மம்தா மருமகனிடம் விசாரணை: அமலாக்கத்துறைக்கு உச்சநீதிமன்றம் அனுமதி

Updated : மே 17, 2022 | Added : மே 17, 2022 | கருத்துகள் (6) | |
Advertisement
புதுடில்லி: நிலக்கரி மோசடி தொடர்பாக, திரிணமுல் காங்கிரஸ் எம்.பி., அபிஷேக் பானர்ஜியிடம் அமலாக்கத்துறை விசாரணை நடத்துவதற்கு உச்சநீதிமன்றம் அனுமதி வழங்கி உள்ளது. மேலும், விசாரணைக்கு இடையூறு ஏற்படுத்தினால் பொறுத்து கொள்ள மாட்டோம் எனவும் நீதிமன்றம் எச்சரித்துள்ளது.மேற்கு வங்க முதல்வரும், திரிணமுல் காங்கிரஸ் தலைவருமான மம்தாவின் மருமகன் அபிஷேக் பானர்ஜி, கட்சியின்
coalscam, Abhishek Banerjee,Mamata Banerjee,Supreme Court,Bengal, Trinamool Leader, உச்ச நீதிமன்றம்,மம்தா,மம்தா பானர்ஜி

வாசிக்க நேரம் இல்லையா? செய்தியைக் கேளுங்கள் headphone

புதுடில்லி: நிலக்கரி மோசடி தொடர்பாக, திரிணமுல் காங்கிரஸ் எம்.பி., அபிஷேக் பானர்ஜியிடம் அமலாக்கத்துறை விசாரணை நடத்துவதற்கு உச்சநீதிமன்றம் அனுமதி வழங்கி உள்ளது. மேலும், விசாரணைக்கு இடையூறு ஏற்படுத்தினால் பொறுத்து கொள்ள மாட்டோம் எனவும் நீதிமன்றம் எச்சரித்துள்ளது.

மேற்கு வங்க முதல்வரும், திரிணமுல் காங்கிரஸ் தலைவருமான மம்தாவின் மருமகன் அபிஷேக் பானர்ஜி, கட்சியின் தேசிய பொது செயலாளராகவும், எம்.பி.,யாகவும் உள்ளார். மாநிலத்தில் நிலக்கரி சுரங்க ஒதுக்கீட்டில் நடந்த மோசடி தொடர்பாக சி.பி.ஐ., 2020 ல் வழக்குப்பதிவு செய்தது. அதில் நடந்துள்ள பண மோசடி தொடர்பாக அமலாக்கத்துறை வழக்கு பதிவு செய்துள்ளது. இந்த வழக்கு தொடர்பாக ஆஜராகும்படி, அபிஷேக் பானர்ஜி மற்றும் அவரது மனைவி ருசிரா பானர்ஜிக்கு அமலாக்கத்துறை சம்மன் அனுப்பி இருந்தது.இதனிடையே, அவர்களிடம் விசாரணை நடத்த அனுமதி கேட்டு உச்சநீதிமன்றத்திலும் அமலாக்கத்துறை சார்பில் வழக்கு தொடரப்பட்டது. அதேநேரத்தில், தனது வீட்டில் விசாரணை நடத்த வேண்டும். டில்லியில் விசாரணை வேண்டாம் என அபிஷேக் பானர்ஜி வேண்டுகோள் விடுத்திருந்தார்.


latest tamil news


இதனிடையே, இந்த வழக்கை விசாரித்த நீதிபதி யுயு லலித் தலைமையிலான அமர்வு பிறப்பித்த உத்தரவு: நிலக்கரி மோசடி தொடர்பாக அபிஷேக் பானர்ஜியிடம் விசாரணை நடத்தலாம். அமலாக்கத்துறையின் விசாரணைக்கு மேற்கு வங்க அரசு ஒத்துழைப்பு வழங்க வேண்டும். அந்த அமைப்பின் அதிகாரிகள் விசாரணைக்கு வரும்போது பாதுகாப்பு வழங்க வேண்டும். கோல்கட்டாவில், விசாரணைக்கு நடத்துவதற்கு 24 மணி நேரத்திற்கு முன்னர், அபிஷேக் பானர்ஜியிடம் அமலாக்கத்துறை தகவல் தெரிவிக்க வேண்டும். விசாரணையில் ஈடுபடும் அதிகாரிகள் மீது எந்தவித நடவடிக்கையும் எடுக்கக்கூடாது. விசாரணைக்கு எந்த இடையூறும் ஏற்படுத்துவதை நீதிமன்றம் பொறுத்து கொள்ளாது. இவ்வாறு நீதிபதி தனது உத்தரவில் தெரிவித்துள்ளார்.

Advertisement




வாசகர் கருத்து (6)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ramesh Sargam - Back in Bengaluru, India.,இந்தியா
17-மே-202222:39:33 IST Report Abuse
Ramesh Sargam இந்த வாரம் என்ன விசாரணை/ரைடு வாரமா? சிதம்பரம், கார்த்தி சிதம்பரம் வீடுகளில் ரைடு. இங்கு மமதா மருமகனிடம் விசாரணை. நாளை யார் வீடோ?
Rate this:
Cancel
s t rajan - chennai,இந்தியா
17-மே-202219:56:40 IST Report Abuse
s t rajan அன்று கருணாநிதி "பார்த்தேன் படித்தேன் ரசித்தேன்" என்று தப்பித்து பிழைத்து, பின் "அதையே" செவ்வனே தொடர்ந்து "அதை" தன் குடும்ப பாரம்பர்யமாக்கி விட்டார். இப்போது மம்தா, "கருணா" பாணியில் வீறு நடை போடுகிறார். ஒருவரும் தடுக்க முடியாது. மக்களாக பார்த்து மாற்றினால் ஒழிய, அரசு ஊழலை எவரும் தடுக்க முடியாது.
Rate this:
Cancel
DVRR - Kolkata,இந்தியா
17-மே-202217:28:27 IST Report Abuse
DVRR இன்னும் எவ்வளவு நாளைக்குத்தான் இந்த விசாரணை விசாரணை விசாரணை "தவறு கண்டேன் சுட்டேன்" சட்டம் கொண்டு வாருங்கள் பிறகு பாருங்கள்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X