கைதிகளுடன் கைகோர்ப்பு'; மாமூல்' போலீஸ் கண்காணிப்பு

Updated : ஜூன் 28, 2022 | Added : ஜூன் 28, 2022 | கருத்துகள் (6) | |
Advertisement
சென்னை,-கைதிகளுக்கு வேண்டிய உதவிகள் செய்து, 'மாமூல்' வசூலிக்கும் போலீசார், தீவிர கண்காணிப்புக்கு உட்படுத்தப்பட்டுள்ளனர். தமிழகத்தில், 147 சிறைகள் உள்ளன. இவற்றில், 23 ஆயிரத்து, 592 பேரை அடைக்கும் வசதி உள்ளது. தற்போது, 12 ஆயிரத்திற்கும் மேற்பட்ட கைதிகள் உள்ளனர். இவர்களுக்கான காவல் பணியில், 5,452 போலீசார் ஈடுபட்டு வருகின்றனர். அத்துடன், கைதிகளை விசாரணைக்கு அழைத்துச்

வாசிக்க நேரம் இல்லையா? செய்தியைக் கேளுங்கள் headphone

சென்னை,-கைதிகளுக்கு வேண்டிய உதவிகள் செய்து, 'மாமூல்' வசூலிக்கும் போலீசார், தீவிர கண்காணிப்புக்கு உட்படுத்தப்பட்டுள்ளனர்.



latest tamil news


தமிழகத்தில், 147 சிறைகள் உள்ளன. இவற்றில், 23 ஆயிரத்து, 592 பேரை அடைக்கும் வசதி உள்ளது. தற்போது, 12 ஆயிரத்திற்கும் மேற்பட்ட கைதிகள் உள்ளனர். இவர்களுக்கான காவல் பணியில், 5,452 போலீசார் ஈடுபட்டு வருகின்றனர். அத்துடன், கைதிகளை விசாரணைக்கு அழைத்துச் செல்லும் பணியில், ஆயுதப்படை போலீசார் ஈடுபடுத்தப்படுகின்றனர்.வசதியான கைதிகளை ரகம் பிரிக்கும் போலீசார், அவர்களுக்கு வேண்டிய உதவிகளை செய்து, மாமூல் வசூலித்து வருவதாக குற்றச்சாட்டு எழுந்துஉள்ளது.

சிறையில், ஒரு கட்டு பீடி, 500 ரூபாய் வரை விற்கப்படுகிறது. போதைப் பொருள் வழக்கில் கைதாகி சிறையில் இருக்கும் வெளிநாடு மற்றும் வெளி மாநில கைதிகளிடம் பணப்புழக்கம் அதிகம். இவர்களை சார்ந்து தான், சிறைத் துறை போலீசார் செயல்பட்டு வருகின்றனர். இவர்கள் சிறையில் இருந்தபடியே, தொழிலிலும் கொடி கட்டிப் பறப்பதாக கூறப்படுகிறது. சிறைகளில், 'ஸ்மார்ட் போன்' புழக்கமும் அதிகமாக உள்ளது. வசதிப் படைத்த கைதிகள், 'வாட்ஸ் ஆப்'பில், 'வீடியோ கால்' வாயிலாக உறவினர்களிடம் பேச, போலீசார் அனுமதிக்கின்றனர். இது தொடர்பான படங்களும் வெளியாகின.


latest tamil news



தற்போது, மாமூல் வசூலிப்பு பெருகி விட்டதாக தெரிய வந்துள்ளது. மாமூல் தொகை, போலீசாரின் வங்கி கணக்கிற்கு செலுத்தப்படுவதாக கூறப்படுகிறது. இதனால், சிறைத் துறை போலீசாரின் நடவடிக்கைகள், தீவிரமாக கண்காணிக்கப்படுகின்றன.இதுபற்றி, சிறைத் துறை அதிகாரிகள் கூறுகையில், '

தவறு செய்யும் போலீசாரை கண்காணிக்க, சிறைத் துறையில் உளவு போலீசார் உள்ளனர். மாமூல் போலீசாருக்கு உளவு பிரிவில் பணிபுரியும் சிலரும் உடந்தையாக இருப்பதாக தகவல் கிடைத்துள்ளது. அதுபற்றி ரகசியமாக விசாரித்து வருகிறோம்' என்றனர்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (6)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
jayvee - chennai,இந்தியா
28-ஜூன்-202211:45:40 IST Report Abuse
jayvee ஜனநாயகத்தின் தூண்கள் துருப்பிடித்து பல ஆண்டுகள் ஆகிவிட்டன
Rate this:
Cancel
அம்பி ஐயர் - நங்கநல்லூர்,இந்தியா
28-ஜூன்-202211:07:06 IST Report Abuse
அம்பி ஐயர் இது எப்பவும் நடக்கக்கூடிய “மாமூலான” விஷயம் தான்... இதுக்குப் போயி... என்னிக்காவது ஒரு நாள் சிறையில ரெய்டு போயி பீடி.. போன் பறிமுதல் ந்னு செய்தி போட்டா முடிஞ்சுது.....
Rate this:
Cancel
28-ஜூன்-202210:00:52 IST Report Abuse
நக்கீரன் (நெற்றிக்கண் திறப்பினும் குற்றம் குற்றமே) வேலி பயிரை மேய்ந்துகொண்டு இருக்கிறது. நீங்க இப்படியே பேசிக்கிட்டேயே இருங்க. இது வெளிப்படையாக எல்லோருக்கும் தெரியும். ஆனாலும் நடவடிக்கை இல்லை. காரணம் அந்த லஞ்சப்பணம் தலைமை வரை பாய்கிறது. நீதியின் காவலனாக தங்களை கூறிக்கொள்ளும் நீதிமன்றங்களும் அமைதியாக மிக்ஸர் சாப்பிட்டுக்கொண்டு இருக்கிறார்கள் போல. உங்களுக்கெல்லாம் ராணுவ ஆட்சி வந்தால்தான் சரி. பேசாமல் தமிழகத்தில் அதைக்கொண்டு வர வேண்டியதுதான். லஞ்ச ஊழல்களை சுத்தமாக துடைத்துவிட்டு அப்புறம் மக்கள் ஆட்சியை பத்தி பேசலாம்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X