ஏற்றுமதி இறக்குமதிக்கு இடையேயான பற்றாக்குறை ஜிடிபியில் 3% இருக்குமாம்!| Dinamalar

ஏற்றுமதி இறக்குமதிக்கு இடையேயான பற்றாக்குறை ஜிடிபியில் 3% இருக்குமாம்!

Updated : செப் 17, 2022 | Added : செப் 17, 2022 | |
இந்தியா வெளிநாடுகளுக்கு ஏற்றுமதி செய்யும் பொருட்கள் மற்றும் சேவைகளை விட இறக்குமதி செய்யும் அளவானது ஜிடிபியில் 3 சதவீத பற்றாக்குறைக்குள் இருக்கும் என ரிசர்வ் வங்கி எதிர்பார்க்கிறது.ஒரு நாட்டின் வர்த்தக மதிப்பை அளவிடும் முறையாக நடப்பு கணக்கு பற்றாக்குறை பயன்படுத்தப்படுகிறது. ஏற்றுமதியை விட இறக்குமதி மதிப்பு அதிகமாக இருப்பதை இவ்வாறு குறிப்பிடுவர். இந்நிலையில்
Current Account Deficit,  RBI, GDP, ரிசர்வ் வங்கி, ஜிடிபி, Exports, Imports,ஏற்றுமதி, இறக்குமதி,

இந்தியா வெளிநாடுகளுக்கு ஏற்றுமதி செய்யும் பொருட்கள் மற்றும் சேவைகளை விட இறக்குமதி செய்யும் அளவானது ஜிடிபியில் 3 சதவீத பற்றாக்குறைக்குள் இருக்கும் என ரிசர்வ் வங்கி எதிர்பார்க்கிறது.

ஒரு நாட்டின் வர்த்தக மதிப்பை அளவிடும் முறையாக நடப்பு கணக்கு பற்றாக்குறை பயன்படுத்தப்படுகிறது. ஏற்றுமதியை விட இறக்குமதி மதிப்பு அதிகமாக இருப்பதை இவ்வாறு குறிப்பிடுவர். இந்நிலையில் மத்திய ரிசர்வ் வங்கி செப்டம்பர் மாத செய்தி குறிப்பினை வெளியிட்டுள்ளது. அதில், நடப்புக் கணக்குப் பற்றாக்குறை மொத்த உள்நாட்டு உற்பத்தியில் 3 சதவீதத்திற்குள் இருக்கும் என்று எதிர்பார்ப்பதாக தெரிவித்துள்ளது. ஏற்றுமதி அதிகரித்திருப்பது, வெளிநாட்டு முதலீட்டாளர்கள் மீண்டும் இந்தியாவில் முதலீடு செய்வது, உலகளாவிய அளவில் எரிபொருள், உணவு மற்றும் உரங்களின் விலைகள் குறைந்திருப்பதால் பற்றாக்குறையை சமாளிக்கக் கூடிய அளவு உள்ளது என்கின்றனர்.


latest tamil news


விலைவாசியை பொறுத்தவரை ஏற்றத்திலேயே உள்ளது என அறிக்கையில் சுட்டிக்காட்டியுள்ளனர். அதன் விளைவுகளை கட்டுப்படுத்தவும், பணவீக்க எதிர்பார்ப்புகளை உறுதியாக நிலைநிறுத்தவும் நிதிக் கொள்கை அவசியம் என கூறியுள்ளது. குறைந்த கால அளவில் பணவீக்கம் ஏற்ற இறக்கமாகவே இருக்கும் என ரிசர்வ் வங்கி எதிர்பார்க்கிறது. அக்டோபரிலிருந்து இது மிதமானதாக மாற வேண்டும். 2023 ஜனவரி - மார்ச் காலாண்டில் ரிசர்வ் வங்கியின் ஏற்றுக்கொள்ளக் கூடிய பணவீக்க அளவான 2 - 6 சதவீதத்திற்குள் செல்ல வேண்டும். ரிசர்வ் வங்கி வட்டி விகிதத்தை இதுவரை 1.4% உயர்த்தியுள்ளது. அடுத்த வட்டி விகித மதிப்பாய்வை செப்டம்பர் 30 அன்று நடத்த திட்டமிட்டுள்ளது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X