இனி காலாண்டுக்கு ஒரு முறை வாக்காளர் பட்டியல் புதுப்பிப்பு

Updated : ஆக 02, 2022 | Added : ஆக 02, 2022 | கருத்துகள் (6) | |
Advertisement
சென்னை-'வாக்காளர் பட்டியல் இனி ஒவ்வொரு காலாண்டும் புதுப்பிக்கப்படும். ஓட்டுச்சாவடிகளை மறு சீரமைக்கும் பணி, நாளை மறுதினம் துவங்கி, அக்., 24 வரை நடக்கும். வாக்காளர் பட்டியல் திருத்தப் பணி நவம்பரில் நடக்கும்' என, தமிழகத் தலைமை தேர்தல் அதிகாரி சத்யபிரதா சாஹு தெரிவித்துள்ளார். அவர் வெளியிட்ட செய்திக்குறிப்பு:வாக்காளர் பட்டியலில், இளைஞர்கள் இடம் பெறுவதற்கான

வாசிக்க நேரம் இல்லையா? செய்தியைக் கேளுங்கள் headphone

சென்னை-'வாக்காளர் பட்டியல் இனி ஒவ்வொரு காலாண்டும் புதுப்பிக்கப்படும். ஓட்டுச்சாவடிகளை மறு சீரமைக்கும் பணி, நாளை மறுதினம் துவங்கி, அக்., 24 வரை நடக்கும். வாக்காளர் பட்டியல் திருத்தப் பணி நவம்பரில் நடக்கும்' என, தமிழகத் தலைமை தேர்தல் அதிகாரி சத்யபிரதா சாஹு தெரிவித்துள்ளார்.



latest tamil news


அவர் வெளியிட்ட செய்திக்குறிப்பு:வாக்காளர் பட்டியலில், இளைஞர்கள் இடம் பெறுவதற்கான வாய்ப்புகளை, அதிக அளவில் தேர்தல் கமிஷன் உருவாக்கி உள்ளது. பதிவு செய்வதற்கு ஆண்டுக்கு ஒருமுறை என்பது, ஜன.,1, ஏப்.,1, ஜூலை 1, அக்.,1 என, நான்கு முறை மாற்றப்பட்டுள்ளது. அதேபோல, 17 வயதுக்கு மேற்பட்ட இளைஞர்கள், முன் கூட்டியே விண்ணப்பிக்கும் வசதி ஏற்படுத்தப் பட்டுள்ளது. வாக்காளர் அடையாள அட்டையுடன், ஆதார் எண் சேகரிக்கப்பட உள்ளது.



தேர்தல் கமிஷன், வாக்காளர்பட்டியல் திருத்த படிவங்களை, வாக்காளர்களுக்கு ஏற்ற வகையில் மாற்றி அமைத்துள்ளது. இவை, https://eci.gov.in, https://www.elections.tn.gov.in என்ற இணையதளங்களில் உள்ளன.வாக்காளர்கள் ஆதார் எண் வழங்குவதற்கான, 'படிவம் - 6பி'யை பூர்த்தி செய்து, ஓட்டுச்சாவடி அலுவலரிடம் நேரடியாக அளிக்கலாம். அல்லது 'NVSP, VHA' போன்ற மொபைல் போன் செயலி வழியாகவும் சமர்ப்பிக்கலாம்.




latest tamil news

திருத்தப்பணி



ஓட்டுச் சாவடிகளை திருத்தி, மறு சீரமைக்கும் பணி, வரும் 4ம் தேதி துவங்கி, அக்., 24 வரை நடக்கும். ஒரே நபரின் ஒத்த பதிவுகள், ஒரே புகைப்படத்தின் ஒத்த பதிவுகள், வாக்காளர் புகைப்பட அடையாள அட்டையில் உள்ள முரண்பாடுகள் ஆகியவை நீக்கப்படும். வாக்காளர் பட்டியலில் உள்ள தரமற்ற படங்களை மாற்றி, தரமான புகைப்படங்கள் வைக்கப்படும்.அக்., 25 முதல் நவ., 7 வரை, வரைவு வாக்காளர் பட்டியல் தயாரிக்கப்படும். நவ., 9ல் வரைவு வாக்காளர் பட்டியல் வெளியிடப்படும். அன்று முதல் டிச., 8 வரை, வாக்காளர் பட்டியலில் பெயர் சேர்க்க, நீக்க, திருத்தம் செய்ய, முகவரி மாற்ற விண்ணப்பங்கள் பெறப்படும். சிறப்பு முகாம்களும் நடத்தப்படும். அடுத்த ஆண்டு ஜன., 5ல் இறுதி வாக்காளர் பட்டியல் வெளியிடப்படும்.இவ்வாறு சத்யபிரதா சாஹு தெரிவித்துள்ளார்.


புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (6)

ராம.ராசு - கரூர்,இந்தியா
02-ஆக-202213:57:05 IST Report Abuse
ராம.ராசு வாக்காளர் அடையாள அட்டையே தேவை இல்லை. 18 வயது உள்ள அனைவரும் கண்டிப்பாக ஆதார் அடையாள அட்டை வைத்து இருப்பார். தவிர வங்கிக் கணக்கு உட்பட அனைத்துக்கும் ஆதார் கட்டாயமாக்கப்பட்டுவிட்டது. அப்படி இருக்கையில் இன்னமும் எதற்காக வாக்காளர் அடையாள அட்டையை வலியுறுத்துகிறார்களோ தெரியவில்லை. ஆதார் அட்டையை வாக்கு செலுத்தவதற்க்குப் பயன்படுத்தினால் கள்ள ஒட்டுக்குகள் கூட இல்லாமல். அரசியல்வாதிகள், ஆட்சியாளர்கள் மாநாடு வைக்க வேண்டும். ஆண்டாண்டு காலமாக புழக்கத்தில் இருந்த பணத்தையே ஒரே இரவில் செல்லாக் காசாகிவிட முடிக்கிறதென்றால்... இது ஒன்றும் அவ்வளவு பெரிய காரியமல்ல. எந்த ஒரு அரசியல் கட்சியும் இதை வலியுறுத்துவது இல்லை என்பது ஆச்சரியம்தான்.
Rate this:
Cancel
duruvasar - indraprastham,இந்தியா
02-ஆக-202210:17:32 IST Report Abuse
duruvasar எந்த பட்டனை அழுத்தினாலும் உதய சூரியன் சின்னத்லயே ஓட்டு உழராமதிரி மசினை செட்டுப் செய்யெரீங்கலே. கடந்த மூன்று எலக்சனிலும் இதுதானே நடந்தது அய்யா. Of course 10 ஆண்டுகளுக்கு மேலாக போராடி திமுக இந்த வசதியை பெற்றது.
Rate this:
Cancel
GMM - KA,இந்தியா
02-ஆக-202207:29:17 IST Report Abuse
GMM வாக்காளர் எண், ஆதார் எண் இணைப்பு ஒருவருக்கு ஒரு வாக்கை உறுதி செய்யும். இட பெயர்வு காரணமாக முகவரி மாறக்கூடியது. வாக்காளர் அட்டை ஒரு ஊர் முகவரியில் இருக்கும். ஆதார் ஒரு ஊர் முகவரியில் இருக்கும். இரண்டையும் திருத்தம் செய்ய வேண்டும். பெயர் சேர்க்கும் போது, இறந்தவர் பெயர் நீக்கம் செய்ய வேண்டிய பொறுப்பு ஊராட்சிக்கு /நகராட்சிக்கு கொடுக்க வேண்டும். இந்திய குடிமகன் எண் கொடுத்து அதனையும் இணைக்க வேண்டும். வருமான வரி எண்ணையும் இணைக்கலாம். அந்த அட்டை தனி நிறத்தில் இருக்க வேண்டும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X