உலகின் புதிய நம்பிக்கையாக இந்தியா உள்ளது: மோடி

Updated : மே 19, 2022 | Added : மே 19, 2022 | கருத்துகள் (6) | |
Advertisement
வதோதரா-''உலகின் புதிய நம்பிக்கையாக இந்தியா திகழ்கிறது,'' என, பிரதமர் மோடி பெருமிதத்துடன் கூறினார்.குஜராத்தில், முதல்வர் பூபேந்திர படேல் தலைமையில் பா.ஜ., ஆட்சி நடக்கிறது. இங்கு, வதோதராவில் உள்ள ஸ்ரீ சுவாமி நாராயண் கோவில் சார்பில், இளைஞர் மாநாடு நடத்தப்பட்டது. இதை, 'வீடியோ கான்பரன்ஸ்' வழியாக துவக்கி வைத்து, பிரதமர் மோடி பேசியதாவது:சமூக சேவை மற்றும் தேச

வாசிக்க நேரம் இல்லையா? செய்தியைக் கேளுங்கள் headphone

வதோதரா-''உலகின் புதிய நம்பிக்கையாக இந்தியா திகழ்கிறது,'' என, பிரதமர் மோடி பெருமிதத்துடன் கூறினார்.குஜராத்தில், முதல்வர் பூபேந்திர படேல் தலைமையில் பா.ஜ., ஆட்சி நடக்கிறது.



latest tamil news




இங்கு, வதோதராவில் உள்ள ஸ்ரீ சுவாமி நாராயண் கோவில் சார்பில், இளைஞர் மாநாடு நடத்தப்பட்டது. இதை, 'வீடியோ கான்பரன்ஸ்' வழியாக துவக்கி வைத்து, பிரதமர் மோடி பேசியதாவது:சமூக சேவை மற்றும் தேச கட்டமைப்பில் இளைஞர்களின் பங்கு அதிகம் இருக்க வேண்டும் என்ற நோக்கில், இந்த மாநாடு நடப்பது மகிழ்ச்சியாக உள்ளது. கொரோனா பெருந்தொற்றால், இந்தியா உட்பட உலக நாடுகள் அனைத்தும் பெரிதும் பாதிக்கப்பட்டன.

இந்த நெருக்கடியான காலகட்டத்திலும், நாம் உலக நாடுகளுக்கு தடுப்பூசி மற்றும் மருந்துகளை வழங்கினோம். உலகம் இப்போது, பருவ நிலை மாற்றம், சுற்றுச்சூழல் பாதிப்பு உள்ளிட்ட பல சவால்களை சந்தித்து வருகிறது. இந்தப் பிரச்னைகளுக்கு, நம் பாரம்பரிய முறைப்படி தீர்வுகளை கூறி வருகிறோம். ஒட்டுமொத்த மனித குலத்திற்கும் யோகாவின் பாதையையும், ஆயுர்வேதத்தின் ஆற்றலையும் நாம் காட்டியுள்ளோம்.

மென்பொருளில் இருந்து விண்வெளி துறை வரை, புதிய வருங்காலத்தை எதிர்நோக்கி காத்திருக்கும் நாடாக, நாம் வெளிப்பட்டு கொண்டிருக்கிறோம். அரசின் செயலாற்றும் முறை மாறியுள்ளது; சமூகத்தின் சிந்தனை மாறியுள்ளது. ஒரு காலத்தில் இந்தியாவுக்கு சாத்தியமில்லை என நினைக்கப்பட்ட இலக்குகளில், இன்று இந்தியா சிறப்புடன் பணியாற்றி வருவதை உலகம் உற்று நோக்கி வருகிறது.


latest tamil news


சர்வதேச அளவில் அமைதியின்மை அதிகரித்துள்ளது. நாடுகளுக்கு இடையேயான மோதல் போக்கும் அதிகரித்துள்ளது. இந்த காலகட்டத்தில், அமைதி ஏற்படுவதற்கான நாடாக இந்தியா விளங்கி வருகிறது. உலகின் புதிய நம்பிக்கையாக இந்தியா உள்ளது. புதிய இந்தியாவை கட்டமைப்பதில், இளைஞர்களுக்கு முக்கிய பங்கு உள்ளது.

புதிய இந்தியாவின் அடையாளங்களாக முன்னேற்றம், வளர்ச்சி ஆகியவை உள்ளன. அதேநேரத்தில் பழமையான கலாசாரத்தையும், பாரம்பரியத்தையும் நாம் மறந்துவிடக் கூடாது. சுதந்திர போராட்ட காலத்தில் நாம் பிறக்காததால், நாட்டுக்காக பணியாற்ற முடியவில்லை; உயிர் தியாகம் செய்ய முடியவில்லை என வருத்தப்பட வேண்டாம்.

ஏழை மக்களின் வாழ்க்கையில் மாற்றத்தை ஏற்படுத்துவதும் முக்கிய தேசப்பணி தான். சுற்றுச்சூழலை பாதுகாத்தல், துாய்மையை கடைப்பிடித்தல், பிளாஸ்டிக்கை தவிர்த்தல், 'டிஜிட்டல்' பரிவர்த்தனைகளை மேற்கொள்ளுதல் ஆகியவையும் தேசத்துக்கு செய்யும் பெரிய தொண்டுகளாகும். இவ்வாறு பிரதமர் மோடி பேசினார்.

Advertisement




வாசகர் கருத்து (6)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Rpalnivelu - Bangalorw,இந்தியா
20-மே-202207:08:52 IST Report Abuse
Rpalnivelu //-''உலகின் புதிய நம்பிக்கையாக இந்தியா திகழ்கிறது,'' என, பிரதமர் மோடி பெருமிதத்துடன் கூறினார்.// இந்திய மக்களின் நம்பிக்கை நட்சத்திரமாக நீங்கள் உள்ளீர்கள், வாழ்க 'மகாத்மா மோடி'
Rate this:
Cancel
chakra - plano,யூ.எஸ்.ஏ
20-மே-202206:53:52 IST Report Abuse
chakra சீனாவின் ஆக்கிரமிப்பை எதிர் கொள்ளமுடியாத இந்தியா உலகின் நம்பிக்கையாக உள்ளதா ?
Rate this:
Cancel
ஜெய்ஹிந்த்புரம் - மதுரை,இந்தியா
20-மே-202206:38:15 IST Report Abuse
ஜெய்ஹிந்த்புரம் எல் ஐ சி விற்பனையால் 50,000 கோடி நஷ்டம்..
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X