மீண்டும் தேர்வு எழுத விண்ணப்பிக்கலாம்; பள்ளிக் கல்வித்துறை அறிவிப்பு

Updated : ஜூன் 25, 2022 | Added : ஜூன் 25, 2022 | |
Advertisement
புதுச்சேரி, : புதுச்சேரி பள்ளிக் கல்வித் துறை இணை இயக்குனர் சிவகாமி வெளியிட்டுள்ள செய்திக் குறிப்பு:வரும் ஜூலை மாதம் நடக்க உள்ள பத்தாம் வகுப்பு, பிளஸ் 2 துணை தேர்வுகளுக்கு விண்ணப்பிக்க தகுதியுள்ள தனித் தேர்வர்களிடமிருந்து விண்ணப்பம் வரவேற்கப்படுகிறது.இதேபோல், கடந்த மே மாதம் பத்தாம் வகுப்பு, பிளஸ் 2 பொதுத் தேர்வு எழுதி தோல்வியடைந்த மாணவர்கள், வருகை புரியாத
மீண்டும் தேர்வு எழுத விண்ணப்பிக்கலாம்;  பள்ளிக் கல்வித்துறை அறிவிப்பு


புதுச்சேரி, : புதுச்சேரி பள்ளிக் கல்வித் துறை இணை இயக்குனர் சிவகாமி வெளியிட்டுள்ள செய்திக் குறிப்பு:வரும் ஜூலை மாதம் நடக்க உள்ள பத்தாம் வகுப்பு, பிளஸ் 2 துணை தேர்வுகளுக்கு விண்ணப்பிக்க தகுதியுள்ள தனித் தேர்வர்களிடமிருந்து விண்ணப்பம் வரவேற்கப்படுகிறது.இதேபோல், கடந்த மே மாதம் பத்தாம் வகுப்பு, பிளஸ் 2 பொதுத் தேர்வு எழுதி தோல்வியடைந்த மாணவர்கள், வருகை புரியாத தேர்வர்களிடமிருந்து இணையதளம் மூலம் விண்ணப்பம் வரவேற்கப்படுகிறது.


பள்ளி மாணவர்கள்
கடந்த மே மாதம் பத்தாம் வகுப்பு, பிளஸ் 2 பொதுத் தேர்வினை பள்ளி மாணவர்களாக எழுதி தேர்ச்சி பெறாத, மற்றும் வருகை புரியாத மாணவர்கள் தேர்ச்சி பெறாத பாடங்களை மீண்டும் எழுதலாம். அவர்கள் பயின்ற பள்ளிக்கு வரும் 27ம் தேதி முதல் அடுத்த மாதம் 4ம் தேதி வரை காலை 10 மணி முதல் மாலை 5 மணிக்குள் நேரில் சென்று விண்ணப்பிக்கலாம்.

தனித் தேர்வர்கள்
இதேபோல் ஜூலை, ஆகஸ்ட் பத்தாம் வகுப்பு, பிளஸ் 2 துணை தேர்விற்கு புதிதாக விண்ணப்பிக்கும் தகுதியுள்ள தனித்தேர்வகள் மற்றும் மே மாதம் நடந்த பத்தாம் வகுப்பு, பிளஸ் 1 தோல்வியுள்ள பாடங்களுடன் பிளஸ் 2 பொதுத் தேர்வை எழுதி தேர்ச்சி பெறாத தனித்தேர்வர்களும் 27ம் தேதி முதல் அடுத்த மாதம் 4ம் தேதி வரை விண்ணப்பிக்கலாம்.

சேவை மையங்கள்
இம்மாணவர்கள் விண்ணப்பிக்க வசதியாக பிளஸ் 2 சேவை மையமாக ஆண் களுக்கு முத்திரையர்பாளை யம் இளங்கோ அடிகள் அரசு மேல்நிலைப்பள்ளியும், பெண்களுக்கு லாஸ்பேட்டை செல்ல பெருமாள்பேட்டை விவேகானந்த மேல்நிலைப்பள்ளியும் ஏற்படுத்தப்பட்டுள்ளது.பத்தாம் வகுப்பு பொதுத் தேர்வு எழுத ஆண்களுக்கு காராமணிக்குப்பம் ஜீவானந்தம் அரசு மேல்நிலைப் பள்ளியும், பெண்களுக்கு கதிர்காமம் அரசு பெண்கள் மேல்நிலைப் பள்ளியும் சேவை மையமாக ஏற்படுத்தப்பட்டுள்ளது.கடந்தாண்டு நேரடி தனித் தேர்வராக பிளஸ் 1 தேர்வெழுதி தேர்ச்சி பெறாத தேர்வர்கள் அனைவரும் பிளஸ் 2 பொதுத் தேர்வு எழுவதற்கும், பிளஸ் 1 வகுப்பில் தேர்ச்சி பெறாத பாடங்களை மீண்டும் எழுதுவதற்கும் சேர்த்து விண்ணப்பிக்கலாம்.

கட்டணம்
பத்தாம் வகுப்பிற்கு தேர்வு கட்டணமாக 125 ரூபாய், ஆன்-லைன் பதிவு கட்டணம் 50 ரூபாய் என மொத்தம் 175 ரூபாய் பள்ளிகளில் உள்ள சேவை மையங்களில் பணமாக மட்டுமே கட்ட வேண்டும்.பிளஸ் 2 பொதுத் தேர்வு கட்டணத்தை பொருத்தவரை, ஏற்கனவே பிளஸ் 2 பொதுத் தேர்வு எழுதி தோல்வியுள்ள பாடங்களில் தேர்வெழுதும் தேர்வர்கள் மற்றும் பிளஸ் 1 தேர்வு எழுதி தோல்வியுள்ள பாடங்களில் தேர்வு எழுதும் தேர்வர்கள் ஒவ்வொரு பாடத்திற்கும் 50 ரூபாய் தேர்வு கட்டணம், அதனுடன் இதர கட்டணமாக 35 ரூபாய், ஆன்-லைன் பதிவு கட்டணமாக 50 ரூபாய் செலுத்த வேண்டும்.பிளஸ் 2 பொதுத்தேர்வினை முதல் முறையாக எழுத உள்ள தேர்வர்கள் தேர்வு கட்டணமான 150 ரூபாய், இதர கட்டணமாக 35 ரூபாய், ஆன்-லைன் கட்டணம் 50 ரூபாய் பணமாக சேவை மையங்களில் செலுத்தலாம்.இவ்வாறு செய்திக் குறிப் பில் கூறப்பட்டுள்ளது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X