பன்னீர்செல்வம் பதவியை பறிக்க 11ம் தேதி பொதுக்குழுவில் முடிவு?

Updated : ஜூலை 01, 2022 | Added : ஜூலை 01, 2022 | கருத்துகள் (5) | |
Advertisement
சென்னை : அ.தி.மு.க., பொதுக்குழுவில் பன்னீர்செல்வம் பதவியை பறிக்க திட்டமிட்டுள்ளதாக, தகவல் வெளியாகி உள்ளது.அ.தி.மு.க., பொதுக்குழுக் கூட்டம், ஜூன் 23ம் தேதி, சென்னை வானகரத்தில் உள்ள தனியார் திருமண மண்டபத்தில் நடந்தது. அதில், ஒருங்கிணைப்பாளர் என்ற முறையில் பன்னீர்செல்வம் ஒப்புதல் அளித்த தீர்மானங்கள் அனைத்தும் நிராகரிக்கப்பட்டன. அடுத்த பொதுக்குழு 11ம் தேதி நடக்கும் என,
ADMK,Panneerselvam,OPS, O Panneerselvam,அதிமுக,பன்னீர்செல்வம்

வாசிக்க நேரம் இல்லையா? செய்தியைக் கேளுங்கள் headphone

சென்னை : அ.தி.மு.க., பொதுக்குழுவில் பன்னீர்செல்வம் பதவியை பறிக்க திட்டமிட்டுள்ளதாக, தகவல் வெளியாகி உள்ளது.

அ.தி.மு.க., பொதுக்குழுக் கூட்டம், ஜூன் 23ம் தேதி, சென்னை வானகரத்தில் உள்ள தனியார் திருமண மண்டபத்தில் நடந்தது. அதில், ஒருங்கிணைப்பாளர் என்ற முறையில் பன்னீர்செல்வம் ஒப்புதல் அளித்த தீர்மானங்கள் அனைத்தும் நிராகரிக்கப்பட்டன. அடுத்த பொதுக்குழு 11ம் தேதி நடக்கும் என, அறிவிக்கப்பட்டது.

இக்கூட்டத்தை வேறு இடத்தில் நடத்த முடிவு செய்து, இடம் பார்த்தனர். இறுதியில் வானகரம் திருமண மண்டபத்திலேயே நடத்த, பழனிசாமி தரப்பினர் முடிவு செய்தனர். இந்த பொதுக்குழுவுக்கு தடை விதிக்கக் கோரி, பன்னீர்செல்வம் ஆதரவாளர்கள், நீதிமன்றம் சென்றுள்ளனர்.

இந்நிலையில், பொதுக்குழு ஏற்பாடுகளை, முன்னாள் அமைச்சர் பெஞ்சமின், நேற்று பூஜை போட்டு துவக்கி வைத்தார்.திருமண மண்டபம் உள்ளே பொதுக்குழுக் கூட்டத்தை நடத்தாமல், மண்டபத்திற்கு வெளியே, வாகனங்கள் நிறுத்தும் இடத்தில், பெரிய அளவில் பந்தல் அமைத்து கூட்டம் நடத்த முடிவு செய்துள்ளனர்.


latest tamil news



பந்தல் அமைக்கும் பணி துவக்கப்பட்டுள்ளது.பொதுக்குழு திட்டமிட்டபடி நடந்தால், பன்னீர்செல்வத்திடம் உள்ள கட்சிப் பதவிகள் பறிக்கப்படும் என தெரிகிறது.பொதுச்செயலர் பதவியை உருவாக்கி, தற்காலிக பொதுச்செயலராக பழனிசாமியை நியமிக்கவும் திட்டமிட்டுள்ளதாக தெரிகிறது.



பதவிக்கு போட்டி


பொதுக்குழுவில் பன்னீர்செல்வத்திடம் உள்ள பொருளாளர் பதவி பறிக்கப்பட்டால், அதை தனக்கு தர வேண்டும் என, மூத்த தலைவர்கள் பலர் வலியுறுத்தி உள்ளனர்.பொதுச்செயலர் பதவிக்கு அடுத்து பொருளாளர் பதவி அதிகாரம் மிகுந்தது என்பதாலும், அறக்கட்டளைகள் மற்றும் கட்சி வரவு செலவுகளை கவனிக்க வேண்டிய பணி என்பதாலும், அதற்கு போட்டி அதிகமாகி உள்ளது. இதை எப்படி சமாளிப்பது என, பழனிசாமி தடுமாறி வருவதாக கூறப்படுகிறது.


புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
raja - Cotonou,பெனின்
01-ஜூலை-202210:51:38 IST Report Abuse
raja சூப்பர்... இந்த எட்டப்பன் OPS திருட்டு திமுகவுக்கு அதிமுகாவை காட்டி கொடுத்ததால் அடிப்படை உறுப்பினர் என்ற பதவி முதல் கொண்டு எல்லாவற்றையும் பிடுங்க வேண்டும்....
Rate this:
Cancel
Nagercoil Suresh - India,இந்தியா
01-ஜூலை-202209:14:46 IST Report Abuse
Nagercoil Suresh புரட்சி தலைவி ஜெயலலிதாவால் முன்னிறுத்தப்பட்டவர் பன்னீர்செல்வம் அது மக்கள் மனதில் எப்போதும் உள்ளது, எத்தனை பழனிசாமி வந்தாலும் பன்னீர்செல்வத்தை கட்சிலிருந்து விரட்ட முடியாது, விரட்டுபவர்கள் ஒரு நாள் விரட்டப்படுவார்கள்..சசிகலா பன்னீர்செல்வத்தை முன்னிறுத்தி அரசியல் பயணத்தை தொடரவேண்டும அதுவே தற்போதய அராஜகங்களுக்கு முற்றுப்புள்ளி வைக்க வழிவகுக்கும். போன முறை அராஜக கூட்டத்தை நடத்தி தமிழகத்தில் கொரோனாவை பரப்பிவிட்டார்கள் அதேபோல் திரும்பவும் பரப்பிவிட்டு ஆளும்கட்சிக்கு எதிராக சூழ்ச்சி செய்ய திட்டமிடுகிறார்கள் ஆட்சியாளர்கள் உசாராக சுதாரித்துக்கொள்வது நல்லது...
Rate this:
Natchimuthu Chithiraisamy - TIRUPUR,இந்தியா
01-ஜூலை-202215:17:17 IST Report Abuse
Natchimuthu Chithiraisamyசட்டமன்ற தேர்தலில் கட்சி பணிசெய்யவில்லை. தன்னுடைய ஏரியா எம் எல் எ க்கள் இல்லை. சூழ்நிலையை புரிந்து கொண்டு அமைதியாகி இருக்கலாம்....
Rate this:
Cancel
HONDA -  ( Posted via: Dinamalar Android App )
01-ஜூலை-202208:20:48 IST Report Abuse
HONDA அண்ணண் எப்ப சாவான் திண்ணை எப்ப காலி ஆகும்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X