ஊட்டி:நீலகிரி தோட்டக்கலை பண்ணையில் விவசாயிகளுக்கு வழங்க, 25 டன் விதை கிழங்கு உற்பத்தி செய்யப்பட்டுள்ளது.
நீலகிரி மாவட்டத்தில் தேயிலைக்கு அடுத்தப்படியாக மலை காய்கறி அதிகளவில் பயிரிடப்படுகிறது. இங்கு விளைவிக்கப்படும் உருளைக்கிழங்கில் கிராக்கி இருப்பதால், நம் மாநிலம் உட்பட பல்வேறு மாநிலங்களுக்கும் அனுப்பப்படுகிறது. தோட்டக்கலைத் துறையும் உருளைக்கிழங்கு விவசாயத்தை ஊக்குவிக்கிறது.நடப்பாண்டு, கடை போக விவசாயத்துக்கு அதிகளவில் உருளைக்கிழங்கு சாகுபடி செய்ய விவசாயிகள் நிலங்களை தயார்படுத்தியுள்ளனர்.
அதில், 'இமாலின், குப்ரி ஜோதி, கிரிதாரி' உட்பட விதை கிழங்கு வாங்கி சாகுபடி செய்ய உள்ளனர். தோட்டக்கலை இணை இயக்குனர் சிபிலா மேரி கூறுகையில், ''ஊட்டி நஞ்சநாடு கோல்கிரைன் தோட்டக்கலைப் பண்ணையில் விதை கிழங்குகள் உற்பத்தி செய்யப்பட்டு விவசாயிகளுக்கு வழங்கப்பட்டு வருகிறது. ''தற்போது, 'குப்ரி கிரிதாரி, குப்ரி ஜோதி, குப்ரி ஸ்வர்னா, குப்ரி ஹிமாலினி' உட்பட ரகங்களில், 25 டன் விதை கிழங்கு உற்பத்தி செய்துள்ளோம். விரைவில் விவசாயிகளுக்கு வழங்கப்படும்,'' என்றார்.
உங்களுக்காக சிபாரிசு செய்யப்படுகிறது
நிலத்தில் முதலீடு செய்யும் ஆசை மக்களுக்கு அதிகரித்து வந்தாலும், எங்கு எப்படி எவ்வளவு கொடுத்து வாங்குவது போன்ற குழப்பங்கள் நீடித்து வருகிறது.