வேலுமணிக்கு எதிரான வழக்கு: தடை விதிக்க ஐகோர்ட் மறுப்பு

Updated : ஜூன் 28, 2022 | Added : ஜூன் 28, 2022 | கருத்துகள் (5) | |
Advertisement
சென்னை-முன்னாள் அமைச்சர் வேலுமணிக்கு எதிராக, லஞ்ச ஒழிப்பு போலீசார் பதிவு செய்த வழக்குக்கு தடை விதிக்க, சென்னை உயர் நீதிமன்றம் மறுத்து விட்டது. மனுவுக்கு பதில் அளிக்க, அரசுக்கு உத்தரவிட்டுள்ளது.சென்னை மற்றும் கோவை மாநகராட்சியில், பல்வேறு பணிகளுக்கு 'டெண்டர்' வழங்கியதில் முறைகேடு நடந்ததாக, அமைச்சராக பதவி வகித்த வேலுமணிக்கு எதிராக வழக்குப் பதிவு செய்யவும்,

வாசிக்க நேரம் இல்லையா? செய்தியைக் கேளுங்கள் headphone

சென்னை-முன்னாள் அமைச்சர் வேலுமணிக்கு எதிராக, லஞ்ச ஒழிப்பு போலீசார் பதிவு செய்த வழக்குக்கு தடை விதிக்க, சென்னை உயர் நீதிமன்றம் மறுத்து விட்டது.



latest tamil news


மனுவுக்கு பதில் அளிக்க, அரசுக்கு உத்தரவிட்டுள்ளது.சென்னை மற்றும் கோவை மாநகராட்சியில், பல்வேறு பணிகளுக்கு 'டெண்டர்' வழங்கியதில் முறைகேடு நடந்ததாக, அமைச்சராக பதவி வகித்த வேலுமணிக்கு எதிராக வழக்குப் பதிவு செய்யவும், சிறப்பு புலனாய்வு குழு விசாரிக்கவும் கோரி, அறப்போர் இயக்கம் சார்பில் வழக்கு தொடரப்பட்டது.



ஆட்சி மாற்றம்

கடந்த அ.தி.மு.க., ஆட்சியின் போது, இந்த வழக்கு தொடரப்பட்டது. தலைமை நீதிபதி அமர்வில், இவ்வழக்கு விசாரணையில் உள்ளது. ஆட்சி மாற்றத்தை தொடர்ந்து, வேலுமணிக்கு எதிராக லஞ்ச ஒழிப்பு போலீசார் வழக்குப் பதிவு செய்தனர்.இந்த வழக்கை ரத்து செய்யவும், விசாரணை முடியும் வரை தடை விதிக்கவும் கோரி, முன்னாள் அமைச்சர் வேலுமணி தாக்கல் செய்த மனு:எனக்கு எதிரான புகாரில், ஆரம்பகட்ட விசாரணைக்கு, 2019 அக்டோபரில் உயர் நீதிமன்றம் உத்தரவிட்டது.

புகாருக்கு முகாந்திரம் இல்லை என விசாரணையில் தெரிய வந்தது. இந்த அறிக்கையை பரிசீலித்த பின், நடவடிக்கையை கைவிட, அரசு முடிவு செய்தது.மாநிலத்தில் ஆட்சி மாற்றம் ஏற்பட்டதால், 2021 ஆகஸ்டில் வழக்குப் பதிவு செய்யப்பட்டுள்ளது. மேற்கொண்டு விசாரணை நடத்த, உயர் நீதிமன்றம் எந்த உத்தரவும் பிறப்பிக்கவில்லை.




உள்நோக்கம்

ஆனால், மத்திய தணிக்கைத் துறை அறிக்கை அடிப்படையில், விசாரணை நடத்த உயர் நீதிமன்றம் உத்தரவிட்டதாக கூறி, வழக்குப் பதிவு செய்யப்பட்டுள்ளது.எனவே, எனக்கு எதிரான வழக்கை ரத்து செய்ய வேண்டும்; விசாரணை நடவடிக்கைக்கு தடை விதிக்க வேண்டும்.இவ்வாறு மனுவில் கூறப்பட்டுஉள்ளது.

மனு, தலைமை நீதிபதி எம்.என்.பண்டாரி, நீதிபதி என்.மாலா அடங்கிய 'முதல் பெஞ்ச்' முன், விசாரணைக்கு வந்தது. முன்னாள் அமைச்சர் வேலுமணி சார்பில், புதுடில்லி மூத்த வழக்கறிஞர் எஸ்.வி.ராஜு, வழக்கறிஞர் வி.இளங்கோவன் ஆஜராகினர். ''உள்நோக்கத்துடன் பதிவு செய்யப்பட்ட வழக்குக்கு, தடை விதிக்க வேண்டும்,'' என்றனர்.


latest tamil news


இதையடுத்து, 'வழக்கை ரத்து செய்யும்படி கோர, மனுதாரருக்கு உரிமை உள்ளது என்றாலும், அதை ரிட் மனுவாக தாக்கல் செய்ய முடியாது' என, முதல் பெஞ்ச் தெரிவித்தது. வழக்குக்கு தடை விதிக்க மறுத்த முதல் பெஞ்ச், மனுவுக்கு லஞ்ச ஒழிப்புத் துறை, அறப்போர் இயக்கம் பதில் அளிக்க உத்தரவிட்டு, விசாரணையை ஜூலை 25க்கு தள்ளி வைத்தது.


புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
sankar - சென்னை,இந்தியா
28-ஜூன்-202210:22:12 IST Report Abuse
sankar , அதிமுகவிருந்தாலே இவங்கெல்லாம் புனிதர்கள்ன்னு நினைச்சயா? அங்கெ இருக்கிற மணிகள் தான் எடப்பாடியின் கஜானாக்கள்.
Rate this:
Cancel
kumaresan - Petaling Jaya,மலேஷியா
28-ஜூன்-202207:25:37 IST Report Abuse
kumaresan ஆட்சியில் இருக்கும் போது, தவறு செய்த போது இருந்த தைரியம் விசாரணை என்று வரும் போது அதனை எதிர்கொள்ள இருப்பதில்லை. தேவையில்லாத வாய் சவடால் விடுவது. என் உங்களுக்கு எல்லாம் தடை உத்தரவு? உப்பை திண்றவன் தண்ணீர் குடிக்கணும் மக்கள் மனதிலே பால் வார்க்கணும் செய்த தவற்றிற்கு தண்டனை அனுபவித்தான் என்ற செய்தி ஒவ்வொரு தமிழரின் கத்திலேயும் தேனாக பய வேண்டும் திராவிட கட்சிகளின் லஞ்ச லாவண்ய ஆட்சிக்கு முற்றுப்புள்ளி வைக்க வேண்டும்
Rate this:
raja - Cotonou,பெனின்
28-ஜூன்-202210:56:54 IST Report Abuse
rajaஆனா இந்த திருட்டு திராவிட கேடுகெட்ட விடியா மாடலில் கொள்ளை படித்த பணத்தை திருப்பி கொடுத்தால் அமைச்சனாகலாம் அணிலு போல......
Rate this:
Cancel
Kasimani Baskaran - Singapore,சிங்கப்பூர்
28-ஜூன்-202206:21:54 IST Report Abuse
Kasimani Baskaran நேர்மையாக சம்பாதித்தால் இதெல்லாம் சாத்தியமில்லை என்பது அனைவருக்கும் தெரியும். ஆனாலும் விசாரணையைக்கூட நேர்மையாக நடக்க விடாமல் தடுப்பது அக்கிரமம்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X