வெள்ள அபாய எச்சரிக்கைகிருஷ்ணகிரி கே.ஆர்.பி., அணைக்கு நீர்வரத்து அதிகரித்துள்ளதால், ஐந்து மாவட்ட மக்களுக்கு வெள்ள அபாய எச்சரிக்கை விடப்பட்டுள்ளது.தென்பெண்ணையாற்று நீர்பிடிப்பு பகுதிகளில் பெய்யும் மழை மற்றும் கெலவரப்பள்ளி அணையில் இருந்து நீர் திறப்பால், கிருஷ்ணகிரி கே.ஆர்.பி., அணைக்கு நீர்வரத்து அதிகரித்துள்ளது. அணைக்கு நேற்று காலை வினாடிக்கு, 3,048 கன அடி நீர் வரத்து உள்ளது; அணையிலிருந்து, 2,028 கன அடி தண்ணீர், தென்பெண்ணை ஆற்றில் திறக்கப்பட்டது.மதியம், 1:00 மணிக்கு, 6,300 கன அடியாக நீர்வரத்து அதிகரித்ததாலும், அணையின் மொத்த உயரமான, 52 அடியில், 50.80 அடியாக நீர்மட்டம் இருந்ததாலும், அணையின் பிரதான மூன்று மதகுகள் மற்றும் மூன்று சிறிய மதகு வழியாக, 8,150 கன அடி நீர் ஆற்றில் திறக்கப்பட்டது. தென்பெண்ணை ஆற்றில் வெள்ளம் பெருக்கெடுத்து ஓடியதால், அணை தரைப்பாலத்தை மூழ்கடித்தபடி தண்ணீர் செல்கிறது.இதனால், கிருஷ்ணகிரி, தர்மபுரி, விழுப்புரம், திருவண்ணாமலை, கடலுார் ஆகிய ஐந்து மாவட்டங்களில், தென்பெண்ணை ஆற்றின் கரையோரம் வசிக்கும் மக்களுக்கு வெள்ள அபாய எச்சரிக்கை விடப்பட்டுள்ளது. அணைக்கு நீர்வரத்து, மேலும் அதிகரிக்க வாய்ப்புள்ளதால், பொது மக்கள் ஆற்றில் குளிக்கவோ, ஆற்றை கடக்கவோ வேண்டாம் என, பொதுப்பணித் துறையினர் எச்சரித்துள்ளனர். மேலும், சுற்றுலாப் பயணியர் மற்றும் பொது மக்கள் அணைக்குள் வர தடை விதிக்கப்பட்டுள்ளது.

திருச்சி மாவட்டம், கல்லணை சாலையில் உள்ள உத்தமர்சீலி பகுதியில் உள்ள தரைப்பாலம் தண்ணீரில் மூழ்கியதால், அதன் வழியாக பெருக்கெடுக்கும் தண்ணீர், அருகில் உள்ள விவசாய நிலங்களுக்குள் புகுந்தது. காவிரி ஆற்றின் இடது கரை வழியாக பெருக்கெடுக்கும் தண்ணீர், 200 ஏக்கரில் பயிரிடப்பட்ட வாழைகளை சூழ்ந்துள்ளது.

நீர்வரத்து உயர்வுதென்மேற்கு பருவ மழை தீவிரம் அடைந்துள்ளதால், 53 தமிழக அணைகளுக்கு நீர்வரத்து கிடைத்து வருகிறது.நீர் வளத் துறை பராமரிப்பில் மாநிலம் முழுதும் 90 அணைகள் உள்ளன. இவற்றில் மேட்டூர், முல்லைப்பெரியாறு, பவானிசாகர், பரம்பிக்குளம் உள்ளிட்ட 15 அணைகள், அதிக கொள்ளளவு கொண்டவை. தற்போது, தென் மேற்கு பருவ மழை, தமிழகம் மட்டுமன்றி கேரளா, கர்நாடகா மாநிலங்களில் தீவிரம் அடைந்துள்ளது. இதனால், 53 அணைகளுக்கு நீர்வரத்து அதிகரித்துள்ளது.

டெல்டா மாவட்டங்களை மழை மிரட்டும் நிலையில், குறுவை பயிர்களுக்கு காப்பீடு செய்யாததால், சிக்கல் ஏற்பட்டுள்ளது.டெல்டா மாவட்டங்களில், குறுவை பருவ நெல் சாகுபடி நடந்து வருகிறது. இப்பருவத்தில், நான்கு லட்சம் ஏக்கருக்கு மேல் சாகுபடி நடக்கும் என எதிர்பார்க்கப்படுகிறது. இதற்காக, மேட்டூர் அணையில் இருந்து பாசனத்திற்கு மே 24 முதல் தண்ணீர் திறக்கப்பட்டு வருகிறது. மேட்டூர் அணையில் இருந்து வினாடிக்கு 1.48 லட்சம் கன அடி நீர் வந்து கொண்டு இருக்கிறது. இந்நிலையில், டெல்டா மாவட்டங்களில் இரண்டு நாட்களாக மழை பெய்து வருகிறது. அதிக மழை காரணமாக, குறுவை பருவ நெல் சாகுபடி பாதிக்கும் அபாயம் உள்ளது. பாதிக்கப்படும் பட்சத்தில் இழப்பீடு பெறும் வகையில் காப்பீடு செய்திருக்க வேண்டும். காப்பீட்டு நிறுவனங்களை வேளாண் துறையினர் தேர்வு செய்து அறிவிக்க தாமதம் ஆனது. காப்பீடு கால அவகாசம் ஜூலை 31ல் முடிந்து விட்டது. இந்நிலையில், பயிர் காப்பீடு செய்யும் நிறுவனங்களை தேர்வு செய்து, அரசு உத்தரவிட்டுள்ளது. பயிர்கள் பாதிக்கும் சூழல் இருப்பதால், காப்பீடு செய்வதற்கு நிறுவனங்கள் முன்வருமா எனற சந்தேகம் எழுந்துள்ளது. ***

டெல்டா மாவட்டங்களை மழை மிரட்டும் நிலையில், குறுவை பயிர்களுக்கு காப்பீடு செய்யாததால், சிக்கல் ஏற்பட்டுள்ளது.டெல்டா மாவட்டங்களில், குறுவை பருவ நெல் சாகுபடி நடந்து வருகிறது. இப்பருவத்தில், நான்கு லட்சம் ஏக்கருக்கு மேல் சாகுபடி நடக்கும் என எதிர்பார்க்கப்படுகிறது. இதற்காக, மேட்டூர் அணையில் இருந்து பாசனத்திற்கு மே 24 முதல் தண்ணீர் திறக்கப்பட்டு வருகிறது. மேட்டூர் அணையில் இருந்து வினாடிக்கு 1.48 லட்சம் கன அடி நீர் வந்து கொண்டு இருக்கிறது. இந்நிலையில், டெல்டா மாவட்டங்களில் இரண்டு நாட்களாக மழை பெய்து வருகிறது. அதிக மழை காரணமாக, குறுவை பருவ நெல் சாகுபடி பாதிக்கும் அபாயம் உள்ளது. பாதிக்கப்படும் பட்சத்தில் இழப்பீடு பெறும் வகையில் காப்பீடு செய்திருக்க வேண்டும். காப்பீட்டு நிறுவனங்களை வேளாண் துறையினர் தேர்வு செய்து அறிவிக்க தாமதம் ஆனது. காப்பீடு கால அவகாசம் ஜூலை 31ல் முடிந்து விட்டது. இந்நிலையில், பயிர் காப்பீடு செய்யும் நிறுவனங்களை தேர்வு செய்து, அரசு உத்தரவிட்டுள்ளது. பயிர்கள் பாதிக்கும் சூழல் இருப்பதால், காப்பீடு செய்வதற்கு நிறுவனங்கள் முன்வருமா எனற சந்தேகம் எழுந்துள்ளது. ***