3, 5, 8ம் வகுப்புகளுக்கு பொது தேர்வா? 'டவுட் தனபாலு'வுக்கு பொன்முடி பதில்

Updated : நவ 26, 2022 | Added : நவ 26, 2022 | கருத்துகள் (12) | |
Advertisement
சென்னை: புதிய கல்வி கொள்கையில், 3, 5, 8ம் வகுப்புகளில் பொது தேர்வு இருப்பதாக கூறியது குறித்து, நம் நாளிதழின், டவுட் தனபாலு' பகுதியில் வெளியான செய்திக்கு, அமைச்சர் பொன்முடி விளக்கம் அளித்துள்ளார்.அவர் கூறியிருப்பதாவது:தமிழக பல்கலை துணை வேந்தர்களின் ஆலோசனை கூட்டம், 23ம் தேதி என் தலைமையில் நடந்தது. கூட்டம் முடிந்ததும் பேட்டி அளித்தேன். 'பல்கலைகள் மற்றும்
Ponmudi, Dinamalar, டவுட் தனபாலு, அமைச்சர், பொன்முடி, தினமலர்

சென்னை: புதிய கல்வி கொள்கையில், 3, 5, 8ம் வகுப்புகளில் பொது தேர்வு இருப்பதாக கூறியது குறித்து, நம் நாளிதழின், டவுட் தனபாலு' பகுதியில் வெளியான செய்திக்கு, அமைச்சர் பொன்முடி விளக்கம் அளித்துள்ளார்.


அவர் கூறியிருப்பதாவது:


தமிழக பல்கலை துணை வேந்தர்களின் ஆலோசனை கூட்டம், 23ம் தேதி என் தலைமையில் நடந்தது. கூட்டம் முடிந்ததும் பேட்டி அளித்தேன். 'பல்கலைகள் மற்றும் கல்லுாரிகளின் பாடத்திட்டம் தரம் உயர்த்தப்பட்டு, உலக தரத்தில் சீரமைக்கப்படுகின்றன' என, தெரிவித்தேன்.

பின், கேள்விகளுக்கு பதில் அளித்தேன். அப்போது, 'தமிழகத்தில் புதிய கல்வி கொள்கை வந்தால், 3, 5, மற்றும் ௮ம் வகுப்புகளுக்கு கூட, பொது தேர்வு வந்து விடும். அந்த நிலை ஏற்படாமல் இருக்க, மாநில கல்வி கொள்கை உருவாக்கப்படுகிறது' என்று கூறினேன்.

இந்நிலையில், 24ம் தேதி வெளியான, 'தினமலர்' நாளிதழில், பக்கம் 8ல் 'டவுட் தனபாலு' எனும் பகுதியில், நான் தெரிவித்த கருத்து வெளியிடப்பட்டு, அதற்கு பதில் சொல்வதாக கூறப்பட்டுள்ளது. 'தேசிய கல்வி கொள்கையில், பொது தேர்வு பற்றி எதுவும் குறிப்பிடப்படவில்லை. அதற்கு முன்னர் நீங்களே, புலி வருது கதையாக, படிக்கிற பசங்க மத்தியில் பீதியை கிளப்பணுமா என்ற டவுட் எழுதே' என்று கூறப்பட்டுள்ளது.


latest tamil news


மத்திய அரசு வெளியிட்ட வரைவு தேசிய கல்வி கொள்கை -- 2019ம் ஆண்டு ஆவணம், பக்கம் 107, நான்காவது பத்தியில், 10 மற்றும், 12ம் வகுப்புடன் சேர்த்து, 3, 5 மற்றும் ௮ம் வகுப்பு மாணவர்களும் சென்சஸ்' தேர்வு எழுதுவர் என்று, பொது தேர்வு பற்றி குறிப்பிடப்பட்டுள்ளது.

அதேபோல், 65 பக்கம் கொண்ட தேசிய கல்வி கொள்கை - 2020 ஆவணத்தில், பக்கம் 18, நான்காவது பத்தியில், உரிய அதிகாரம் மிக்க அமைப்பு வாயிலாக, 3, 5, 8ம் வகுப்புகள் படிக்கும் அனைத்து மாணவர்களுக்கும், பொது தேர்வுகள் நடத்தப்படும் என, தெரிவிக்கப்பட்டுள்ளது.

எனவே, புதிய தேசிய கல்வி கொள்கை வந்தால், 3, 5, 8ம் வகுப்புகளுக்கு பொது தேர்வு வந்து விடும் என்று, நான் கூறிய கருத்து உண்மைதான் என்பதையும், அது மத்திய அரசின் ஆவணங்களிலேயே உள்ளது என்பதையும் தெரிவித்து கொள்கிறேன்.

இதன்படி, புதிய கல்வி கொள்கையில், பொது தேர்வு பற்றி எதுவும் குறிப்பிடவில்லை என்று, 'தினமலர்' நாளிதழில் குறிப்பிட்டிருப்பதை திருத்தி, உண்மை தகவலை வெளியிட வேண்டும். இவ்வாறு அதில் கூறப்பட்டுள்ளது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (12)

Mohan - Thanjavur ,இந்தியா
26-நவ-202213:00:18 IST Report Abuse
Mohan மொதல்ல உங்களுக்கெல்லாம் பரீட்சை வச்சி தேர்ந்தெடுக்கப்படனும்.
Rate this:
Cancel
Rafi - Riyadh,சவுதி அரேபியா
26-நவ-202212:18:59 IST Report Abuse
Rafi அடிப்படை கல்விக்கே ஆப்புவைக்க முயல்வதின் முதல்படியே, உரிய அதிகாரம் மிக்க அமைப்பு மூலம் தேர்வுகள், தமிழர்கள் புரிந்து கொள்வார்கள். இதனால் அதிகம் பாதிக்கப்பட போவது வட மாநிலங்கள் தான், அவர்களுக்காகவும் தான் பெரியார், மற்றும் அம்பேத்காரின் கொள்கைகளை நாடெங்கிலும் பரவ திராவிட அரசு முயன்று அனைத்திந்திய மக்களுக்கும் கல்வி பெரும் திருமதி சோனியாவின் அடிப்படை கல்வியின் உரிமையை நிலை நாட்ட வேண்டும்.
Rate this:
26-நவ-202214:04:27 IST Report Abuse
ஆரூர் ரங்மாணவர்களுக்கு தேர்வு வைக்காமல் ஆசிரியர்களின் கற்பித்தல் தரத்தை எப்படி கண்டறிவது...
Rate this:
MARUTHU PANDIAR - chennai,இந்தியா
26-நவ-202222:29:06 IST Report Abuse
MARUTHU PANDIARவிதண்டாவாத மூர்கனுக்கெல்லாம் விளக்கம் கொடுக்கத் தேவயில்லை எனலாம் ....
Rate this:
Cancel
26-நவ-202211:01:28 IST Report Abuse
ஆரூர் ரங் புதிய கல்விக் கொள்கைப்படி ஆரம்பப் பள்ளித் தேர்வுகளில் பாஸ்/ ஃபெயில் கிடையாது.
Rate this:
Rafi - Riyadh,சவுதி அரேபியா
26-நவ-202215:09:11 IST Report Abuse
Rafi நீண்ட கால திட்டம் கொஞ்சம், கொஞ்சம்மாக நுழைக்கவே இது போன்ற உயரிய அதிகாரம் மிக்க குழு,...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X