'யூ டியூப்' பார்த்து நாட்டு வெடிகுண்டு தயாரிப்பு: புதுச்சேரியில் சிறுவன் கைது

Updated : செப் 26, 2022 | Added : செப் 26, 2022 | கருத்துகள் (15) | |
Advertisement
புதுச்சேரி: 'யூ டியூப்' பார்த்து நாட்டு வெடிகுண்டு தயாரித்து புதுச்சேரி வியாபாரி வீட்டில் வீசிய வழக்கில், சிறுவனை போலீசார் கைது செய்தனர்.புதுச்சேரி, லாஸ்பேட்டை, பாரதிதாசன் வீதியை சேர்ந்தவர் பரமசிவம்,50; சண்டே மார்க்கெட் வியாபாரி. இவருக்கு, மனைவி மற்றும் இரு மகன்கள் உள்ளனர்.கடந்த ஜூலை 20ம் தேதி, இவரது வீட்டின் மீது நாட்டு வெடிகுண்டு வீசப்பட்டது. லாஸ்பேட்டை

வாசிக்க நேரம் இல்லையா? செய்தியைக் கேளுங்கள் headphone

புதுச்சேரி: 'யூ டியூப்' பார்த்து நாட்டு வெடிகுண்டு தயாரித்து புதுச்சேரி வியாபாரி வீட்டில் வீசிய வழக்கில், சிறுவனை போலீசார் கைது செய்தனர்.



latest tamil news




புதுச்சேரி, லாஸ்பேட்டை, பாரதிதாசன் வீதியை சேர்ந்தவர் பரமசிவம்,50; சண்டே மார்க்கெட் வியாபாரி. இவருக்கு, மனைவி மற்றும் இரு மகன்கள் உள்ளனர்.கடந்த ஜூலை 20ம் தேதி, இவரது வீட்டின் மீது நாட்டு வெடிகுண்டு வீசப்பட்டது. லாஸ்பேட்டை இன்ஸ்பெக்டர் செந்தில்குமார் தலைமையிலான போலீசார் வழக்குப் பதிந்து விசாரித்தனர்.அதில், பரமசிவத்தின் 2வது மகன் விக்கிக்கும், அதே பகுதியை சேர்ந்த அவரது நண்பர் ஒருவருக்கும் முன்விரோதம் இருந்தது தெரிய வந்தது.

இதனடிப்படையிலும், அப்பகுதியில் உள்ள சி.சி.டி.வி., கேமரா பதிவுகளை கைப்பற்றி போலீசார் விசாரித்தனர். லாஸ்பேட்டை, நெருப்புக்குழி, ராமதாஸ் தெருவை சேர்ந்த 17 வயது சிறுவன் நாட்டு வெடிகுண்டு வீசியது தெரியவந்தது. நேற்று முன்தினம் அச்சிறுவனை கைது செய்து, விசாரித்தனர்.

அதில், பரமசிவம் மகன் விக்கியும், இந்த சிறுவனும் நண்பர்களாக பழகியுள்ளனர். சிறுவனின் தாய் அப்பகுதியில் கட்டட வேலைக்கு செல்வது வழக்கம். அங்கு, கட்டட கான்ட்ராக்டர் ஒருவருக்கும், சிறுவனின் தாய்க்கும் தவறான உறவு இருப்பதாக, விக்கி தனது நண்பர்களிடம் கூறியுள்ளார். இதையறிந்த சிறுவன், விக்கியை தட்டிக் கேட்டார். பின்னர், அவரை மிரட்ட முடிவு செய்து, நாட்டு வெடிகுண்டை சிறுவன் தயாரித்து பரமசிவம் வீட்டு மீது வீசியது தெரியவந்தது.அதை தொடர்ந்து சிறுவன், சீர்திருத்த பள்ளியில் ஒப்படைக்கப் பட்டார்.பரமசிவம் வீடு அமைந்துள்ள பகுதியில் காங்., எம்.எல்.ஏ., வைத்திய நாதன் வீடு உள்ளது குறிப்பிடத்தக்கது.


latest tamil news





'யூ டியூப்' பார்த்து



வெடிகுண்டு தயாரிப்புசண்டே மார்க்கெட் வியாபாரி மகன் விக்கியை பழிவாங்க நினைத்த சிறுவன், தனது மொபைல் போன் 'யூ டியூப்' பில் வெடிகுண்டு தயாரிப்பது எப்படி என பார்த்துள்ளார்.வீட்டில் கடந்தாண்டு தீபாவளியின் போது வாங்கிய பட்டாசுகள் மற்றும் அரியாங்குப்பத்தில் இருந்து வெடி மருந்துகளை அவர் வாங்கியுள்ளார். பின், லாஸ்பேட்டை ஹெலிபேடு மைதானத்தில் நாட்டு வெடிகுண்டை தயார் செய்து எடுத்துச் சென்றது, போலீசார் விசாரணையில் தெரிய வந்துள்ளது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (15)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
sankaseshan - mumbai,இந்தியா
26-செப்-202222:28:18 IST Report Abuse
sankaseshan வெடிகுண்டு தயாரிப்பு குடிசைதொழில் ஆகிவிட்டதுக்கு நாட்டில்
Rate this:
Cancel
Vijay D Ratnam - Chennai,இந்தியா
26-செப்-202221:29:57 IST Report Abuse
Vijay D Ratnam சுய தொழில் செய்யலாம் என்று நினைத்திருப்பான் தம்பி. விட்டிருந்தா சண்டே மார்க்கெட்டில் வைத்து சேல்ஸ் தொடங்கி இருப்பான்
Rate this:
Cancel
Srinivasan Krishnamoorthi - CHENNAI,இந்தியா
26-செப்-202219:04:21 IST Report Abuse
Srinivasan Krishnamoorthi சட்ட விரோத நடவடிக்கைகள் யு-டியூபில் தடை செய்ய வேண்டும். வீடியோ பதிவிட்டவரை குற்றம் செய்தவராக கருதி தண்டனை வழங்கினால் இது போல் பெருமைக்கு வீடியோ போட மாட்டார்கள்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X