இறந்தும் 5 பேர் உடலில் வாழும் 18 வயது மாணவர் :மதுரை டூ சென்னைக்கு பறந்த இருதயம், கல்லீரல்

Added : ஜூன் 22, 2022 | கருத்துகள் (3) | |
Advertisement
மதுரை தேனியை சேர்ந்த 18 வயது மாணவர் சக்திகுமார் விபத்தில் மூளைச்சாவு அடைந்ததால் அவரது உடலுறுப்புகள் மதுரை மீனாட்சி மிஷன் மருத்துவமனை மூலம் 5 பேருக்கு தானமாக வழங்கப்பட்டன.தேனி உத்தமபாளையத்தில் ரோட்டோர ஓட்டல் நடத்தும் அழகுசுந்தரி, முத்தரசு தம்பதியின் ஒரே மகன் சக்திகுமார். தனியார் கல்லுாரியில் பி.எஸ்சி., முதலாமாண்டு முடித்த இவர், 2ம் ஆண்டு கல்வி கட்டணம்
இறந்தும் 5 பேர் உடலில் வாழும் 18 வயது மாணவர்  :மதுரை டூ சென்னைக்கு பறந்த இருதயம், கல்லீரல்

மதுரை தேனியை சேர்ந்த 18 வயது மாணவர் சக்திகுமார் விபத்தில் மூளைச்சாவு அடைந்ததால் அவரது உடலுறுப்புகள் மதுரை மீனாட்சி மிஷன் மருத்துவமனை மூலம் 5 பேருக்கு தானமாக வழங்கப்பட்டன.
தேனி உத்தமபாளையத்தில் ரோட்டோர ஓட்டல் நடத்தும் அழகுசுந்தரி, முத்தரசு தம்பதியின் ஒரே மகன் சக்திகுமார். தனியார் கல்லுாரியில் பி.எஸ்சி., முதலாமாண்டு முடித்த இவர், 2ம் ஆண்டு கல்வி கட்டணம் செலுத்துவதற்காக டூவீலரில் கல்லுாரி சென்ற போது கார் மோதி படுகாயமடைந்தார். மதுரை மீனாட்சி மிஷன் மருத்துவமனையில் சிகிச்சை பெற்ற நிலையில் மூளைச்சாவு அடைந்தார். இருதயம், நுரையீரல், சிறுநீரகங்கள் மற்றும் கல்லீரல் நன்றாக இயங்கி கொண்டிருந்ததால் சக்திகுமாரின் நிலை குறித்தும் உடலுறுப்பு தானம் குறித்தும் பெற்றோரிடம் டாக்டர்கள் விளக்கினர்.
மாணவரின் பெற்றோர் சம்மதத்துடன் மீனாட்சி மிஷன் மருத்துவமனையில் சிகிச்சை பெறும் 2 நோயாளிகளுக்கு ஒரு சிறுநீரகம், கல்லீரல் உறுப்பு மாற்று சிகிச்சை மூலம் பொருத்தப்பட்டன. மற்றொரு சிறுநீரகம் திருச்சி காவேரி மருத்துவமனைக்கும் இருதயம், நுரையீரல்கள் சென்னை அப்போலோ மருத்துவமனைக்கும் விமானம் மூலம் எடுத்து செல்லப்பட்டன.
மருத்துவமனையிலிருந்து மதியம் 12:30 மணிக்கு இருதயம் மற்றும் நுரையீரல்களை எடுத்து சென்ற ஆம்புலன்ஸ் 20 கி.மீ., துாரத்தை 13 நிமிடங்களில் கடந்து மதுரை விமான நிலையத்தை அடைந்தது. இதற்காக உத்தங்குடியிலிருந்து விமான நிலையம் வரை மதுரை போக்குவரத்து துணைகமிஷனர்(பொறுப்பு) வனிதா தலைமையில் உதவி கமிஷனர்கள் திருமலைக்குமார், மாரியப்பன் மற்றும் போலீசார் தடையில்லா பாதை' அமைத்து ஆம்புலன்ஸ் விரைவாக செல்ல ஏற்பாடு செய்தனர்.

Advertisement


வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
அம்பி ஐயர் - நங்கநல்லூர்,இந்தியா
22-ஜூன்-202215:48:53 IST Report Abuse
அம்பி ஐயர் அந்த உடல் உறுப்புகளுக்கு மருத்துவமனை நிர்வாகம் எவ்வளாவு ப்ளாக்கில் வசூல் செய்தது..... ஆப்ரேஷனுக்கு தொடர்புடைய எவ்வளவு வசூல் செய்யும்.....??? பணம் இருந்தால் எதுவும் கிடைக்கும்..... ஆனால் ஏழை மக்களுக்கு......??? மரணம் தான்....... வேதனை.....இதெல்லாம் வேண்டுமென்றே விபத்துக்கள் திட்டமிடப்படுகிறதோ என்ற சந்தேகத்தையும் கொடுக்கிறது....
Rate this:
Cancel
Natarajan Ramanathan - தேவகோட்டை,இந்தியா
22-ஜூன்-202210:08:23 IST Report Abuse
Natarajan Ramanathan எங்காவது ஒரு இசுலாமியர் உடல் உறுப்பு தானம் செய்ததாக கேள்விப்பட்டதுண்டா? குறைந்தபட்சம் கண்தானமாவது??
Rate this:
Cancel
அசோக்ராஜ் - சேலம் ,இந்தியா
22-ஜூன்-202208:47:40 IST Report Abuse
அசோக்ராஜ் அடுத்த மோசடி. படிக்கவே வெறுப்பாக இருக்கிறது. விஐபிக்களுக்கும் அரசியல்வாதிகளுக்கும் பணக்காரர்களுக்கும் மூளைச்சாவே ஏற்படுவதில்லையே? ஏழைகளும் நடுத்தர வர்க்கத்தினரும் மட்டுமே எமோஷனல் ப்ளாக்மெயிலாலும் பணத்தாசை காட்டப்பட்டும் வஞ்சிக்கப்படுகிறார்கள்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X