அனைத்து குடும்பங்களுக்கும் விரைவில் சுகாதார அட்டை| Dinamalar

'அனைத்து குடும்பங்களுக்கும் விரைவில் சுகாதார அட்டை'

Added : ஆக 08, 2022 | |
சென்னை : ''தமிழகத்தில் அனைத்து குடும்பங்களுக்கும், விரைவில் குடும்ப சுகாதார அட்டை வழங்கப்பட உள்ளது,'' என, மக்கள் நல்வாழ்வுத் துறை அமைச்சர் மா.சுப்பிரமணியன் கூறினார்.அவரது பேட்டி:தமிழகம் முழுதும் அனைத்து குடும்பங்களுக்கும், குடும்ப சுகாதார அட்டை வழங்கும் திட்டம் செயல்படுத்தப்படுகிறது. மக்களை தேடி மருத்துவம் திட்டத்தின் ஒரு பகுதியாக, இது
'அனைத்து குடும்பங்களுக்கும்  விரைவில் சுகாதார அட்டை'



சென்னை : ''தமிழகத்தில் அனைத்து குடும்பங்களுக்கும், விரைவில் குடும்ப சுகாதார அட்டை வழங்கப்பட உள்ளது,'' என, மக்கள் நல்வாழ்வுத் துறை அமைச்சர் மா.சுப்பிரமணியன் கூறினார்.



அவரது பேட்டி:தமிழகம் முழுதும் அனைத்து குடும்பங்களுக்கும், குடும்ப சுகாதார அட்டை வழங்கும் திட்டம் செயல்படுத்தப்படுகிறது. மக்களை தேடி மருத்துவம் திட்டத்தின் ஒரு பகுதியாக, இது செயல்படுத்தப்படும்.இந்த அட்டையில், குடும்ப உறுப்பினர்களின் பெயர், வயது, தொழில், மருத்துவ குறிப்புகள் இடம் பெற்று இருக்கும். இத்திட்டத்தின் கீழ், வீடுகளுக்கே நேரில் சென்று, சர்க்கரை மற்றும் ரத்த அழுத்த பரிசோதனை செய்யப்பட்டு, உரிய சிகிச்சையும் அளிக்கப்படும்.



சென்னை மாநகராட்சி பகுதியில், சில குடும்பங்களுக்கு இந்த அட்டைகள் வழங்கப்பட்டுள்ளன. தொலை துாரங்களில் உள்ள கிராம பகுதிகள், மலைப் பகுதிகள், மிகவும் பின்தங்கிய பகுதிகளில் தீவிர கவனம் செலுத்தியதால், சென்னையில் இந்த திட்டம் சற்று தாமதமாக துவக்கப்பட்டு உள்ளது. அனைத்து குடும்பங்களுக்கும் விரைவில் வழங்கப்பட்டு விடும்.மாநிலம் முழுதும், 5 கோடியே 98 லட்சம் பெரியவர்கள் உள்ளனர்.



அவர்களில், 4 கோடியே 48 லட்சம் பேர், கடந்த ஓராண்டில் பரிசோதிக்கப்பட்டு உள்ளனர். இதில், 33 லட்சம் பேர், உயர் ரத்த அழுத்தம்; 23 லட்சம் பேர் சர்க்கரை நோயால் பாதிக்கப்பட்டுள்ளனர்.மேலும் ரத்த அழுத்தம், சர்க்கரை வியாதி ஆகிய இரண்டும், 16 லட்சம் பேருக்கு இருக்கிறது. சென்னையில் இதுவரை, 17 லட்சம் பேர் பரிசோதிக்கப்பட்டு உள்ளனர்.



அவர்களில், ஒரு லட்சத்து 90 ஆயிரம் பேர், உயர் ரத்த அழுத்த பிரச்னையாலும், ஒரு லட்சத்து 5,௦௦௦ பேர் சர்க்கரை வியாதியாலும் பாதிக்கப்பட்டு உள்ளனர்.இவர்கள் அனைவருக்கும் சுகாதார பணியாளர்கள் வீடு வீடாக சென்று, மருந்துகள் வழங்கி வருகின்றனர். இதுவரை, 83 லட்சம் மருந்துகள் வினியோகிக்கப்பட்டு உள்ளன.இவ்வாறு அவர் கூறினார்.


புதிய செய்திகளுக்கு தினமலர் சேனலை Subscribe செய்யுங்கள்
Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X