ஓங்கியது! பழனிசாமி கை.,

Updated : ஜூலை 12, 2022 | Added : ஜூலை 11, 2022 | கருத்துகள் (8) | |
Advertisement
சென்னை: சென்னை ஐகோர்ட் உத்தரவுப்படி காலையில் திட்டமிட்டபடி அதிமுக பொதுக்குழு, செயற்குழு கூடியது. இதில் எதிர்கட்சி தலைவர் பழனிசாமியை தற்காலிக பொதுச்செயலாளராக்குவது உள்ளிட்ட 16 தீர்மானங்கள் நிறைவேற்றப்பட்டது. ஆனால் கட்சியின் பொருளாளராக இருக்கும் பன்னீர் செல்வம் அதிமுக தலைமை அலுவலகத்தில் தனது ஆதரவாளர்களுடன் அங்கு முகாமிட்டுள்ளார். அ.தி.மு.க., அலுவலகத்தில்
 பன்னீர்செல்வம், அதிமுக, பொதுக்குழு, பழனிசாமி,

சென்னை: சென்னை ஐகோர்ட் உத்தரவுப்படி காலையில் திட்டமிட்டபடி அதிமுக பொதுக்குழு, செயற்குழு கூடியது. இதில் எதிர்கட்சி தலைவர் பழனிசாமியை தற்காலிக பொதுச்செயலாளராக்குவது உள்ளிட்ட 16 தீர்மானங்கள் நிறைவேற்றப்பட்டது. ஆனால் கட்சியின் பொருளாளராக இருக்கும் பன்னீர் செல்வம் அதிமுக தலைமை அலுவலகத்தில் தனது ஆதரவாளர்களுடன் அங்கு முகாமிட்டுள்ளார்.


அ.தி.மு.க., அலுவலகத்தில் பன்னீர்செல்வம்


இதற்கிடையில் பரபரப்பான சூழலில் கட்சியின் பொருளாளர் ஓ.பன்னீர்செல்வம் தனது ஆதரவாளர்களுடன் காலை 8 மணியளவில் புறப்பட்டு அ.தி.மு.க., அலுவலகம் சென்றார். இதனையடுத்து அங்கு பரபரப்பு ஏற்பட்டது. இதனையடுத்து கட்சி அலுவலகம் முன்பு இரு தரப்பினரும் மோதிக்கொண்டனர். பலர் காயமுற்றனர். மேலும் பழனிசாமி ஆதரவாளர்கள் அதிமுக அலுவலகம் நோக்கி படையெடுத்திருப்பதால் அப்பகுதியில் பதட்டம் நிலவுகிறது. கட்சி அலுவலகத்திற்குள் தற்போது பன்னீர்செல்வம் இருக்கிறார். இதனால் அங்கு பரபரப்பு நிலவுகிறது.



பழனிசாமிக்கு கோர்ட் சாதகம் !



இதற்கிடையில் இன்று காலை பொதுக்குழுவை நடத்தலாம் என 9 மணிக்கு தீர்ப்பு வழங்கப்பட்டது. சென்னை வானகரத்தில் பொதுக்குழுவில் பழனிசாமி ஒற்றைத்தலைமைக்கு மகுடம் சூட்டப்படும்.



இரு தரப்பினர் மோதல் !


காலையில் தீர்ப்பு வெளியாகும் முன்னதாக ஓ.பன்னீர்செல்வம் அவரது ஆதரவாளர்களுடன் வீட்டில் முக்கிய ஆலோசனை நடத்தினார். இதனையடுத்து அவர் தனது பிரசார வாகனத்தில் ராயப்பேட்டையில் உள்ள அதிமுக தலைமை அலுவலகம் நோக்கி புறப்பட்டார். இதனையடுத்து கட்சி அலுவலகத்தில் பலத்த பாதுகாப்பு போடப்பட்டது.


ஏற்கனவே அதிமுக அலுவலகத்தில் மாவட்ட செயலாளர் ஆதிராஜாராம் தலைமையில் தொண்டர்கள் குவிக்கப்பட்டிருந்தனர். பன்னீர்செல்வம் ஆதரவாளர்கள் அங்கு வந்த நிலையில் இரு தரப்பினரும் மோதிக்கொண்டனர். கம்பு மற்றும் கல் மூலம் தாக்கினர். இதில் இரு தரப்பினரும் சிலர் காயமுற்றதாக கூறப்படுகிறது.இதனால் பெரும் பதட்டம் நிலவுகிறது.



இதற்கிடையில் சென்னை வானகரத்தில் பழனிசாமி தலைமையில் முதல்கட்டமாக செயற்குழு கூடியது. கூட்டத்தில் எடப்பாடி பழனிசாமியை தற்காலிக பொதுச்செயலாளராக்க பரிந்துரைப்பது உள்ளிட்ட 16 தீர்மானங்கள் நிறைவேற்றப்பட்டது.



தீர்மானங்களை முன்மொழிந்தவர்கள்

நத்தம் விஸ்வநாதன் மொத்தமுள்ள 16 தீர்மானங்களில் முதல் 8 தீர்மானங்களை முன்மொழிந்து ஒப்புதல் பெற்றவர். ஆர் பி உதயகுமார். மீதமுள்ள 8 தீர்மானங்களை முன்மொழிந்து ஒப்புதல் பெற்றவர். ஓ எஸ் மணியன். கட்சியின் வரவு செலவு வாசித்து ஒப்புதல் பெற்றவர். புதுகை விஜயபாஸ்கர். ஓ பி எஸ் க்கு மாற்றாக சமுதாய ஓட்டு வங்கியை சமன் செய்ய இந்த மூன்று பேருமே முக்குலத்தோர் என்பது குறிப்பிடத்தக்கது.



பதிலுக்கு பதில் நீக்கம்


பொதுக்குழு கூட்டம் நடந்து கொண்டிருந்த நேரத்தில் ஓ.பன்னீர்செல்வத்தை நீக்கும் சிறப்பு தீர்மானம் கொண்டு வரப்பட்டது. இந்த கூட்டத்தில் ஓ. பன்னீர்செல்வம், வைத்தியலிங்கம், பிரபாகரன், மனோஜ்பாண்டியன் ஆகியோர் நீக்கப்படும் தீர்மானம் நிறைவேற்றப்பட்டது.



இந்த தகவல் குறித்து ஓ. பன்னீர்செல்வத்திடம் கேட்ட போது அவர் அளித்த பேட்டியில் கூறியதாவது:


நான் கழக சட்டப்படி ஒன்றரை கோடி தொண்டர்களால் தேர்ந்தெடுக்கப்பட்டேன். எடப்பாடி பழனிசாமிக்கோ, முனுசாமிக்கோ யாருக்கும் உரிமை இல்லை. இவர்களுக்கு கண்டனம் தெரிவித்ததுடன் என்னை கட்சியில் இருந்து நீக்குவதாக தன்னிச்சையாக அறிவித்ததை அடுத்து இவர்கள் இருவரையும் கழகத்தின் அடிப்படை உறுப்பினர் பதவியில் இருந்து நான் நீக்குகிறேன். கோர்ட்டில் வழக்கு நிலுவையில் இருப்பதால் மேலும் சட்டரீதியில் நான் போராடி வெற்றி பெறுவேன். இவ்வாறு அவர் கூறினார்.



அ.தி.மு.க., அலுவலகத்திற்கு சீல்

இந்த சூழலில் வருவாய் கோட்டாட்சியர்கள் சார் வர்த்தினி, ஜெகஜீவன்ராம் தலைமையில் தாசில்தார் மற்றும் அதிகாரிகள் அதிமுக அலுவலகத்திற்கு வந்தனர் . அங்கு இருந்த ஓ.பன்னீர்செல்வம் மற்றும் அவரது ஆதரவாளர்களை வெளியேறுமாறு அதிகாரிகள் கூறினர். தொடர்ந்து அலுவலக கதவுக்கு பூட்டு போட்டு சீல் வைத்தனர். சட்டப்பிரிவு 145 ன் படி அதிமுக தலைமையகத்திற்கு அதிகாரிகள் நோட்டீஸ் வழங்கினர். சட்டப்பிரிவு 146 ன் படி அலுவலகத்திற்கு சீல் வைக்கப்பட்டது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (8)

R.PERUMALRAJA - DUBAI,ஐக்கிய அரபு நாடுகள்
12-ஜூலை-202200:36:08 IST Report Abuse
R.PERUMALRAJA … ….
Rate this:
Cancel
N Annamalai - PUDUKKOTTAI,இந்தியா
11-ஜூலை-202215:38:03 IST Report Abuse
N Annamalai கட்சிக்கு சீல் வைத்தது போல் இருக்கிறது .
Rate this:
Cancel
Sampath Kumar - chennai,இந்தியா
11-ஜூலை-202214:50:50 IST Report Abuse
Sampath Kumar காமெடி இனி தான் ஆராம்பம்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X