சிவன் கோவிலில் சிலைகள் திருட்டு; போலீசில் புகார் அளித்தார் பொன் மாணிக்கவேல்

Added : மே 29, 2022 | கருத்துகள் (9) | |
Advertisement
திண்டிவனம் : திண்டிவனம், ஒலக்கூரில் உள்ள சிவன் கோவிலில் திருடு போன சிலைகளை கண்டுபிடித்து தரக்கோரி, ஓய்வு பெற்ற போலீஸ் ஐ.ஜி., பொன் மாணிக்கவேல், போலீசில் புகார் அளித்துள்ளார்.விழுப்புரம் மாவட்டம், திண்டிவனம் அடுத்த ஒலக்கூர் போலீஸ் ஸ்டேஷன் சிறப்பு எஸ்.ஐ., ஞானபிரகாசத்திடம், ஓய்வு பெற்ற சிலை கடத்தல் தடுப்பு பிரிவு ஐ.ஜி., பொன் மாணிக்கவேல், ஒலக்கூர் அகத்தீஸ்வரர் கோவிலில்
சிவன் கோவிலில் சிலைகள் திருட்டு;  போலீசில் புகார் அளித்தார் பொன் மாணிக்கவேல்


திண்டிவனம் : திண்டிவனம், ஒலக்கூரில் உள்ள சிவன் கோவிலில் திருடு போன சிலைகளை கண்டுபிடித்து தரக்கோரி, ஓய்வு பெற்ற போலீஸ் ஐ.ஜி., பொன் மாணிக்கவேல், போலீசில் புகார் அளித்துள்ளார்.

விழுப்புரம் மாவட்டம், திண்டிவனம் அடுத்த ஒலக்கூர் போலீஸ் ஸ்டேஷன் சிறப்பு எஸ்.ஐ., ஞானபிரகாசத்திடம், ஓய்வு பெற்ற சிலை கடத்தல் தடுப்பு பிரிவு ஐ.ஜி., பொன் மாணிக்கவேல், ஒலக்கூர் அகத்தீஸ்வரர் கோவிலில் திருடு போன சிலைகளை கண்டுபிடித்து தரக்கோரி புகார் மனு அளித்தார்.பின்னர் அவர் அளித்த பேட்டி:ஒலக்கூரில் உள்ள சிவன் கோவில், 960 ஆண்டுகளுக்கு முன் இரண்டாம் ராஜேந்திர தேவர் என்ற சோழ தமிழ் வேந்தனால் கற்கோவிலாக கட்டப்பட்டது. இந்த கோவிலுக்கு கொடையாளி மூலம் விக்னேஷ்வர் சிலை கொடுக்கப்பட்டுள்ளது.கோவில் கருவறை வெளியே, ஐந்து திருமோனி கல் தெய்வங்கள் மக்கள் வழிபாட்டில் இருந்து வந்துள்ளது.




புறக்கணித்து விட்டனர்




இவை அனைத்தையும் பாதுகாக்க வேண்டி, அறநிலையத் துறையினரால் அகற்றப்பட்டு, பாதுகாப்பான இடத்திற்கு கொண்டு செல்லப்பட்டதாக கூறப்படுகிறது. இதுநாள் வரை கொண்டு செல்லப்பட்ட கல் சிற்பங்கள், மீண்டும் கோவிலுக்கு வரவில்லை.பழமை வாய்ந்த இந்த கோவிலில் பூஜை எதுவும் நடக்கவில்லை. கோவிலை, 50 ஆண்டுகளுக்கும் மேலாக அறநிலையத் துறையினர் முற்றிலும் புறக்கணித்து விட்டனர்.கோவிலில் இருந்த பல சிலைகள், வெளிநாட்டிற்கு கடத்தப்பட்டு உள்ளதாக தெரிகிறது. சிலை கடத்தல் தொடர்பாக அறநிலையத் துறையினரோ, பொது மக்கள் தரப்பிலிருந்தோ ஒலக்கூர் போலீசில் இதுவரை புகார் கொடுக்கவில்லை.



போலீசார் நடவடிக்கை




இந்த சிலை திருட்டில் ஈடுபட்டவர்கள் பலர் இறந்திருக்கலாம். சிலர் வெளிநாட்டிலும், உள்ளூரிலும் இருக்கலாம். கடந்த 40 ஆண்டுகளுக்கு முன் நடந்த சம்பவத்தில் ஈடுபட்ட குற்றவாளிகள் மீது நடவடிக்கை எடுக்கும் பொருட்டு, ஒலக்கூர் போலீசில் புகார் கொடுக்கப்பட்டுள்ளது. புகார் மீது போலீசார் நடவடிக்கை எடுப்பர் என நம்புகிறேன்.இவ்வாறு அவர் கூறினார்.

Advertisement


வாசகர் கருத்து (9)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
raja - Cotonou,பெனின்
29-மே-202214:00:04 IST Report Abuse
raja இந்து விரோத ஆட்சியில் எப்பாமே பொய் புரட்டு திருட்டு தானே....
Rate this:
Cancel
S. Narayanan - Chennai,இந்தியா
29-மே-202211:29:07 IST Report Abuse
S. Narayanan திமுகவின் சேகர் பாபு தினசரி பத்திரிக்கைகளில் கோவில் ஆக்ரமிப்பு அனைத்தையும் மீட்டு விட்டோம் என்று கூறுகிறார். அது எந்த அளவு பொய் கலந்த உண்மை என்று தெரிகிறது. ஆக திமுக சொல்லும் அனைத்து விஷயங்களிலும் இப்படி பொய் எராலமாக இருக்கும் உண்மை இங்கு தேடி பார்க்க வேண்டும். அந்த அளவு திமுக தமிழ் மக்களுக்கு த்ரோகம் செய்கிறது என்று தெரிகிறது.
Rate this:
Cancel
M S RAGHUNATHAN - chennai,இந்தியா
29-மே-202210:23:33 IST Report Abuse
M S RAGHUNATHAN இன்றைய தினமலர் பதிப்பில் திரு T R Ramesh அவர்களின் கட்டுரையில் உள்ள விஷயங்கள் மிகவும் உண்மையானவை. மிகவும் புராதனமான ஶ்ரீரங்கம் ரங்கநாத சுவாமி திருக்கோயிலில் உள் வளாகத்தில் தேவஸ்தான அலுவலகம் உள்ளது. இதற்கு HR & CE வாடகை கொடுக்கிறதா ? எவ்வளவு ? எத்தனை ஆண்டுகளாக இந்த வாடகை கொடுக்கப்.படுகிறது. ? எப்பொழுது நிர்ணயம் செய்யப்பட்டது ? தேவை இல்லாமல் நவீன முறையில் கட்டிடங்கள் அந்த பிராகாரத்தில் அறநிலையத் துறை கட்டிஉள்ளது. இது முன்னாள் அறங்காவலர் குழு தலைவர் திரு. வேணு சீனிவாசன் அவர்களுக்கு தெரியாதா ? கோயிலில் உள்ள நிறைய இடங்களில் தற்காலிக தடுப்புகள் இருக்கின்றன என்று அனைத்தையும் அகற்றிய வேணு அவர்களுக்கு இந்த தேவஸ்தான அலுவலகம் கண்ணில் படவில்லையா ? அல்லது வேண்டும் என்றே விட்டு விட்டாரா? அதே போல் EO அவர்களுக்கு வடக்கு சித்திரை வீதியில் வீடு ஒதுக்கப் பட்டு இருக்கிறது. அதற்கு யார் வாடகை கொடுக்கிறார்கள் ? அதே போல் வீடு மற்றும் தேவஸ்தான அலுவலக மின் கட்டணங்கள் யாரால் செலுத்தப் படுகின்றன என்று HRCE தெரிவித்தால் நலம்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X