போராட்டகாரர்கள் வீடுகள் இடிப்பு ஏன்; உச்ச நீதிமன்றத்தில் உ.பி., அரசு விளக்கம்!

Updated : ஜூன் 23, 2022 | Added : ஜூன் 23, 2022 | கருத்துகள் (23) | |
Advertisement
புதுடில்லி-'போராட்டத்தில் ஈடுபட்டதால், போராட்டக்காரர்களின் வீடுகளை இடிக்கவில்லை. சட்டவிரோதமாக, அனுமதி பெறாமல் கட்டியதாலேயே அவர்களுடைய வீடுகள் இடிக்கப்பட்டன' என, உத்தர பிரதேச அரசு உச்ச நீதிமன்றத்தில் தெரிவித்துள்ளது. உத்தர பிரதேசத்தில், முதல்வர் யோகி ஆதித்யநாத் தலைமையில் பா.ஜ., ஆட்சி நடக்கிறது. முஸ்லிம் மதத்திற்கு எதிராக, பா.ஜ.,வில் தேசிய செய்தி தொடர்பாளராக

வாசிக்க நேரம் இல்லையா? செய்தியைக் கேளுங்கள் headphone

புதுடில்லி-'போராட்டத்தில் ஈடுபட்டதால், போராட்டக்காரர்களின் வீடுகளை இடிக்கவில்லை. சட்டவிரோதமாக, அனுமதி பெறாமல் கட்டியதாலேயே அவர்களுடைய வீடுகள் இடிக்கப்பட்டன' என, உத்தர பிரதேச அரசு உச்ச நீதிமன்றத்தில் தெரிவித்துள்ளது.



latest tamil news



உத்தர பிரதேசத்தில், முதல்வர் யோகி ஆதித்யநாத் தலைமையில் பா.ஜ., ஆட்சி நடக்கிறது. முஸ்லிம் மதத்திற்கு எதிராக, பா.ஜ.,வில் தேசிய செய்தி தொடர்பாளராக இருந்த நுாபுர் சர்மா கருத்து கூறியதை எதிர்த்து உத்தர பிரதேசம் உள்ளிட்ட மாநிலங்களில் போராட்டங்கள் நடந்தன. இதில் சில இடங்களில் போராட்டக்காரர்கள் வன்முறையிலும் ஈடுபட்டனர்.


பொதுவான வழக்கு



இந்நிலையில், உத்தர பிரதேசத்தின் கான்பூர், பிரயாக்ராஜில், போராட்டத்தில் ஈடுபட்ட சிலரின் வீடுகள், 'புல்டோசர்' மூலம் இடிக்கப்பட்டன. இதை எதிர்த்து, முஸ்லிம் அமைப்பு ஒன்றின் சார்பில் உச்ச நீதிமன்றத்தில் வழக்கு தொடரப்பட்டு உள்ளது.இந்த வழக்கில் தாக்கல் செய்துள்ள பதில் மனுவில் உத்தர பிரதேச அரசுகூறியுள்ளதாவது:சட்டவிரோதமாக, அனுமதி பெறாமல் கட்டப்பட்ட ஆக்கிரமிப்பு வீடுகளையே, கான்பூர் மற்றும் பிரயாக்ராஜ் நகராட்சி நிர்வாகம் இடித்து உள்ளது.

இதில் முறையாக 'நோட்டீஸ்' வழங்கப்பட்ட பிறகே நடவடிக்கை எடுக்கப்பட்டுள்ளது.பாதிக்கப்பட்டதாக கூறப்படும் நபர்கள் எந்த வழக்கையும் தொடரவில்லை. ஆனால், முஸ்லிம் மதத்தினருக்கு எதிராக நடவடிக்கை எடுக்கப்படுவதாக ஒரு முஸ்லிம் அமைப்பு பொதுவான வழக்கு தொடர்ந்துள்ளது. இவ்வாறு வழக்கு தொடர்வதற்கு அந்த அமைப்புக்கு எந்த உரிமையும், அதிகாரமும் இல்லை.


latest tamil news




பொய்யான உருவகம்



வன்முறைகளில் ஈடுபடுவோர் மீது, பொது சொத்தை சேதப்படுத்துதல் உள்ளிட்ட பிரிவுகளின்படியே, சட்டத்துக்கு உட்பட்டு நடவடிக்கை எடுக்கப்படுகிறது. போராட்டத்தில் ஈடுபட்டதால், போராட்டக்காரர்களின் வீடுகள் இடிக்கப்படவில்லை.ஆனால், இரண்டு சம்பவத்தையும் இணைந்து, மதத்தின் பெயரில் நடவடிக்கை எடுக்கப்பட்டு உள்ளதாக பொய்யான உருவகத்தை இந்த அமைப்பு ஏற்படுத்திஉள்ளது. அதற்காக இந்த அமைப்பின் மீது நடவடிக்கை எடுக்க வேண்டும்.இவ்வாறு பதில் மனுவில் கூறப்பட்டுள்ளது.

Advertisement




வாசகர் கருத்து (23)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
suresh kumar - Salmiyah,குவைத்
27-ஜூன்-202216:44:20 IST Report Abuse
suresh kumar இப்படி அரசுமீது குற்றம் சுமத்துவதற்காக, தங்களது வீடுகள் இடிக்கப்படப் போவது தெரிந்துதான் அவர்கள் போராட்டத்தில் ஈடுபட்டனரோ?
Rate this:
Cancel
abibabegum - madurai- Anna nagar-எங்கள் மார்க்கம் அமைதி மார்க்கம் ,இந்தியா
23-ஜூன்-202215:26:02 IST Report Abuse
abibabegum தினமலர் ஆசிரியர் அவர்களே (முஸ்லிம் மதத்திற்கு எதிராக, பா.ஜ.,வில் தேசிய செய்தி தொடர்பாளராக இருந்த நுாபுர் சர்மா கருத்து கூறியதை எதிர்த்து) நுாபுர் சர்மா நிச்சயமாக எங்கள் மதத்திற்கு எதிராக பேசவில்லை குரானில் உள்ளதை மேற்கோள்கட்டியுள்ளார் நீங்களே நுாபுர் சர்மா மீது குற்றம் சுமத்துவது வருத்தமாக உள்ளது
Rate this:
suresh kumar - Salmiyah,குவைத்
27-ஜூன்-202217:06:46 IST Report Abuse
suresh kumarகுரானில் இந்த விஷயத்தை பற்றி என்ன எழுதியிருக்கிறது என்று எனக்குத் தெரியாது. ஆனால் இந்தியாவுக்கு எதிர்ப்பு தெரிவித்த 57 இஸ்லாமிய நாட்டு ஆட்ச்சியாளர்களுக்குத் தெரியாதா என்ன? ஒருவேளை அவர்களும் பெட்ரோலிய எண்ணை வியாபாரத்திற்காக அரசியல் செய்கிறார்களா?...
Rate this:
Cancel
Vena Suna - Coimbatore,இந்தியா
23-ஜூன்-202215:06:58 IST Report Abuse
Vena Suna பொறம்போக்கு நிலத்தில் வீடு கட்டுவதில் சிலர் கில்லாடி . யோகி செய்தது சரி.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X