வாலிபர் குத்திக்கொலை: 6 பேர் கொண்ட கும்பல் வெறிச்செயல்

Added : ஆக 05, 2022 | கருத்துகள் (5) | |
Advertisement
பெரம்பலூர்: பெரம்பலூரில், வாலிபரை ஓட, ஓட விரட்டி சென்று கத்தியால் குத்திக்கொலை செய்த 6 பேர் கொண்ட கும்பலை, பெரம்பலூர் போலீசார் தேடி வருகின்றனர்.பெரம்பலூர், தேவேந்திரகுலத் தெருவை சேர்ந்தவர் கோபால் மகன் வினோத்,28, இவர் பெரம்பலூரில் ஒரு செல்போன் கடையில் வேலை பார்த்து வந்தார். இவரும், இவரது நண்பரான பாரதியார் தெருவை சேர்ந்த துரை மகன் டிரைவரான கார்த்திக்,25, என்பவரும் நேற்று
வாலிபர் குத்திக்கொலை: 6 பேர் கொண்ட கும்பல் வெறிச்செயல்

பெரம்பலூர்: பெரம்பலூரில், வாலிபரை ஓட, ஓட விரட்டி சென்று கத்தியால் குத்திக்கொலை செய்த 6 பேர் கொண்ட கும்பலை, பெரம்பலூர் போலீசார் தேடி வருகின்றனர்.

பெரம்பலூர், தேவேந்திரகுலத் தெருவை சேர்ந்தவர் கோபால் மகன் வினோத்,28, இவர் பெரம்பலூரில் ஒரு செல்போன் கடையில் வேலை பார்த்து வந்தார். இவரும், இவரது நண்பரான பாரதியார் தெருவை சேர்ந்த துரை மகன் டிரைவரான கார்த்திக்,25, என்பவரும் நேற்று முன்தினம் இரவு தோமினிக் பெண்கள் மேல்நிலைப்பள்ளி எதிரே நின்று பேசிக்கொண்டிருந்தனர். அப்போது அங்கு டூவீலர்களில் வந்த 6 பேர் கொண்ட மர்ம கும்பல், வினோத்தையும், கார்த்திக்கையும் கத்தியால் குத்தினர். இதனால் வினோத்தும், கார்த்திக்கும் படுகாயங்களுடன் தப்பியோடினர்.

ஆனால் மர்ம கும்பல் அவர்களை விடாமல் பின்தொடர்ந்து விரட்டினர். இதில், கார்த்திக் அந்தப்பகுதியில் உள்ள தெருக்களில் ஓடி தப்பிவிட்டார். ஆனால், வினோத் தோமினிக் பெண்கள் பள்ளியை கடந்து ஓடியபோது, சுற்றி வளைத்த மர்ம கும்பல் வினோத்தை சரமாரியாக கத்தியால் குத்தி விட்டு அங்கிருந்து டூவீலர்களில் தப்பியோடி விட்டது. இதில், படுகாயமடைந்த வினோத் ரத்த வெள்ளத்தில் சம்பவ இடத்திலேயே பரிதாபமாக இறந்தார்.

இதையடுத்து ரத்த வெள்ளத்தில் உயிருக்கு போராடி கொண்டிருந்த கார்த்திக்கை அப்பகுதி மக்கள் மீட்டு பெரம்பலூர் அரசு மருத்துவமனைக்கு சிகிச்சைக்காக அனுப்பி வைத்தனர். இதுகுறித்து, பெரம்பலூர் போலீசார் வழக்கு பதிந்து, மர்ம கும்பலை தேடி வருகின்றனர். முன்விரோதம் காரணமாக இந்த கொலை நடந்துள்ளதாக போலீசின் முதல் கட்ட விசாரணையில் தெரிய வந்துள்ளது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement


வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Vena Suna - Coimbatore,இந்தியா
05-ஆக-202219:37:36 IST Report Abuse
Vena Suna சட்டம் ஒழுங்கு அருமையாக உள்ளது இந்த அரசில். பிரமாதம்.
Rate this:
Cancel
ANANDAKANNAN K - TIRUPPUR,இந்தியா
05-ஆக-202217:21:34 IST Report Abuse
ANANDAKANNAN K இருபத்தியெட்டு வயசு வாலிபர் கொலை, காரணம் முன் விரோதம், இந்த வயதில் ஒழுங்காக படித்து ஒரு நல்ல தொழில் தொடக்கி அல்லது வேலைக்கு போகவேண்டியது தானே, எதற்கு பெண்கள் படிக்கும் பள்ளி முன்ன நிற்கணும், இது பிடிக்காம தான் இந்த கொலை நடந்து இருக்கணும், ஒழுங்கா வேலைக்கு போனால் உயிர் போகுமா, இதை அப்பா அம்மா தான் கண்டிக்க முடியும், இளையவயதினர் கொஞ்சம் மன கட்டுப்பாடுடன் செயல்பட வேண்டும், நீங்கள் பேசுவது கூட எரிச்சல் ஏற்படுத்தும் வகையில் சிலர் பேசுகிறார்கள் இதும் அடிதடியில் முடிகிறது, ஒன்றை நாம் பொதுவாக வாழ்க்கையில் ஏற்றாக வேண்டும் , முதலில் நல்ல வேலை,வருமானம்,நல்ல உடல் ஆரோக்கியம்,காதல்,திருமணம்,குழந்தை, இதுதான் சாதாரண மனிதன் பின்பற்ற கூடியவை.ஒரு வாழ்க்கை தான் உள்ளது எதுக்கு துடி துடித்து சாகனும், இருக்கும் காலம் உள்ளவரை வாழ்க்கையை ரசித்து ருசித்து வாழலாமே, தினமும் இறைவனை வணங்கி அம்மா அப்பாவை வணங்கி மனையின் அன்பை பெற்று, குழந்தைகளின் கொஞ்சி விளையாடி பாருங்கள் அப்பறம் பாருங்கள் உங்கள் வாழ்க்கை இனிக்கும், நல்ல அப்பா அம்மா கிடைக்க வில்லை எனில் உங்களுக்கு நல்ல மனைவி அவர்கள் ரூபத்தில் வருவார்கள், நல்ல மனைவி கிடைக்க வில்லை என்றால் நல்ல குழந்தைகள் கிடைப்பார்கள்,நல்ல குழந்தை கிடைக்க வில்லை என்றால் அவர்கள் மூலம் நல்ல மருமகன் நல்ல மருமகள் கிடைப்பார்கள், இது தான் வாழ்க்கை, எதையும் சகித்து கொண்டு வாழவேண்டியது இல்லை அல்லது கலவரம் மற்றும் போராட்டம் செய்து வாழ வேண்டிய கட்டாயம் இல்லை, அதற்க்கு பதில் எதையும் கடந்துபோய் வாழ பார்க்க வேண்டும்.
Rate this:
Cancel
சீனி - Bangalore,இந்தியா
05-ஆக-202215:33:01 IST Report Abuse
சீனி அரசியல் கட்சிகளை நம்பி தமிழகத்தில் ஜாதிக்கொலைகள் அதிகமாகிவிட்டன. ஜாதிக்கொலைகளுக்கும் தீவிரவாத தடைச்சட்டம், மாதிரி கடுமையான சட்டம் கொண்டுவரவேண்டும் வரவேண்டும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X