செஸ் ஒலிம்பியாட் விளம்பரம்; ஆவினில் மீண்டும் ஒரு முறைகேடு

Added : ஆக 06, 2022 | |
Advertisement
மதுரை : 'ஆவின் பால் பாக்கெட்டில் செஸ் ஒலிம்பியாட் போட்டி விளம்பரம் அச்சிடப்பட்டதில் ரூ. ஒரு கோடிக்கு மேல் முறைகேடு நடந்துள்ளது' என தமிழ்நாடு பால் முகவர்கள் தொழிலாளர்கள் நலச்சங்கம் குற்றம் சாட்டியுள்ளது.அதன் தலைவர் பொன்னுச்சாமி தெரிவித்துள்ளதாவது: ஆவின் பால் பாக்கெட்டில் செஸ் ஒலிம்பியாட் போட்டி விளம்பரம் அச்சிடப்பட்ட பாலிதீன் கவர் கொள்முதல் செய்ய முறையான


மதுரை : 'ஆவின் பால் பாக்கெட்டில் செஸ் ஒலிம்பியாட் போட்டி விளம்பரம் அச்சிடப்பட்டதில் ரூ. ஒரு கோடிக்கு மேல் முறைகேடு நடந்துள்ளது' என தமிழ்நாடு பால் முகவர்கள் தொழிலாளர்கள் நலச்சங்கம் குற்றம் சாட்டியுள்ளது.அதன் தலைவர் பொன்னுச்சாமி தெரிவித்துள்ளதாவது:

ஆவின் பால் பாக்கெட்டில் செஸ் ஒலிம்பியாட் போட்டி விளம்பரம் அச்சிடப்பட்ட பாலிதீன் கவர் கொள்முதல் செய்ய முறையான டெண்டர் விடப்படவில்லை. ஏற்கனவே ஆவின் சார்பில் பாலிதீன் கவர் கொள்முதல் செய்யப்படும் நிறுவனத்தை தவிர்த்து ஒரு கிலோவிற்கு ரூ.30 அதிகம் விலை கொடுத்து ஒரு குறிப்பிட்ட நிறுவனத்திடம் கொள்முதல் செய்யப்பட்டுள்ளது. இவ்வகையில் ஆவினில் ரூ.1 கோடிக்கு மேல் மோசடி நடந்துள்ள தகவல் வெளியாகியுள்ளது.

ஏற்கனவே ஆவின் பால் பாக்கெட்டில் அளவை குறைத்து விநியோகம் செய்யப்பட்ட அதிர்ச்சியில் இருந்து மக்கள் மீள்வதற்குள் சர்வதேச செஸ் போட்டியை வைத்து நடந்துள்ள முறைகேடும் கூடுதல் அதிர்ச்சி அடைய வைத்துள்ளது. டெண்டர் விடாமல் ஆர்டர் கொடுக்க ஆவின் அதிகாரிகளை துாண்டியது யார், எத்தனை டன் பாலிதீன் கவர் கொள்முதல் செய்யப்பட்டது,

ஆவினுக்கு ஏற்பட்ட இழப்பு எவ்வளவு என்பது தொடர்பாக அரசு வெள்ளை அறிக்கை வெளியிட வேண்டும். அத்துடன் சம்பந்தப்பட்ட அதிகாரிகள் மீது கடும் நடவடிக்கை எடுத்து ஆவினுக்கு ஏற்பட்ட இழப்பீட்டை அவர்களிடம் வசூலிக்க வேண்டும்.இவ்வாறு தெரிவித்துள்ளார்.


புதிய செய்திகளுக்கு தினமலர் சேனலை Subscribe செய்யுங்கள்
Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X