோயில் உள்ளேயே டாஸ்மாக் தொறப்பனுங்க நமக்கு சூடு சொரணை லேது பாஸ்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X