பஞ்சலோக சுவாமி சிலைகளை விற்க முயன்றவர்கள் கைது

Added : ஜூன் 25, 2022 | கருத்துகள் (5) | |
Advertisement
சென்னை-பஞ்சலோக சுவாமி சிலைகளை, 2 கோடி ரூபாய்க்கு விற்க முயன்ற இருவர் கைது செய்யப்பட்டனர்.கடலுார் மாவட்டம், விருத்தாச்சலம் பகுதியில், இரண்டு பஞ்சலோக சுவாமி சிலைகளை, மர்ம நபர்கள் விற்க முயற்சிப்பதாக, மாநில சிலை கடத்தல் தடுப்பு பிரிவு டி.ஜி.பி., ஜெயந்த் முரளிக்கு தகவல் கிடைத்துள்ளது.இதையடுத்து, ஐ.ஜி., தினகரன் தலைமையிலான போலீசார், சிலைகளை வாங்கும் வியாபாரிகள் போல நடித்து,
 பஞ்சலோக சுவாமி சிலைகளை விற்க முயன்றவர்கள் கைது

சென்னை-பஞ்சலோக சுவாமி சிலைகளை, 2 கோடி ரூபாய்க்கு விற்க முயன்ற இருவர் கைது செய்யப்பட்டனர்.கடலுார் மாவட்டம், விருத்தாச்சலம் பகுதியில், இரண்டு பஞ்சலோக சுவாமி சிலைகளை, மர்ம நபர்கள் விற்க முயற்சிப்பதாக, மாநில சிலை கடத்தல் தடுப்பு பிரிவு டி.ஜி.பி., ஜெயந்த் முரளிக்கு தகவல் கிடைத்துள்ளது.

இதையடுத்து, ஐ.ஜி., தினகரன் தலைமையிலான போலீசார், சிலைகளை வாங்கும் வியாபாரிகள் போல நடித்து, துப்பு துலக்கும் பணியில் ஈடுபட்டனர்.அப்போது, விருத்தாச்சலம் அருகே, இருப்புக் குறிச்சியைச் சேர்ந்த மகிமைதாஸ் என்பவர், தன் வீட்டில், ஐந்து தலை நாகத்துடன், மாரியம்மன் மற்றும் பெருமாள் பஞ்சலோக சுவாமி சிலைகள் பதுக்கி இருப்பதை, சிலை கடத்தல் தடுப்பு பிரிவினர் கண்டுபிடித்தனர்.இவரிடம், சிலை வேண்டும் என, மொபைல் போனில் பேசியபோது, 'சிலையின் விலை 2 கோடி ரூபாய். 1 ரூபாய் குறைத்து தந்தால் கூட விற்க மாட்டேன்' என, கறாராக கூறினார்.அந்த விலைக்கே வாங்கிக் கொள்வதாக போலீசார் கூறியதும், பணத்துடன், இருப்புக் குறிச்சியில் இருந்து அரசக்குழி செல்லும் சாலைக்கு வருமாறு கூறினார்.

இருதயசாமி வயல் என்ற இடத்தில் செல்லும்போது, போலீசார், சிலைகளுடன் மகிமைதாசை பிடித்து விசாரித்தனர்.அப்போது, 'இந்த சிலைகள் பற்றி எனக்கு எதுவும் தெரியாது. விருத்தாச்சலம் பெரியகோட்டிமுளை பகுதியைச் சேர்ந்த பச்சமுத்து என்பவர், ஏதோ கோவிலில்திருடப்பட்ட சிலைகள் என கொடுத்தார்.'இரண்டு கோடி ரூபாய்க்கு விற்றால், கமிஷன் தருவதாக கூறினார். அதனால், சிலைகளை விற்க முயன்றேன்' எனக் கூறியுள்ளார்.

இதையடுத்து, ஈரோடு மாவட்டம், கொடுமுடிபகுதியில் பதுங்கி இருந்த, பச்சமுத்து என்பவரை பிடித்து போலீசார் விசாரித்தனர்.இவரோ, 'அரியலுாரை சேர்ந்த முருகானந்தம் என்பவர், மிகவும் பழமை வாய்ந்த கோவில் சிலைகளை விற்றுத் தருமாறு கூறினார். நான், மகிமைதாசிடம் கொடுத்து விற்கச் சொன்னேன்' எனக் கூறியுள்ளார். இதையடுத்து, சிலைகளை மீட்ட போலீசார், பச்சமுத்து, 42, மகிமைதாஸ், 44, ஆகியோரை நேற்று கைது செய்தனர்; முருகானந்தத்தை தேடி வருகின்றனர்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement


வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
அம்பி ஐயர் - நங்கநல்லூர்,இந்தியா
25-ஜூன்-202212:17:03 IST Report Abuse
அம்பி ஐயர் பச்சமுத்து மகிமை தாஸ்..... முருகானந்தம்.... இது பெரிய நெட்வொக் ஆக இருக்கும் போலயே.... எப்பவும் போல விஷயத்தை வெளில வரவிடாம அமுக்கிடுவாங்க..... உண்மைய குழி தோண்டிப் புதைச்சுடுவாங்க....
Rate this:
Cancel
Kasimani Baskaran - Singapore,சிங்கப்பூர்
25-ஜூன்-202208:06:15 IST Report Abuse
Kasimani Baskaran ஆள் கடத்தல், சிலை கடத்தலெல்லாம் திராவிட மாடல் ஆட்சியில் சர்வ சாதாரணம்.
Rate this:
Watcha Mohideen - Sydney,ஆஸ்திரேலியா
25-ஜூன்-202215:03:55 IST Report Abuse
Watcha Mohideenதிராவிட ஆட்சி மட்டும் என்ன, காலம் தொட்டு கடவுள்கலை எல்லாம் கடத்தி வெளி நாட்டுக்கு ஏற்றுமதி செய்கிறார்கள் நம்ம நாட்டு மக்கள். கடவுள் தண்டிக்கமாட்டாரா?...
Rate this:
Cancel
Natarajan Ramanathan - தேவகோட்டை,இந்தியா
25-ஜூன்-202205:54:36 IST Report Abuse
Natarajan Ramanathan எனக்கு யாராவது பழமையான ஏசு சிலை இருந்தால் சொல்லுங்கள். பத்து ரூபாய் கொடுத்து உடனே வாங்கிக் கொள்கிறேன்.
Rate this:
raja - Cotonou,பெனின்
25-ஜூன்-202213:28:01 IST Report Abuse
rajaபுதிய ஏற்பாடு/வேதகாமம் போல அதையும் இலவசமா தர சொல்லலாமே.......
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X