ஓட்டல் அறைக்கு வரி விலக்கு ரத்தாகிறது?

Updated : ஜூன் 29, 2022 | Added : ஜூன் 29, 2022 | கருத்துகள் (5) | |
Advertisement
சண்டிகர்: மத்திய நிதியமைச்சர் நிர்மலா சீதாராமன் தலைமையிலான ஜி.எஸ்.டி., கவுன்சில் கூட்டம், ஹரியானா மாநிலம், சண்டிகரில் நேற்று துவங்கியது.இக்கூட்டத்தில், கேரளா, சத்தீஸ்கர் உள்ளிட்ட பல மாநிலங்களின் நிதியமைச்சர்கள், ஜி.எஸ்.டி., அமல்படுத்தியதால் மாநிலங்களுக்கு வழங்கப்படும் இழப்பீட்டை மேலும் ஐந்து ஆண்டுகளுக்கு நீட்டிக்கும்படி கோரிக்கை விடுத்தனர். ஜி.எஸ்.டி.,யில் செய்ய
ஓட்டல் அறை, வரி விலக்கு, ஜிஎஸ்டி, கவுன்சில்,

வாசிக்க நேரம் இல்லையா? செய்தியைக் கேளுங்கள் headphone


சண்டிகர்: மத்திய நிதியமைச்சர் நிர்மலா சீதாராமன் தலைமையிலான ஜி.எஸ்.டி., கவுன்சில் கூட்டம், ஹரியானா மாநிலம், சண்டிகரில் நேற்று துவங்கியது.இக்கூட்டத்தில், கேரளா, சத்தீஸ்கர் உள்ளிட்ட பல மாநிலங்களின் நிதியமைச்சர்கள், ஜி.எஸ்.டி., அமல்படுத்தியதால் மாநிலங்களுக்கு வழங்கப்படும்

இழப்பீட்டை மேலும் ஐந்து ஆண்டுகளுக்கு நீட்டிக்கும்படி கோரிக்கை விடுத்தனர். ஜி.எஸ்.டி.,யில் செய்ய வேண்டிய சீர்திருத்தங்கள் குறித்தும் யோசனை தெரிவிக்கப்பட்டது. அவற்றில் ஒன்றாக, ஓட்டல்களில், தினம், 1,000 ரூபாய்க்கு குறைவான அறை வாடகைக்கு வழங்கப்பட்டு வரும் வரி விலக்கு சலுகையை ரத்து செய்து, 12 சதவீதம் வரி விதிக்கும் யோசனையை ஏற்பது என கூட்டத்தில் தீர்மானிக்கப்பட்டது.அதுபோல அட்டையில் அடைத்து விற்கப்படும் தயிர், லஸ்ஸி, கோதுமை மாவு உள்ளிட்டவற்றுக்கு, 5 சதவீதம் வரி விதிக்கும் பரிந்துரையையும் கவுன்சில் ஏற்றது. இது தவிர சில சேவைகளுக்கான வரி விலக்கை ரத்து செய்யவும், கூட்டத்தில் தீர்மானிக்கப்பட்டது.


latest tamil news



கொரோனா காரணமாக இக்கூட்டத்தில் பங்கேற்காத சத்தீஸ்கர் நிதியமைச்சர் டி.எஸ்.சிங் டியோ, கடிதம் ஒன்றை அனுப்பி வைத்தார். அக்கடிதத்தில் கூறப்பட்டுள்ளதாவது: ஜி.எஸ்.டி.,யால், சுரங்கம் மற்றும் தயாரிப்பு துறையைச் சேர்ந்த சத்தீஸ்கர் உள்ளிட்ட பல மாநிலங்களின் வரி வருவாய் சரிவடைந்துள்ளது. அதனால், மாநிலங்களுக்கு வழங்கும் ஜி.எஸ்.டி., இழப்பீட்டை, வரும் ஜூலை முதல் மேலும் ஐந்து ஆண்டுகளுக்கு நீட்டிக்க வேண்டும். அல்லது தற்போது வரி வருவாய் பகிர்வு விகிதத்தை மாற்ற வேண்டும்.

தற்போது, ஜி.எஸ்.டி., வருவாயில் சரிபாதியை மத்திய, மாநில அரசுகள் பகிர்ந்து கொள்கின்றன. இனி, மாநிலங்களுக்கு, 70 - 80 சதவீத வருவாயை வழங்க வேண்டும்.இவ்வாறு அதில் கூறப்பட்டுள்ளது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
29-ஜூன்-202220:00:00 IST Report Abuse
அப்புசாமி எல்லாத்துக்கு வரி உயர்வு. மக்களிடம் எப்பிடியெல்லாம் உருவ முடியுமோ உருவறாங்க. எல்.இ.டி பல்ப், மோட்டார், கிரைண்டர் நு வரியை ஒசத்தி வளர்ச்சின்னு மெடல் குத்திக்கறாங்க.
Rate this:
Cancel
Bhaskaran - Chennai,இந்தியா
29-ஜூன்-202211:12:13 IST Report Abuse
Bhaskaran கோவில்பட்டி தூத்துக்குடி போன்ற நகரங்களில் இரவில் தங்கும் விடுதிகள் உண்டு நல்ல ஆற்றுமணலில்பாய்தலையனை போட்டு போர்வை கொடுப்பார்கள்உடமைகளை பத்திரமாக வைத்துக்கொள்ளலாம் கழிவறைவசதி உண்டு முன்பு இரவு தங்குவதற்கு ஐந்து ரூபாய் வசூலிப்பார்கள் இப்போ இருக்கிறதா என்று தெரியவில்லை இரவு பேருந்தை தவறவிட்டவர்கள் .காய்கனி வாங்க வந்த வியாபாரிகள் தங்குவார்கள் .இப்போ அதெல்லாம் இருந்தால் அதற்கும்வரி போடுவார் நம் நிதியமைச்சர்
Rate this:
Sidhaarth - SENGOTTAI ,இந்தியா
29-ஜூன்-202213:22:50 IST Report Abuse
Sidhaarthநல்ல வேளை. வீட்டில் தங்க இன்னும் வரி போடவில்லை.நன்றி நிர்மலா மேடம்...
Rate this:
madhavan rajan - trichy,இந்தியா
29-ஜூன்-202213:58:27 IST Report Abuse
madhavan rajanஓ வீட்டில் தங்கவே காசு கொடுக்கும் ஆளா நீங்க? அந்த சேவையை காசு கொடுத்து அனுபவிக்காம இனிமே பெரிய வீட்டிலேயே தங்கிக்குங்க....
Rate this:
Sidhaarth - SENGOTTAI ,இந்தியா
29-ஜூன்-202219:27:09 IST Report Abuse
Sidhaarthஉங்க குடும்ப ரகசியத்தை வெளில சொல்லாதீங்க மிஸ்டர்...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X