குடியிருப்பு பகுதியில் விஷப்பூச்சிகளால் மக்கள் அச்சம்

Added : செப் 29, 2022 | |
Advertisement
பிரச்னைக்கு தீர்வில்லைவால்பாறை அடுத்துள்ள, சிறுகுன்றா எஸ்டேட் பகுதியில் உள்ள மின் கம்பம், பழுதடைந்து சாய்ந்து விழும் நிலையில் உள்ளது. புதிய கம்பம் பொருத்த வலியுறுத்தி பலமுறை புகாரளித்தும் இதுவரை எந்த நடவடிக்கையும் எடுக்கவில்லை.- மகேஷ், சிறுகுன்றா.ஒளிராத தெருவிளக்குகள்வால்பாறை கோ -- ஆப்ரேட்டிவ் காலனியில் பெரும்பாலான தெருவிளக்குகள் இரவு நேரத்தில்
குடியிருப்பு பகுதியில் விஷப்பூச்சிகளால் மக்கள் அச்சம்




பிரச்னைக்கு தீர்வில்லை



வால்பாறை அடுத்துள்ள, சிறுகுன்றா எஸ்டேட் பகுதியில் உள்ள மின் கம்பம், பழுதடைந்து சாய்ந்து விழும் நிலையில் உள்ளது. புதிய கம்பம் பொருத்த வலியுறுத்தி பலமுறை புகாரளித்தும் இதுவரை எந்த நடவடிக்கையும் எடுக்கவில்லை.- மகேஷ், சிறுகுன்றா.


ஒளிராத தெருவிளக்குகள்


வால்பாறை கோ -- ஆப்ரேட்டிவ் காலனியில் பெரும்பாலான தெருவிளக்குகள் இரவு நேரத்தில் ஒளிருவதில்லை. இதனால், மக்கள் இரவு நேரத்தில் அவதிப்படுகின்றனர். நகராட்சி அதிகாரிகள் உரிய நடவடிக்கை எடுக்க வேண்டும்.- மாயா, வால்பாறை.


மருத்துவ உதவி கிடைக்கல


பொள்ளாச்சி, கொங்கலப்பம்பாளையம் பகுதியில், மக்களைத்தேடி மருத்துவம் திட்டம் முறையாக செயல்படுத்தப்படாமல் உள்ளதால், மக்கள் கடுமையாக பாதிக்கின்றனர். மக்களைத்தேடி மருத்துவம் திட்டத்தை முறையாக செயல்படுத்த வேண்டும்.- பாலசுப்ரமணியம்,

கொங்கலப்பம்பாளையம்.


சுத்தம் செய்யணும்!


பொள்ளாச்சி, அண்ணா அவென்யூ, 9வது வார்டு பகுதியில், பாதாள சாக்கடைக்காக தோண்டப்பட்ட, மண், கற்கள் ரோட்டிலேயே குவிக்கப்பட்டுள்ளது. இதனால், வாகனங்கள் செல்ல இடையூறு ஏற்படுகிறது. கழிவை அகற்ற நடவடிக்கை எடுக்க வேண்டும்.- மாணிக்கம், பொள்ளாச்சி.


சிதிலமடைந்த ரோடு


பொள்ளாச்சி, சோமந்துறைசித்துார் - ஆனைமலை ரோட்டில், பெத்தநாயக்கனுார் பிரிவு அருகே, ரோடு சிதிலமடைந்து குண்டும் குழியுமாக உள்ளதால், வாகன ஓட்டுனர்கள் விபத்துக்கு உள்ளாகின்றனர். ரோட்டிலுள்ள குழியை சீரமைக்க அதிகாரிகள் நடவடிக்கை எடுக்க வேண்டும்.- கதிர்வேல், சோமந்துறை.


ஆக்கிரமிப்பு அதிகம்


வால்பாறை புதிய பஸ் ஸ்டாண்ட் அருகே உள்ள பாலத்தை ஆக்கிரமித்து வாகனங்கள் நிறுத்தப்படுவதால், அடிக்கடி போக்குவரத்து பாதிப்பு ஏற்படுகிறது. ஆக்கிரமித்து வாகனங்கள் நிறுத்துவோருக்கு அபராதம் விதித்து, அத்துமீறலை கட்டுப்படுத்த போலீசார் நடவடிக்கை எடுக்க வேண்டும்.- நவீன், வால்பாறை.


நிழற்கூரை வேண்டும்


ஆனைமலை மாசாணியம்மன் கோவில் அருகே, நிழற்கூரை கட்டப்படாமல் உள்ளதால், பக்தர்கள் வெயில், மழையில், கடும் சிரமத்துக்கு இடையே பஸ் வசதி பெறுகின்றனர். அங்கு நிழற்கூரை கட்டுவதற்கு நடவடிக்கை எடுக்க வேண்டும்.- நிர்மல், ஆனைமலை.


புதர் அகற்ற வேண்டும்


பொள்ளாச்சி - பல்லடம் ரோடு, பி.கே.ஆர்., லே - அவுட் பகுதியில், புதர் சூழந்துள்ளதால், பாம்பு, தேள் உள்ளிட்ட விஷப்பூச்சிகள் குடியிருப்பு பகுதியில் சுற்றுகின்றன. இதனால், மக்களின் பாதுகாப்பு கேள்விக்குறியாகி உள்ளது. புதர் அகற்றி சுத்தம் செய்ய வேண்டும்.- முகேஸ், பொள்ளாச்சி.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X