பாதுகாப்பு கவுன்சில் சீர்திருத்தம்: இந்தியா மீண்டும் வலியுறுத்தல்

Added : செப் 30, 2022 | கருத்துகள் (3) | |
Advertisement
வாஷிங்டன்: 'ஐ.நா., பாதுகாப்பு கவுன்சில் சீர்திருத்த நடவடிக்கையை நீண்ட காலத்துக்கு தள்ளிப்போடக் கூடாது; உடனடியாக துவங்க வேண்டும்' என, இந்தியா மீண்டும் வலியுறுத்தியுள்ளது.உலக நாடுகள் அங்கம் வகிக்கும் ஐ.நா., சபையில், ஐ.நா., பாதுகாப்பு கவுன்சில் மிகவும் முக்கியத்துவம் வாய்ந்த அமைப்பாகும். சர்வதேச பாதுகாப்பு ஒத்துழைப்பு குறித்து, இந்த அமைப்பே முடிவு செய்கிறது. இந்த
United Nations, Jaishankar, India, இந்தியா, ஜெய்சங்கர், ஐநா பாதுகாப்பு கவுன்சில், அமைச்சர் ஜெய்சங்கர், ஐநா சபை, UN Security Council, Minister Jaishankar, UN Council,UN,

வாசிக்க நேரம் இல்லையா? செய்தியைக் கேளுங்கள் headphone

வாஷிங்டன்: 'ஐ.நா., பாதுகாப்பு கவுன்சில் சீர்திருத்த நடவடிக்கையை நீண்ட காலத்துக்கு தள்ளிப்போடக் கூடாது; உடனடியாக துவங்க வேண்டும்' என, இந்தியா மீண்டும் வலியுறுத்தியுள்ளது.

உலக நாடுகள் அங்கம் வகிக்கும் ஐ.நா., சபையில், ஐ.நா., பாதுகாப்பு கவுன்சில் மிகவும் முக்கியத்துவம் வாய்ந்த அமைப்பாகும். சர்வதேச பாதுகாப்பு ஒத்துழைப்பு குறித்து, இந்த அமைப்பே முடிவு செய்கிறது. இந்த கவுன்சிலில் அமெரிக்கா, பிரிட்டன், சீனா, ரஷ்யா, பிரான்ஸ் ஆகிய ஐந்து நாடுகள் நிரந்தர உறுப்பினர்களாக உள்ளன. மொத்தம், 15 நாடுகள் உடைய பாதுகாப்பு கவுன்சிலில் இந்தியா தற்போது நிரந்தரமில்லா உறுப்பினராக உள்ளது. இந்தியாவின் இரண்டாண்டு பதவிக் காலம் வரும் டிசம்பரில் முடிவுக்கு வருகிறது.



இந்நிலையில், 'ஐ.நா., பாதுகாப்பு கவுன்சிலில் சீர்திருத்தம் செய்ய வேண்டும்; இந்தியாவுக்கு நிரந்தர உறுப்பினர் அந்தஸ்து தர வேண்டும்' என, மத்திய அரசு தொடர்ந்து வலியுறுத்தி வருகிறது. அமெரிக்கா சென்றுள்ள நம் வெளியுறவு அமைச்சர் ஜெய்சங்கர், சமீபத்தில் நடந்த ஐ.நா., பொதுச் சபை கூட்டத்தில் இதை வலியுறுத்தினார். ஐ.நா., பொதுச் செயலர் அன்டோனியோ குட்டரெசை சந்தித்தபோதும் இதை அவர் வலியுறுத்தினார்.


latest tamil news



இந்நிலையில், வாஷிங்டனில் நேற்று ஜெய்சங்கர் கூறியதாவது: ஐ.நா., பாதுகாப்பு கவுன்சிலில் சீர்திருத்தம் செய்ய வேண்டும். இந்தப் பணி கடினமானது தான்; சிக்கலானது தான். ஆனால், அதையே காரணம் கூறி, சீர்திருத்த நடவடிக்கைகள் மேற்கொள்வதை தொடர்ந்து தள்ளிப்போட முடியாது. ஏதாவது ஒரு புள்ளியில் இந்த நடவடிக்கை துவங்கப்பட வேண்டும். இதையே இந்தியா வலியுறுத்தி வருகிறது. இதற்கு, அமெரிக்கா உட்பட பல நாடுகளும் ஆதரவு தெரிவித்துள்ளன. இவ்வாறு அவர் கூறினார்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
மலரின் மகள் - EDINBURGH,யுனைடெட் கிங்டம்
30-செப்-202216:02:28 IST Report Abuse
மலரின் மகள் வீட்டோ அதிகாரத்தை நீக்க வேண்டும்.
Rate this:
Cancel
sankaranarayanan - Chennai-Tamilnadu,இந்தியா
30-செப்-202213:09:41 IST Report Abuse
sankaranarayanan வெட்கக்கேடு இது நேருவால் வந்த வினை. இல்லையென்றால் அப்போதே இந்தியா ஐவரில் ஒருவராக வந்திருக்க முடியும். ஆனால் சீனாவை முண்முழிந்ததார் நமது அந்த கால பிரதமர் ஆதலால் இந்த கதி நமக்கு நேர்ந்துள்ளது.
Rate this:
Cancel
Kasimani Baskaran - Singapore,சிங்கப்பூர்
30-செப்-202205:53:49 IST Report Abuse
Kasimani Baskaran உலகிலேயே மிகப்பெரிய ஜனநாயக நாடு - ஆனாலும் நமக்கு பாதுகாப்பு சபையில் நிரந்தர இடம் இல்லை.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X