தரம் தாழ்ந்து விமர்சனம்: முரசொலிக்கு பிராமணர் சங்கம் கண்டனம்

Added : மே 18, 2022 | கருத்துகள் (26) | |
Advertisement
சென்னை: துக்ளக் ஆசிரியர் ஆடிட்டர் குருமூர்த்தியை தரம் தாழ்ந்து விமர்சனம் செய்த முரசொலி நாளேட்டிற்கு, தமிழ்நாடு பிராமணர் சங்கம் கண்டனம் தெரிவித்துள்ளது.இதுகுறித்து தமிழ்நாடு பிராமணர் சங்க மாநில தலைவர் பம்மல் ராமகிருஷ்ணன் வெளியிட்டுள்ள அறிக்கை: கடந்த மே 17-ம் தேதி முரசொலி நாளேட்டில், துக்ளக் ஆசிரியர் ஆடிட்டர் குருமூர்த்தியை தரம் தாழ்ந்து, மோசமாக விமர்சித்ததற்கு,
தரம் தாழ்ந்து விமர்சனம்: முரசொலிக்கு பிராமணர் சங்கம் கண்டனம்

சென்னை: துக்ளக் ஆசிரியர் ஆடிட்டர் குருமூர்த்தியை தரம் தாழ்ந்து விமர்சனம் செய்த முரசொலி நாளேட்டிற்கு, தமிழ்நாடு பிராமணர் சங்கம் கண்டனம் தெரிவித்துள்ளது.

இதுகுறித்து தமிழ்நாடு பிராமணர் சங்க மாநில தலைவர் பம்மல் ராமகிருஷ்ணன் வெளியிட்டுள்ள அறிக்கை: கடந்த மே 17-ம் தேதி முரசொலி நாளேட்டில், துக்ளக் ஆசிரியர் ஆடிட்டர் குருமூர்த்தியை தரம் தாழ்ந்து, மோசமாக விமர்சித்ததற்கு, தமிழ்நாடு பிராமணர் சங்கம் வன்மையாக கண்டிக்கிறது.

கடந்த வாரம் துக்ளக் பத்திரிக்கை ஆண்டு விழாவில், குருமூர்த்தி பேசுகையில், முதல்வரின் 'ஓசி பஸ் பயணம் தான் திராவிட மாடலா' என்றார். இதற்கு மே 17-ம் தேதி முரசொலியில், 'தட்சணையில் வாழக்கூடிய கூட்டத்தின் பிரதிநிதியான குருமூர்த்தி, ஓசியை பற்றி பேசலாமா என்று அவர் சார்ந்துள்ள பிராமண சமுதாயத்தை இழிவாக பேசியுள்ளது மிகவும் கண்டிக்க தக்கது. அரசியல் பிரச்சனையில், தேவையில்லாமல் ஜாதியை சம்பந்தப்படுத்தி முரசொலி எழுதி உள்ளது.

கோவில் திருவிழாக்களில் கல்யாண நிகழ்ச்சியில் இசை வாசிப்பவர்கள், உழைத்து ஊதியம், தட்சணை பெறும் பிராமண சமுதாயத்தை இழிவுபடுத்துவது அவர்களது அதிகார வெறியை காட்டுகிறது. குருமூர்த்தியை சாடுவதற்காக, அவர் சார்ந்த ஒட்டுமொத்த சமூகத்தையும் கொச்சைப்படுத்துவதா? பிராமணர்கள் - உழைப்பால், நேர்மையால், கடவுள் பக்தியால், தேச பக்தியால் உயர்ந்தவர்கள். எந்த அரசியல் கட்சியும், தலைவனும் கை தூக்கிவிடாமல், சொந்த உழைப்பால் முன்னுக்கு வந்த சமுதாயம். அரசியல் பிரச்சனைகளுக்கு, அரசியல்ரீதியாக, நாகரீகமாக பதில் அளிக்காமல், கீழ்த்தரமான விமர்சனங்களை கையாளுவது திமுக-வின் கை வந்த கலை.

திமுக தலைவர்கள், கடவுள் மறுப்பை பற்றி கூறுவார்கள். அவர்களது குடும்பத்தினர் பரிகார பூஜை, அபிஷேகம் என்று கோவில்- கோவிலாக செல்வார்கள். செத்த பாம்பை அடிப்பதுபோல், எதற்கெடுத்தாலும் பிராமண சமூகத்தை இழிவு செய்வது இவர்களது வாடிக்கை. இவர்கள் நடத்தும் கம்பெனிக்கு பிராமணர் ஆடிட்டர், குடும்ப வைத்தியராக பிராமண டாக்டர், கோர்ட்டில் வாதாட பிராமண வக்கீல் என்றெல்லாம் இரட்டை வேஷம்.

தமிழக முதல்வர், நான் எல்லா மக்களுக்கும் முதலமைச்சர் என்று கூறுவார். ஆனால் நடைமுறையில் மைனாரிட்டி மக்களுக்கு வக்காலத்து வாங்கி, ஒருதலைப்பட்சமாக நடப்பது இவரது திராவிட மாடல்.

'முரசொலி' பத்திரிக்கை, கண்ணாடி வீட்டிலிருந்து கல்லெறிய வேண்டாம் என்று அன்புடன் கேட்டுக்கொள்கிறோம். சபை நாகரிகம் கருதி, பல கசப்பான உண்மைகளை நாங்கள் கூற விரும்பவில்லை. பிராமண சமுதாயமும் வீதிக்கு வந்து போராட தயாராக உள்ளார்கள். முரசொலி பத்திரிக்கை தங்களது இழிவான விமரிசனத்திற்கு மன்னிப்பு கேட்க வேண்டும். வருத்தம் தெரிவிக்க வேண்டும் என்று எங்களது பிராமண சங்கம் கேட்டுக்கொள்கிறது. இவ்வாறு அந்த அறிக்கையில் கூறப்பட்டுள்ளது.

Advertisement


வாசகர் கருத்து (26)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
VIDHURAN - chennai,இந்தியா
31-மே-202207:03:03 IST Report Abuse
VIDHURAN முரசொலி திமுகவினரை கட்டுக்கோப்பாக வைத்திருக்க எல்லோரையும் அசிங்கப்படுத்த முயல்கிறது. தட்சணை என்பது பிச்சை அல்ல அது மரியாதையுடன் வழங்குபவர் வாங்குபவரை வணங்கி விரும்பி வேண்டி கொடுப்பது. இதெல்லாம் இவர்களுக்கு தெரியவே தெரியாது. நம்பிக்கை சார்ந்த விஷயத்தை அறியாதவர்கள், புரிந்து கொள்ள முயற்சி செய்யாமல் அசிங்கப்படுத்துவது அவர்களுக்கு தான் நஷ்டம். மேலும், குருமூர்த்தி தன்னுடைய இளமையில் கற்று, உயர்ந்து நிற்கிறார். அவர் துக்லக் ஆசிரியராவதற்கு முன்பாகவே நாடறியப்பட்டவர். அவரை விமர்சிப்பதற்கு எல்லோருக்கும் உரிமை இருக்கலாம் தகுதி?
Rate this:
Cancel
R MANIVANNAN - chennai,இந்தியா
24-மே-202213:50:32 IST Report Abuse
R MANIVANNAN குருமூர்த்திக்கு நாவடக்கம் வேண்டும். தன்னை சோ போல நினைத்துக் கொண்டிருக்கிறார்
Rate this:
Cancel
Nachiar - toronto,கனடா
23-மே-202207:18:17 IST Report Abuse
Nachiar நான் பிராமண சமூகத்தைச் சேர்ந்தவர் இல்லை. கணிசமான பிராமணர்களின் குடிபெயர்வு தமிழ் நாட்டின் இழப்பு ஐரோப்பிய அமெரிக்கா நாட்டின் ஆதாயம் என்பதை நேரடியாக காண்கிறேன். அவர்கள் சமூகத்தில் இல்லை என்று சொல்லக்கூடிய அளவுக்கு ரேப் கொலை இல்லையே. அவர்கள் தாமும் வாழ்ந்து விட்டு வந்த தாய் நாட்டிக்கும் வந்தேரிய நாடிட்கும் பெருமை சேர்த்துக் கொண்டிருக்கிறார்கள்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X