கூட்டணி அமைக்கும் முயற்சியில் சந்திரசேகர ராவ் தீவிரம்

Updated : மே 22, 2022 | Added : மே 22, 2022 | கருத்துகள் (17) | |
Advertisement
புதுடில்லி : வரும் 2024 லோக்சபா தேர்தலில், பா.ஜ.,வுக்கு எதிராக பலமான கூட்டணி அமைக்கும் நடவடிக்கையில் தெலுங்கானா முதல்வரும், தெலுங்கானா ராஷ்ட்ரீய சமிதி கட்சி தலைவருமான சந்திரசேகர ராவ் தீவிரமாக ஈடுபட்டுள்ளார்.இதற்காக, டில்லி, பஞ்சாப், மஹாராஷ்டிரா, கர்நாடக மாநிலங்களுக்கு சென்று, அரசியல் கட்சி தலைவர்களுடன் தொடர் ஆலோசனை நடத்தும் நடவடிக்கையில் அவர் இறங்கியுள்ளார்.

புதுடில்லி : வரும் 2024 லோக்சபா தேர்தலில், பா.ஜ.,வுக்கு எதிராக பலமான கூட்டணி அமைக்கும் நடவடிக்கையில் தெலுங்கானா முதல்வரும், தெலுங்கானா ராஷ்ட்ரீய சமிதி கட்சி தலைவருமான சந்திரசேகர ராவ் தீவிரமாக ஈடுபட்டுள்ளார்.



latest tamil news



இதற்காக, டில்லி, பஞ்சாப், மஹாராஷ்டிரா, கர்நாடக மாநிலங்களுக்கு சென்று, அரசியல் கட்சி தலைவர்களுடன் தொடர் ஆலோசனை நடத்தும் நடவடிக்கையில் அவர் இறங்கியுள்ளார். தெலுங்கானாவில், முதல்வர் சந்திரசேகர ராவ் தலைமையில் தெலுங்கானா ராஷ்ட்ரீய சமிதி ஆட்சி நடக்கிறது.



போராட்டம்


வரும் லோக்சபா தேர்தலில் பா.ஜ.,வுக்கு எதிராக பலமான கூட்டணி அமைக்க சந்திரசேகர ராவ் தீவிரமாக உள்ளார். இதற்காக, சமீபத்தில், மேற்கு வங்க முதல்வர் மம்தா பானர்ஜி, தேசியவாத காங்., கட்சி தலைவர் சரத்பவார் உள்ளிட்ட முக்கிய தலைவர்களை அவர் சந்தித்துப் பேசினார்.இதையடுத்து தேசிய அளவில் தன்னை பிரபலப்படுத்திக் கொள்ளும் நடவடிக்கைகளில் ஒன்றாக, சந்திரசேகர ராவ் டில்லி வந்தார்.


latest tamil news


இது குறித்து தெலுங்கானா ராஷ்ட்ரீய சமிதி வெளியிட்டுள்ள அறிக்கையில் கூறப்பட்டுள்ளதாவது:சந்திரசேகர ராவ், டில்லி முதல்வர் அரவிந்த் கெஜ்ரிவால் உள்ளிட்ட எதிர்க்கட்சி தலைவர்களை சந்தித்து பேசுகிறார். உத்தர பிரதேச முன்னாள் முதல்வரும், சமாஜ்வாதி தலைவருமான, அகிலேஷ் யாதவை நேற்று சந்தித்தார். பஞ்சாப் மாநிலம் சண்டிகரில் வேளாண் சட்டத்தை எதிர்த்து நடந்த போராட்டத்தில் உயிரிழந்த விவசாயிகளின் குடும்பத்தினரையும் சந்திக்க உள்ளார்.



மனநிலை


இதைத் தொடர்ந்து, 26ம் தேதி பெங்களுரு சென்று முன்னாள் பிரதமர் தேவகவுடாவை சந்தித்து பேசுகிறார். அங்கிருந்து மஹாராஷ்டிரா மாநிலம் ராலேகான் சித்தி சென்று சமூக ஆர்வலரான அன்னா ஹசாரேயை சந்திக்கிறார். அடுத்து, 29, 30ம் தேதிகளில் மேற்கு வங்கம், பீஹார் மாநிலங்களுக்கு சென்று, லடாக்கின் கல்வான் பள்ளத்தாக்கு மோதலில் உயிரிழந்த இந்திய ராணுவ வீரர்களின் குடும்பத்தினரை சந்தித்து நிதிஉதவி வழங்க உள்ளார். இவ்வாறு அதில் கூறப்பட்டுள்ளது.

சந்திரசேகர ராவின் இந்த முயற்சிகள் எல்லாமே, காங்கிரஸ் இல்லாத எதிர்க்கட்சி கூட்டணியை அமைக்கும் நடவடிக்கையாகவே உள்ளது. காங்கிரசுடன் இணைந்து தேர்தலை சந்திக்க, அவர் விரும்பவில்லை. மேற்கு வங்க முதல்வர் மம்தா, டில்லி முதல்வர் அரவிந்த் கெஜ்ரிவால் ஆகியோரும் இதே மனநிலையில் உள்ளனர். இதைப் பயன்படுத்தி, பா.ஜ., மற்றும் காங்கிரசுக்கு எதிராக பலமான கூட்டணியை கட்டமைக்கும் நடவடிக்கையில் இறங்கியிருக்கிறார். இதற்காகவே சந்திரசேகர ராவின் இந்த அதிரடி சுற்றுப் பயணம் அமைந்து உள்ளதாக கூறப்படுகிறது.

Advertisement




வாசகர் கருத்து (17)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Nagar - Dukhan ,கத்தார்
22-மே-202218:16:06 IST Report Abuse
Nagar உத்தவ் தாக்கரே வீறாப்பாக பேசி பிஜேபி கூட்டணியை முறித்து சி எம் ஆகி புலிமேல் உட்கார்ந்துவிட்டார். இப்போது அவரது மந்திரி சபை முழுவதும் சிறையில் செல்ல வேண்டிய தருணம் வந்துவிட்டது. உத்தவ் குடும்பமே பெரும் ஊழல்களில் சிக்கி தவிக்கிறது.
Rate this:
Cancel
Nagar - Dukhan ,கத்தார்
22-மே-202218:13:45 IST Report Abuse
Nagar சுவாமி பிரசாத் மௌர்ய உபியில் தேர்தல் முன்பு பிஜேபி விட்டு சமாஜ்வாடி கட்சியில் சேர்ந்தார். அவருடைய சொந்த தொகுதியிலும் தோற்றார். இப்போது அமித் ஷா வீட்டில் தினமும் சென்று தன்னை மீண்டும் பிஜேபி ல் சேர்க்க கோரி வருகிறார்.
Rate this:
Cancel
Nagar - Dukhan ,கத்தார்
22-மே-202218:08:15 IST Report Abuse
Nagar ந்வஜ்யோத் சிதது பிஜேபி ல் இருந்து அம்ரித்சர் தொகுதியில் வெற்றி பெற்று லோக்சபா உறுப்பினரானார். புத்திகெடு வந்து காங்கிரஸ் உடன் சேர்ந்து தன சொந்த தொகுதியிலேயே தோற்று இப்போது மாமியார் வீட்டுக்கும் போய்விட்டார்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X