'நான் மூன்றாம் கலைஞர் இல்லை... சின்னவர்': உடன்பிறப்புகளுக்கு உதயநிதி உத்தரவு!

Updated : ஜூன் 27, 2022 | Added : ஜூன் 27, 2022 | கருத்துகள் (61) | |
Advertisement
புதுக்கோட்டை: தன்னை மூன்றாம் கலைஞர் என அழைப்பதில் துளிகூட விருப்பம் இல்லை எனவும், தன்னை சின்னவர் என்றே கூப்பிடுங்கள் என்றும் திமுக எம்எல்ஏ உதயநிதி பேசியுள்ளார்.திமுக இளைஞரணி செயலாளரும் சேப்பாக்கம் - திருவல்லிக்கேணி எம்.எல்.ஏ.,வுமான உதயநிதிக்கு அமைச்சர் பதவி அளிக்க வேண்டும் என பல அமைச்சர்கள் அவ்வபோது வலியுறுத்தி வருகின்றனர். மேலும், ஸ்டாலினுக்கு பிறகு கட்சி
DMK, Udhayanidhi, Chinnavar, MLA, திமுக, எம்எல்ஏ, உதயநிதி, சின்னவர்

புதுக்கோட்டை: தன்னை மூன்றாம் கலைஞர் என அழைப்பதில் துளிகூட விருப்பம் இல்லை எனவும், தன்னை சின்னவர் என்றே கூப்பிடுங்கள் என்றும் திமுக எம்எல்ஏ உதயநிதி பேசியுள்ளார்.

திமுக இளைஞரணி செயலாளரும் சேப்பாக்கம் - திருவல்லிக்கேணி எம்.எல்.ஏ.,வுமான உதயநிதிக்கு அமைச்சர் பதவி அளிக்க வேண்டும் என பல அமைச்சர்கள் அவ்வபோது வலியுறுத்தி வருகின்றனர். மேலும், ஸ்டாலினுக்கு பிறகு கட்சி தலைமைக்கு உதயநிதி தான் வருவார் என்று இப்போது இருந்தே திமுக.,வினர் அவருக்கு ‛ஐஸ்' வைத்து வருகின்றனர். உதயநிதிக்கு பல புகழ்ச்சி பட்டங்களை அளித்தும் கட்சியினர் அழைத்து வந்தனர். இந்த நிலையில், புதுக்கோட்டையில் திமுக சார்பில் நடந்த விழாவில் உதயநிதி சிறப்பு விருந்தினராக பங்கேற்றார். அப்போது அவர் பேசியதாவது: தமிழகத்தில் கடந்த 3 தேர்தல்களில் தி.மு.க. கூட்டணிக்கு தமிழக மக்கள் மிகப்பெரிய வெற்றியை அளித்தார்கள்.


latest tamil news



இந்தியாவிலேயே 3வது பெரிய கட்சியாக தி.மு.க உள்ளது. என்னைப் பாராட்டிப் பேசுகின்றவர்கள் என் மீது அன்பு காட்டுவதாக நினைத்துக்கொண்டு கோஷம் போடும்போது, மூன்றாம் கலைஞர், இளம் தலைவர் இப்படியெல்லாம் அழைக்கின்றீர்கள். அப்படி அழைப்பதில் எனக்கு துளிகூட விருப்பம் கிடையாது. கலைஞர் என்றால் அது ஒரே ஒருவர்தான். இரண்டாம் கலைஞர், மூன்றாம் கலைஞர், நான்காம் கலைஞர் என்று தயவு செய்து யாரையும் அழைக்காதீர்கள். சின்னவர் என்று அழைக்கிறார்கள். அது மகிழ்ச்சிதான். ஏனென்றால், இங்கே இருக்கின்ற பெரியவர்களோடு ஒப்பீடு செய்து பார்க்கும்போது, அவர்களுடைய உழைப்பில் நான் மிகமிகச் சின்னவன். அதனால், என்னை சின்னவர் என்றே கூப்பிடுங்கள். இவ்வாறு அவர் பேசினார்.


சின்னவர் யார்

இனிமேல் தன்னை சின்னவர் என்று உடன்பிறப்புகள் அழைக்க வேண்டும் என்பதையே மறைமுகமாக உதயநிதி குறிப்பிடுவதாக உடன்பிறப்புகள் சிலர் கூறினர். சினிமாவில் 1960 முதல் எம்.ஜி.ஆர் தான் ‛சின்னவர்' என அழைக்கப்பட்டார். அவரது சகோதரர் எம்.ஜி.சக்கரபாணி பெரியவர் என அழைக்கப்பட்டதால், எம்.ஜி.ஆரை சின்னவர் என ரசிகர்கள் அழைத்தனர். 1972 வரை அதே பட்டத்துடன் இருந்த எம்.ஜி.ஆர் அடுத்து புரட்சி நடிகர் எனவும் அழைக்கப்பட்டார். பிறகு கட்சி ஆரம்பித்து முதல்வர் ஆனதால் அதேபோல் உதயநிதியும் ஆசைப்படுவதாக அரசியல் வல்லுநர்கள் தெரிவிக்கின்றனர். எம்.ஜி.ஆரை போல் தானும் சினிமாவில் இருந்து அரசியலில் ஈடுபட்டு, அதேபோல் சின்னவர் என அழைக்கப்பட்டு பின்னாளில் முதல்வர் ஆக உதயநிதி ஆசைப்பட்டிருக்கலாம் எனவும் கூறுகின்றனர்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (61)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
பச்சையப்பன் கோபால் புரம் ஐய்யய்யோ!! உதய்ணா சின்னவர் என்றால் எங்கள் தள்ளபதி பெரியவரா?? ஓ நோ நோ!!!. சின்னக் குழந்தை போல் சைக்கிள் ஓட்டி பஸ்ஸில் ஏறி கம்பியை பிடித்து தொங்கி மிக மிக இளமையாயிருக்கும் எங்கள் தள்ளபதியை சின்ன சின்னவர் என்றழைப்பதே பொருத்தம். தெற்க்காசியாவின் மடோனா எங்கள் இன்பாண்ணாவை குட்டி சின்னவர் என்பது மிக மிக பொருத்தம்
Rate this:
Cancel
28-ஜூன்-202209:14:53 IST Report Abuse
Zahir Hussain 0 .....
Rate this:
Cancel
Mani . V - Singapore,சிங்கப்பூர்
28-ஜூன்-202206:10:01 IST Report Abuse
Mani . V வருங்கால பிரதமருக்கு (ஸ்டாலின் - ஜனாதிபதி, உதயநிதி - பிரதமர், இன்பநிதி - முதலமைச்சர்) எவ்வளவு தன்னடக்கம்? சரி, நேற்றைய கூட்டம் கொரோனாவை பின்னங்கால் பிடரியில் பட ஓட வைக்கத்தானே?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X