வீட்டில் பென்சில் அடுக்கினால் ரூ.30 ஆயிரம்: இல்லத்தரசிகளுக்கு மோசடி கும்பல் வலை

Updated : நவ 28, 2022 | Added : நவ 28, 2022 | கருத்துகள் (5) | |
Advertisement
கோவை: சமீப காலமாக, வீட்டில் இருந்தபடியே பென்சில் பேக்கிங் செய்து சம்பாதிக்கலாம் என்ற விளம்பரம், பல்வேறு சமூக ஊடக குழுக்களில் பதிவிடப்படுகிறது.அப்பதிவில், மொத்தமாக அனுப்பப்படும் பென்சில்களை பிரித்து, தனித்தனியாக பேக்கிங் செய்து அனுப்ப மாதம், ரூ.30 ஆயிரம் சம்பளம், முன்பணம் ரூ.10 ஆயிரம் வழங்கப்படும் எனவும், புகைப்படங்களுடன் விளம்பரம்

கோவை: சமீப காலமாக, வீட்டில் இருந்தபடியே பென்சில் பேக்கிங் செய்து சம்பாதிக்கலாம் என்ற விளம்பரம், பல்வேறு சமூக ஊடக குழுக்களில் பதிவிடப்படுகிறது.


அப்பதிவில், மொத்தமாக அனுப்பப்படும் பென்சில்களை பிரித்து, தனித்தனியாக பேக்கிங் செய்து அனுப்ப மாதம், ரூ.30 ஆயிரம் சம்பளம், முன்பணம் ரூ.10 ஆயிரம் வழங்கப்படும் எனவும், புகைப்படங்களுடன் விளம்பரம் அமர்க்களப்படுகிறது.



latest tamil news



'அட...பென்சில் அடுக்கும் வேலைதானே...அதுக்கு இவ்வளவு சம்பளமா' என நினைத்து, இப்பதிவிற்கு பலர் ஆர்வம் தெரிவித்து, பலர் கருத்து பதிவிடுவதை காணமுடிகிறது.
வாட்ஸ் அப்பில் தொடர்பு கொள்ளும் நபர்களிடம், 'பென்சில் பேக்கிங் செய்வதற்கான பொருட்கள் அனுப்பும் போது முன்பணம், 10 ஆயிரம் ரூபாய் வங்கிக்கணக்கிற்கு அனுப்பப்படும். மாதம் பென்சில் பேக் செய்தால், 30 ஆயிரம் சம்பளம் கிடைக்கும், விருப்பமான நேரத்தில் பணி செய்து கொள்ளலாம்' என மூளை சலவை செய்கின்றனர்.
அப்புறம்தான் வேலையை காட்டுகின்றனர். செயல்பாட்டு கட்டணமாக, ரூ.600 முதலில் செலுத்த வேண்டும் என்று மெல்ல அவிழ்த்து விட்டு அத்தொகையை பெற்றுக்கொள்கின்றனர். அத்தோடு சரி; அந்த எண்ணை 'பிளாக்' செய்து விடுகின்றனர்.


பல நுாறு பேரிடம் அறுநுாறு!



தொகை சிறிது என்பதால், பலர் நொந்து கொண்டு கடந்து விடுகின்றனர். ஆனால் பல நுாறு பேரிடம் ரூ.600 எனும்போது, இது பெரிய மோசடி. பாதிக்கப்பட்டவர்களில் ஒருவரான, இல்லத்தரசி மஞ்சுமாலினி கூறுகையில், ''குழந்தைகள் இருப்பதால், முழுநேர வேலைக்கு செல்ல முடியவில்லை. அதனால், பென்சில் பேக்கிங் விளம்பரத்தை, முகநுாலில் பார்த்து வாட்ஸ் அப்பில் தொடர்பு கொண்டேன். பணி சார்ந்த விபரங்களை கூறிவிட்டு, 'செயல்பாட்டு கட்டணமாக, ரூ.650 செலுத்த வேண்டும்; அந்த பணத்தில் 600 ரூபாய், முதல் சம்பளத்துடன் திருப்பி அளிக்கப்படும்' என தெரிவித்தனர்.

அத்துடன் ஆதார், பான் கார்டு ஜெராக்ஸ் கேட்டனர். தொகை குறைவு, வேலை கிடைக்கும் என்ற ஆர்வத்தில் கொடுத்து விட்டேன். அதன் பிறகு, என் நம்பரை 'பிளாக்' செய்து விட்டனர். தொகை குறைவு என்பதால் யாரிடமும் கூறவில்லை. ஆதார், பான் கார்டு நகல் வைத்து, என்ன செய்வார்களோ என்ற அச்சம் எப்போதும் உள்ளது,'' என்றார்.

இது குறித்து, போலீசார் கூறுகையில், 'மக்களின் ஆசையை துாண்டி விட்டே பல மோசடிகள் நடக்கின்றன. பகுதி நேர வேலை என்று, பெண்களை தவறான பாதைக்கு அழைத்து செல்லும் குற்றங்களும் நடக்கின்றன. பொதுமக்கள் உஷாராக இருக்க வேண்டும்' என்றனர்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (5)

naadodi - Plano,யூ.எஸ்.ஏ
29-நவ-202204:13:40 IST Report Abuse
naadodi ஷாரிக் திருடப் பட்ட ஆதாரைத்தான் பயன் படுத்தி உள்ளான்.
Rate this:
Cancel
28-நவ-202216:45:17 IST Report Abuse
சாம் ஆசை பேராசை - எத்தனை சதுரங்க வேட்டை வந்தாலும் திருந்தவே மாட்டார்கள்... பேனாவில் இங்க் நிரப்பும் வேலை என்று அடுத்து வரும்....
Rate this:
Cancel
raja - Cotonou,பெனின்
28-நவ-202208:20:22 IST Report Abuse
raja முந்தைய கட்டுமரம் ஆட்சியில் தேக்கு வளர்ப்பு, ஈமு கோழி வளர்ப்பு என்று வித விதமா கொள்ளை அடித்தாநுவோ... இப்போ கேடுகெட்ட விடியாத ஆட்சியில் இப்படி மக்களை ஏமாத்துறானுவி... திருட்டு திராவிடத் துக்கும் இவனுவோல்லுக்கும் ஏதோ ஒரு தொடர்பு இருக்கும் போல... ஆன்ன அதிமுக ஆட்சியில் இவணுவோ எல்லாம் வாள சுறுட்டிகிட்டு இருகானுவோலே அது ஏன்...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X