சென்னை : தமிழகம், புதுச்சேரியில் டிச. 8ம் தேதி வரை வடகிழக்கு பருவமழை இயல்பைவிட குறைவாகவே பெய்யும் என சென்னை வானிலை ஆய்வு மையம் அறிவித்து உள்ளது.
இந்திய வானிலை ஆய்வு மையத்தின் தென் மண்டல தலைவர் பாலச்சந்திரன் நேற்று வெளியிட்ட அறிவிப்பு: இந்த மாதம் 17 முதல் 23ம் தேதி வரை வடகிழக்கு பருவமழை வெகு குறைவாக பெய்துள்ளது. இந்த காலத்தில் இயல்பாக 34 மி.மி. பெய்ய வேண்டும்; ஆனால் 91 சதவீதம் குறைவாக 3 மி.மீ. மட்டுமே பெய்து உள்ளது.
மேலும் 16 மாவட்டங்களில் மழை பதிவாகவில்லை; 22 மாவட்டங்களில் இயல்பை விட மிகக் குறைவாக பெய்து உள்ளது. அக். 1 முதல் நவ. 23 வரையிலான காலத்தில் இயல்பாக 33 செ.மீ. மழை பெய்திருக்க வேண்டும்; ஆனால் 4 சதவீதம் அதிகமாக 31.7 செ.மீ. பெய்துள்ளது.
|
கடந்த இரண்டு வாரங்களில் முதல் வாரத்தில் இயல்பை விட 17 சதவீதம் அதிகமாகவும்; அடுத்த வாரத்தில் இயல்பை விட 4 சதவீதம் குறைவாகவும் பெய்துள்ளது. இந்த மாதம் இயல்பை ஒட்டியே வெப்பநிலை பதிவாகி உள்ளது.
டிஜிட்டல் தரவுகள் சார்ந்த கணிப்பு அடிப்படையில் அடுத்து வரும் இரண்டு வாரங்களில் டிச. 8 வரை தமிழகம் மற்றும் புதுச்சேரியில் வடகிழக்கு பருவமழை பெரும்பாலும் இயல்பை விட குறைவாகவே பதிவாகும். நவ. 29ம் தேதி வரை தமிழகம் மற்றும் புதுச்சேரியில் மிதமான மழை பெய்ய வாய்ப்பு உள்ளது. இவ்வாறு அவர் தெரிவித்துள்ளார்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
உங்களுக்காக சிபாரிசு செய்யப்படுகிறது
