8 ஆண்டுகளுக்குள் '6ஜி' சேவை வழங்க இலக்கு! பிரதமர் மோடி திட்டவட்டம்

Added : மே 17, 2022 | கருத்துகள் (3) | |
Advertisement
புதுடில்லி : மிக அதிவேக இணைய சேவையை வழங்கும் வகையில், '5ஜி ஸ்பெக்ட்ரம்' தொழில்நுட்பத்தை அறிமுகம்செய்வதற்கான முயற்சிகள் நடந்து வரும் நிலையில், ''அடுத்த 8 ஆண்டுகளுக்குள், '6ஜி' சேவையை வழங்குவதற்கு இலக்கு நிர்ணயிக்கப்பட்டுள்ளது,'' என, பிரதமர் நரேந்திர மோடி குறிப்பிட்டார்.மொபைல் போன் மற்றும் இன்டர்நெட் சேவைகளை வேகப்படுத்தும் வகையில், 4ஜி சேவை, உலக அளவில், 2009ம்
8 ஆண்டுகளுக்குள் '6ஜி' சேவை வழங்க இலக்கு!  பிரதமர்  மோடி திட்டவட்டம்


புதுடில்லி : மிக அதிவேக இணைய சேவையை வழங்கும் வகையில், '5ஜி ஸ்பெக்ட்ரம்' தொழில்நுட்பத்தை அறிமுகம்செய்வதற்கான முயற்சிகள் நடந்து வரும் நிலையில், ''அடுத்த 8 ஆண்டுகளுக்குள், '6ஜி' சேவையை வழங்குவதற்கு இலக்கு நிர்ணயிக்கப்பட்டுள்ளது,'' என, பிரதமர் நரேந்திர மோடி குறிப்பிட்டார்.

மொபைல் போன் மற்றும் இன்டர்நெட் சேவைகளை வேகப்படுத்தும் வகையில், 4ஜி சேவை, உலக அளவில், 2009ம் ஆண்டே அறிமுகம் செய்யப்பட்டது. நம் நாட்டில் முதன் முதலாக, 2012ல் அறிமுகமானது. ஆனால், மக்களிடையே அது பெரிய அளவில் சென்று சேர்ந்தது, 2016ம் ஆண்டு தான்.

இந்நிலையில், 5ஜி தொழில்நுட்பத்துக்கு சில நாடுகள் ஏற்கனவே மாறியுள்ளன. நம் நாட்டில், இந்தாண்டுக்குள் அறிமுகம் செய்ய இலக்கு நிர்ணயிக்கப்பட்டுள்ளது.இந்த சூழ்நிலையில், 'டிராய்' எனப்படும் தொலைத் தொடர்பு ஒழுங்குமுறை ஆணையத்தின், 25ம் ஆண்டு விழா, டில்லி யில் நேற்று நடந்தது. 'வீடியோ கான்பரன்ஸ்' வாயிலாக, இதில் பங்கேற்ற பிரதமர் நரேந்திர மோடி பேசியதாவது:

முந்தைய காங்கிரஸ் தலைமையிலான ஆட்சியின்போது, 2ஜி ஸ்பெக்ட்ரம் ஒதுக்கீடு அறிமுகமானது. ஆனால், அது செயல்பாட்டில் குழப்பம், ஊழலுக்கு அடையாளமாக மாறிவிட்டது.அதே நேரத்தில், 2014ல், பா.ஜ., ஆட்சி அமைந்த பின், மிகவும் வெளிப்படையாக, 4ஜி தொழில்நுட்பத்துக்கு நாம் மாறினோம்.

தற்போது, 5ஜி தொழில்நுட்பத்துக்கு செல்ல உள்ளோம். டிராய் அமைப்புக்கு, இதில் மிகப் பெரும் பங்கு உள்ளது.இன்டர்நெட் வேகத்தை அதிகப்படுத்துவது என்பது, வெறும் தகவல்களை மிக விரைவாக பெறுவது என்பது மட்டுமல்ல. அடுத்த சில மாதங்களுக்குள், 5ஜி தொழில்நுட்பத்தை அறிமுகம் செய்ய, நாம் தயாராகி வருகிறோம்.

இது அறிமுகம் செய்யப்படும் போது, நம் நாட்டின் பொருளாதாரம், மேலும், 34.86 லட்சம் கோடி ரூபாய் உயரும்.இன்டர்நெட் வேகம் அதிகரிப்பதால், நாட்டின் வளர்ச்சி அதிகரிக்கும்; புதிய வேலை வாய்ப்புகள் உருவாகும். இதன் மூலம், நாட்டின் அரசு நிர்வாகம் மேம்படும்; மக்கள் வாழ்க்கைத் தரம் உயரும்; தொழில் செய்வதற்கான வாய்ப்புகள் சுலபமாகும்.வேளாண்மை, சுகாதாரம், கல்வி, உள்கட்டமைப்பு என, பல்வேறு துறைகளுக்கும் புதிய உத்வேகத்தை அளிக்கும்.

தற்போது, நாம், 5ஜி தொழில்நுட்பத்துக்கு செல்ல உள்ளோம்.அதே நேரத்தில், அது போதாது. அடுத்த எட்டு ஆண்டுகளுக்குள், நம் நாட்டில், 6 ஜி தொழில்நுட்பத்தை நாம் அறிமுகம் செய்ய வேண்டும். இதற்கான பணிக் குழு ஏற்கனவே அமைக்கப்பட்டுள்ளது.இவ்வாறு, அவர் பேசினார்.

சென்னை ஐ.ஐ.டி.,யில் பரிசோதனை

5ஜி தொழில்நுட்பத்தை, நம் நாட்டின் தேவைக்கு ஏற்ப, உள்நாட்டிலேயே உருவாக்குவதற்காக, '5ஜி டெஸ்ட் பெட்' எனப்படும் பரிசோதனை மையம் உருவாக்கப்பட்டுள்ளது. சென்னை ஐ.ஐ.டி., எனப்படும், இந்திய தொழில்நுட்ப மையம் தலைமையில், எட்டு அமைப்புகள் இணைந்து இதை உருவாக்கியுள்ளன.டில்லி, ஹைதராபாத், பாம்பே, கான்பூர் ஐ.ஐ.டி.,களுடன், பெங்களூரு இந்திய அறிவியல் மையமும் இதில் இடம்பெற்றுள்ளது.நேற்று நடந்த நிகழ்ச்சியில், இதை பிரதமர் மோடி துவக்கி வைத்தார். கடந்த 2018ல், அப்போதைய மத்திய நிதி அமைச்சர் மறைந்த அருண் ஜெட்லி, இதற்கான அறிவிப்பை வெளியிட்டார். மொத்தம், 220 கோடி ரூபாய் செலவில், இந்த பரிசோதனை மையம் அமைக்கப்பட்டுள்ளது. சென்னை உட்பட, நாட்டில் ஐந்து இடங்களில் இதுபோன்ற பரிசோதனை மையங்கள் அமைக்கப் பட்டுள்ளன.இந்த பரிசோதனை மையங்கள் மூலம், இந்திய 'ஸ்டார்ட்அப்' நிறுவனங்கள் மற்றும் தொழில் துறையினர், 5ஜி தொழில்நுட்பத்துக்கு உட்பட்டு, தங்கள் பொருட்களின் செயல்பாடுகளை பரிசோதனை செய்ய முடியும். இதன் மூலம் வெளிநாடுகளை சார்ந்திராமல், உள்நாட்டிலேயே 5ஜி தொழில்நுட்பம் உருவாக்கப்பட உள்ளது.




Advertisement


வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
ANANDAKANNAN K - TIRUPPUR,இந்தியா
18-மே-202212:42:52 IST Report Abuse
ANANDAKANNAN K நம் பாரத நாட்டிற்கு திட்டம் வகுத்து செயல் பட கூடிய ஒரு பிரதமர் கிடைத்துள்ளார், அவர் வழியில் நாம் நின்று தொழில் மற்றும் தொழிற்நுட்ப வளர்ச்சி பாதையில் செல்ல வேண்டும், இதுவரையில் மத்திய அரசின் மீது ஊழல் குற்றசாட்டுகள் வரவில்லை, அது ஒன்றே போது இந்த அரசு சரியான பாதையில் செல்கிறது என்று , டிஜிட்டல் இந்தியா இன்னும் வேகமாக முன்னேற பைவ் ஜி பயப்படும்.வாழ்த்துக்கள், பாரத மாதா வாழ்க.
Rate this:
Cancel
Tamilan - NA,இந்தியா
18-மே-202212:21:51 IST Report Abuse
Tamilan இருப்பதிலேயே ஒழுங்கான சேவை வழங்கமுடியவில்லை . அவ்வப்போது நாட்டின் உலகின் முன்னணி நிறுவனங்களின் சேவை காயிலாங்கடையைபோல் உள்ளது . தங்கள் தோல்விகளுக்கு விஞ்சானத்தை , தொழில் நுட்பவளர்ச்சியை சப்பை கட்டு கட்டுவதற்காக துணைக்கு அழைக்கிறார்கள் . இவர்கள் அழைத்தால் அது திட்டமாகிவிடும், பின் சட்டமாகிவிடும் . அரசியல் சட்டத்தில் உள்ளவர்களும் தங்கள் அகந்தையை அகங்காரத்தை கைவிட்டு தாங்களும் சாதாரண மனிதன்தான் என்பதை உணரும்வரை இப்படி விஞ்சாந்தின் பெயரில் மாபெரும் தோல்விகள் தொடர்ந்துகொண்டுதான் இருக்கும் .
Rate this:
Neutral Umpire - Chennai ,இந்தியா
19-மே-202201:06:06 IST Report Abuse
Neutral Umpireபுதுசா இருக்கே ......
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X